مكاني

وعليكم السلام ورحمة الله وبركاته ..


ياوسع خيالتس ماشاء الله انا لو اتخيل ..حدي بس اتخيل ان البقر يطير خخخخخخخخخخ




يختي شسوي اللقافة متاصلة فيني راضعتها وانا صغيرة اظن الهولنديين

ملاقيف من كثر ماكحنا من حليب بقرهم

ماتعرفين دكتور يعالجن

بس لازم استشاري لقافة ايه انا مااعالج الا عند استشاري

وان كانها دكتورة ترى ابرك ولواني ماهقيته الحريم كلهن

ملاقيف الا من رحم ربي



الف مبارك عليتس العرس الله يسعدتس منك المال والعيال ..ورا عاد ماعزمتينا :hahaha:




ياحليلهم ذا القديمين عندهم شباصات بعد هههههههههه




تهون عند الصراصير




الله اكبر ياكافي هذي بربستس بتالي الليول يالدبى



اول مرة احس اني سنعة فيني رجاء عساي طبخت لهم ياعذبذب:22:



شنسوي ذبحتينا والبيت مدري المثل ............والبثر خير من اجابته السكوت

ياجعل ربي يسعدتس على هالسوالف المحششة ...

تصدقين اعجبتن شيخة القبيلة نشمية تحسينها كفو ام تابط هذا العشم خخخخخخخخخخخخخخ

للتذكير :

لاتنسين الاستشاري حق اللقافة ابعتي لي رقمه ok

مكاني
~~~~~~~~~~~~~~~~~~~~~~~~~~
.
.
باااااااااااااااك
.
.
وعليكم السلام..
الحين يوم رجعتي للعصور القديمه ليش ماقعدتي عندهم!! وش جابك..مهب انتي تقولين حياتهم احسن!! ولاالحكي مايبي شي!!
وترى اللي صار هذا كله مهب من اله زمن ولا شي..هذا من تأثير الاندومي الله يكفينا شرها..
حتى يقولون والعهده على الراوي..يقولون ان الاندومي هي السبب في الي قاعد يصير بلبنان!!وانا مدري ماادخل بذمتي شي..
ويقولون بعد انها هي السبب في تلوث منطقة الرياض..لكثرة الناس اللي ياكلونها ويجدعون قراطسيها..وتعرفينها جواها قراطيس صغيرات...ملح وعصير ومدي وشو..
يعني بالله اللي بيطبخ انومي مهب صاير عنده ملح!!مدري معين يفكر هاللي صانعها..
الله يعافيكم ولايبلانا بس..لاتكثرين منها ترى يقولون انها تسبب شسمه...واعراضها ظاهره عليك علشان كذا لازم تقاطعينها..او نقاطعك..

اعزمينا عاد..ولو اني مزاعلتها الترفيهيه..بس باجي لعرسكم..لا لا مهب علشان العشا بس باجي اتفرج

نعنبو غير صاحيه انتي؟؟ حتى لو ماتغير طعمها..مافيه احد يشرب ميرندا فراوله مع العشا..
ولاتكثيرن من الافلام..ترى الاحمر اللي يشربونه مع العشا مهب ميرندا فراوله..شي ثاني اخاف اعلمك وشو تروحين تشربينه..

تونا في اول الاجازه..
واللي ماسافروا فيه ثلاث احتمالات..اما انهم يدرسون..او ان ابوهم مشغول..اوان اختهم الصغيره مسجله بالندوه...او ان اخوهم الصغير مشترك في نادي<~~مصرفيين
واللي جامعينهم كلهم مافيه امل يسافرون الا بااخر الاجازه..

والله اني قريتها عقل ماركوياحبي له..وداعا ماركوووووووووووو

انا!!
الحين انتي ليش تكرهيني وش انا مسويتلك!! والمشكله انهم يصدقونك ويحسبوني انا الغلطانه...وانا ياعمري دابتن سليمه منب اجي احد

ياحليلهم حتى القديمين يحبون التسدح!!
بس منبطحه وسط الخيمه والناس يدخلون عادي!! والله شغلن طيب..شكلي باروح اعيش عندهم..

ايه بعد لوشافك بتستاثمين به الضعيف..خليه ان كان باقي به عقل لعياله..
يسد هذاك اللي ذيك السنه كشرتي بوجهه ودفقتي عقله..كم مره اقولك صمغي النقاب على وجهك..حرام وش ذنب الناس تروعينهم..

مهب عاقله روبن هود..اجل تعرف الاسهم..بس الظاهر ماكانو يسمونها اسهم..
يسمونها نيبال<~~مهب كنها ديرة شغالات

اممممممممممممم وين رسمتيها!!
اخبر الفحم مايكتب الا على الرصيف اوعلى الجدار<~~خبره
اما على الرمل ماخبرته..

لا اشك اني ماعرفتك عقب ذي!! اكيد اني عارفتك بس اتميلح اسوي نفسي
ولا انتي خلاص صرتي مشهوره بالنصب...حتى ذيك اليوم قاريه خبر عنك بالجريده..

وش مطبخه وش لوزينه يارب تديم النعمه..
اصلا انا اكلي كله دايت ولا اعرف هالاشياء..

ماشاء الله مهب مخبات ذا مخزن عجوز...اشوى ماطلعتي منه المطبخ بكبره..
ذكرتيني بعبقور..

ماش مهب راكبه..غيريها..عجزت ابعها.
لو هي انا ممكنقرمه وسنعه ماشاء الله علي بس..

لا الله يرحم والديك..حتى وحنا قديمين ماسلمنا..
بعدين وين رشاش وقطاعين الطرق..والاكشن..ماش حياتهم ماجازت لي لاحظت انها بس بلع وتسدح..
والله يعطيك العافيه على هالرحله ولو انها طوييييييييييييييييييييييييييييييييله بس حلوه..

خياااااااااااااااااااااال راااااااااااااااااااائع
تسلمين

ههههههههههااااااااي

وربي منتي صاحيه عليك اسلووووووووووووووووووووووب ملعوووووووون جد..

لي عوده يالغاليه اكيد اقراه على رواااقه << ضامنه مكاااني مابيضيع هع

وعليكم السلام ورحمة الله وبركاته

الله ينور عليتس ويزيدتس من الخيال

روووووووووووووعه التمثيليه وتمثيلي هايل معبر ( يا ملحي )

أول مره تكسرين خاطري .... ورحمتس ( حدث تاريخي )

عجبتني أم تأبط الريسه ....

عرفتي تحطين كل وحدتن في متسانها الصحيح

أما بخصوص اللقافه .... فما عليتس زود .... والله يشافينا وسعاده والدره ملاحظتن أنها صابتها اللقافه

( يابري حالي ) على كبر ..... وما اظن الأستشاري اللي تباه سعاده بينفعنا بشي غير شفط دريهماتنا

ولي عودتن في قرنتن ثانيه من ماضوعتس

اليوم خميس .... وبطلع اشم هوا ( هين ............ وجه مطلع لسانه ... موهب لكن )