أربعة شباب .. تواعدوا يطلعون للثمامه سوا ويكشتون ليلتين!
إتفقوا بينهم وبين بعض ؟؟ وزبطوا كلّش!!
اللي جاب الخيمه واللي جاب الأكل واللي جاب الورقه.. واللي جاي بروحه بس..
ويوم جتّ حزّة الطلعه ..والله وخويهم اللي بيجي بروحه بس !إنشغل!
دق عليهم وقالهم إن أبوه عليه قلّ صحّ ويبي يوديه المستشفى؟
الشباب قالو عادي.؟. طبعاً هو ماراح يأثر لأنه موب جايب شي معه.
المهم..
تجمعوا الشباب .. وركبوا في ذاك الموتر ورصوا في المرتبه اللي قدام ((تدرون ليش !!)) لأنه ددسن غماره وحده!!
وبدت رحلتهم .. كانوا مستانسين في الطريق ويغنون ..ويرقصون .. ويسقطون على خلق الله!!
ويوم دخلوا للثمامه وعدوا دوار العويضه .. إلا ويشوفون ذاك الشقّ .. الشلخ!!! ياويل قلبي ويلاه!!!
شيٍ أسود مخصر وعليه لثمه!!! قاعدةٍ تشّر على قارعة الطريق؟؟
ويكعون فرامل لين طلعوا كلهم في الشارع مع القزازه!!! وتقولهم : معليش شباب ممكن توصلوني بيت أهي؟ قالوا لها وإنتي وش جايبتس هنا بلحالك؟؟ قالت :أنا جيت مع أهلي.. بس رحت أقضي الحاجه .. وأبطيت شوي .. ومن كثر خواتي أبوي يحسبني معهم وكفخوا وخلوني!!!
الشباب قالوا خير إنشاءالله.. وين بيتك؟؟ قالت : بيتنا في السويدي!!!
الشباب مسكوا روسهم!!! قالوا وش بيودينا للسويدي وحنا في الثمامه .. ثم نعوّد نرجع للثمامه.. بس مو مشكله عمل إنساني!! ((وإلا لو إنه أبو شنيب إن نشوف الأعمال الإنسانيه!!)) .. طبعاً لأنها بنت هم بيوصلونها وهذا بحد ذاته سبب وجيه؟؟؟
عاد أقووولكم… ركبوها في الصندوق … ويمشون مليونين.. واللي قدام كل شوي يلتفتون واللعابين تقطر!! والخشش مندلقه .. تقول ماقد شافوا بنت.. واللي يلتفت عليها وهي بالصندوق ويغمز,,, واللي يشّر لها .. وهي معطيتهم أشكل .. ويوم وصلوا للسويدي..
ويقولون لها .. : شاوريلنا بيدتس ودلينا على بيتكم.. البنت قامت تشر وتدلدل فيهم بس المشكله هي ماتعرف البيت لأنهم دخلوا للسويدي من جهه غير اللي عودهم أبوهم يجيبهم معها … عاد ضاعت طاسة البنيّه!!! وقعدت تصيح!! والوقت كان ليل!!
وقالوا لها ميب مشكله .. إنا بنروح نكشت في الثمامه والصباح رباح!!!وش رايتس تجين معنا هناك !!
البنت وافقت بس بشروط .. إنها ماتفصخ عبايتها … وتنام فيها لين الصبح!!
الشباب وافقوا!
رجعوا للثمامه!!!
وطقوا خيمتهم…
هم مستانسين ويلعبون ورقه… والبنت تعاينهم من بعيد!!! يقالها خايفه
قعدوا عقبها يشوون … وويوم خلص الشوي حطوا للبنت كل الأكل ويوم خلصت وشبعت كلوا عقبها
وقهووها وشهووها وحلوولوها … وسمروا على ضوّ القمر… وضحك ووناسه والبنت من بعيد لبعيد بس..
وجتّ حزّة النوم…. الشباب تراصوا في قرنه وفرشوا للبنت الفراش الكبير …
وناموا….
وهم نايمين
حسوا إن البنت تقرب يمهم حبّه حبّه؟؟؟؟
العيال شكوا في الموضوع … قالو شكلها من البنات اللي ماش!! (تكفى يالعاقلين)؟؟؟
والله والبنت تقرب وتقرب …. لين مره صار بينها وبينهم سنتي واحد وتفتش …
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وش تتوقعون صار…
طلعت البنت ذي … هي خويهم الرااااابع اللي إعتذر… لابس عبايه!!!
ويشبون عليه ويدبجونه ويقومون ويضفون خيمتهم وعفشهم حتى العبايه خذوها !!! وخلوه بروحه هناك ؟؟؟
يقولون خل نشوف من اللي بيوصلك لبيتكم
تحياتي
*سحـــــر* @shr_31
عضوة جديدة
يلزم عليك تسجيل الدخول أولًا لكتابة تعليق.
ههههههههههههههههههههههههههههههههههه
خخخخخخخخخخخخخخخخخخخخخخخخخخخخخخ
هههههههههههههههههههههههههههههههههه
هاهاهاهاهاهاهاتهاهاهاههاهاهاهاهاعااهع
الله يسامحك معني قاريتها قبل بس مع كدا قمت اكهكه اهاهاهاهاهاه
خخخخخخخخخخخخخخخخخخخخخخخخخخخخخخ
هههههههههههههههههههههههههههههههههه
هاهاهاهاهاهاهاتهاهاهاههاهاهاهاهاعااهع
الله يسامحك معني قاريتها قبل بس مع كدا قمت اكهكه اهاهاهاهاهاه
الصفحة الأخيرة
تحياطو
عهودة