الرمضـاء :

انصحك تروحي الرياض وخاصه انك ماعمرك جيتيها بصراحه الرياض فيها كل شيء يخطر على بالك تبين اسواق تبين شاليهات تبين ملاهي تبين اسواق شعبيه من جد الرياض غير اما المطاعم شخصياً سافرت لكذا عاصمه عربيه مطاعم الرياض غير فخامه ونظافه وخدمه واكل مميز السكن والله اذا تبين اوتيلات راح تتعبي من كثرها واذا تبي شقق فندقيه فيه شقق مميزه مره وانصحك تسكنين في حي العليا يعتبر في قلب الرياض وقريب من اشهر المجمعات التجاريه ما انسى اوصيك لايفوتك تروحي مجمع الفيصليه واطلعي ( البلوره ) اللي هي شكل كوره فوق المبنى هناك فيه كوفي وفيه مطعم انصحك بس تتقهوي هناك وتطلي ع الرياض لانك راح تشوفي الرياض كلها اممممممممممم كمان فيه مجمع أو برج المملكه واطلعي انتي واطفالك الصغار لمملكه المرأه هناك كوفي اسمه ذا موديل كافيه صراحه مكان شيك وتشوفين فيه اشكال والوان من البنات والقصات والتقليعات يعني فرجه ببلاش :) عاد مجمعات التسوق عددها كبير في الرياض شيء راقي مره وشيء شعبي بالنسبه للمجمعات التجاريه مفتوحه من ثاني العيد واعتقد المطاعم اللي فيها مفتوحه حتى اول يوم بوصف لك عنوان كذا شغله عندك الاسواق الفيصليه & المملكه & العليا مول على طريق العليا العام سوق غرناطه تلقينه في حي غرناطه انصحك يكون تجولك بالموزين اريح من ناحيه حوسه المشوار يعني لو انتي في العليا وتبين تروحين غرناطه سعر الليموزين مايتجاوز العشرين ريال عندك كمان الملاهي فيه ستار ستي والمرسا هذي على مخرج 10 عندك سوق صحارى وصحارى بلازا ( جنب بعض ترا ) موقعها حي المرسلات كمان لايفوتك تروحين شاليهات الثمامه تلقين كثير من الشاليهات قيمه الكبينه اعتقد 100 ريال او اكثر شوي الشاليه الكامل بمسبح اعتقد 500 ريال او اكثر شوي وصراحه دامكم عائله انصحكم تسكنون شقه والشقق كثيره خاصه في العليا والشقه المكونه من غرفتين ومطبخ 2 دوره مياه راح يكون قيمتها 300 او 350 ونظامها خيال واذا تبين اسماء شقق مميزه انا جاهزه وإذا تبين اعطيك ارقامهم ابشري بالنسبه لتخفيضات مافيه تخفيضات تذكر خاصه ان موديلات السنه الجديده بدت تنزل ع العموم اذا صامله تروحين راح اكتب لك بالتفصيل وبالتوفيق ياقمر :26:

انصحك تروحي الرياض وخاصه انك ماعمرك جيتيها بصراحه الرياض فيها كل شيء يخطر على بالك تبين اسواق...