عذبــــــــة الروح :

شوي الا جت وحده تقول : أم تأبط ياام تأبط.. سبلة الوادي جايتنا تركض ماادري شسالفتها أم تأبط: خير اللهم اجعله خير .. انا يوم سمعت اسم سبلة الوادي فز قلبي:biggrin: .. قلت بس ذي الي بتعرفني .. اكيد لا قلت لها انا عذبة بتفرح>> متوهقه هع هع شوي الا تدخل علينا سبلة الوادي جايتنا تركض نزلت من خيلها أم تأبط : حييييي الله الشيخه سبلة أقلطي أقلطي وانا اختتس وبحركه سريعه مسكت شعرها تدور شئ >> لا تخافون مهب قمل:biggrin: وفكت الشباصه من شعرها وجدعتها قدام أم تأبط لينا وسعادة ( طايره بوهتهن): هووووووووووو!! وش الي صاير >> طول عمرهم ملاقيف ذا الثنتين أم تأبط: وش بتس ياسبله خير عسى ماشر؟؟ سبلة: داخلتن على الله ثم عليتس ماترديني .. أبي أجيب خوياتي ونسكن عندكم >> مجمع سكني على غفله هع أم تأبط: حياتس الله انتي وربعتس بس وش السالفه ؟؟ وش به مكانكم تبون تتركونه؟؟ سبله: غازيتنا فيران جعلها للضربه ماحلفتيني ياام تابط طول الليل ماتسمعين الا صراخ ذا الحريم والبني ومناقزهن بالخيام تخبرين بعد رجالنا مسافرين.. قلت مالنا الا خويتنا ام تابط نقعد عنها لين يلقون لنا رجالنا محلن زين أم تأبط: أفاااا عليتس انتم الداخلين وحنا الطالعين .. نادي خوياتتس بس وشيلي شباصتتس سبله قامت تنادي باقي ربعها اللي براا وتصفر لهم >> مهنا عقل تذكر به من مبطي طبعا كل ذا يصير وانا طايرتن بوهتي.. مدري ليه ذكرت التمثليات البدويه اللي تجي بعد المغرب من اول .. :biggrin: ويوم سبله جت بتجلس وانا اللي اقحص من مكاني اجغفها واسلم عليها سبله : هلا هلا .. يالله حيها .. بس معليش ألاحظك تسلمين بعنف شوي.. من الاخت؟؟ أنا : الله يقطع شيطانتس ياسبله انا عذيب ماعرفتيني ؟؟ سبلة: لا والله ماعرفتس على العموم تشرفنا أنا : وش ماعرفتيني الدعوه فوضى؟؟ الا انتي عاد .. اصلا انتي كنتي معي بالماسنجر يومني انزل اللاب توب للمطبخ ابي اسوي لي اندومي ودخلت ذا الآله الله لا يعيدها وجيت فيذا سبلة: ماسنجر؟؟ لاب توب؟؟ آله ؟؟ وشي تقول ذي لينا : والله ماادري عنها بس من الصبح وهي تهلوس .. وصاجتنا بالواحه كل كلمه والثانيه قالت الواحه والواحه أنا شفت فحمه طايحه مسكتها على طول ورسمت لهم ذا الخشه :biggrin: لعل وعسى يعرفوني وماااش مير محد عطاني وجه .. جاني احباط وسكت شوي الا دخلت وحده وقامت سبله تسلم عليها .. انا حسيت من بوهتها انها خبله .. وشكيت انها من اهل الترفيهي قلت بأسأل أنا: اقول يالاخت.. من انتي كافي لاتيه: أنا كافي لاتيه .. انتي عذبة والا؟؟ انا : ايه ايه انا عذيب .. اشوى شكلتس عرفتيني كافي: لا بس اسمعهم يقولون ان اسمتس عذبة الروح>> طيحت وجهي أنا : ايه انا عذبة .. ماتذكريني طيب؟؟ أنا اللي لعبت عليكم مع العصابه .. نسيتي يومنك غاثتني بالعصابه وكل كلمه والثانيه تقولين اني نصبت عليك .. ايه هذي انا اللي بالواحه.. تذكرين المطبخ؟؟ وفطيرة لزوين؟؟ وليز بالملح؟؟ كافي : لا والله معليش ماعرفتس >> طيحت وجهي للمره الثانيه الدبه واقوم أدرو بمخباتي لقيت صوره واطلعها لها قلت طيب ماتتذكرين ذي؟؟ قامت تناظرها شوي ثمن قالت أبددددد ولا مرت علي واطلع وحده ثانيه .. قلت طيب وذي؟؟ قامت تمقل فيها .. ومير افرح قلت بس شكلها بتتذكرني وتلتفت على شموخ قالت مهب ذا كنه الضب اللي صدناه ذيك السنه؟؟ >> ضب ميييين ياعمي قلت: طيب ماتتذكرين مواضيعتس بالواحه؟؟ لينا : وبعدين ياعذبة؟؟ همانا قلنا لك فكينا من سيرة ذا الواحه؟؟ أنا : طيب خلاص انا حسيت اني طفشت .. طلعت من الخيمه الا اشوف وحده منسدحه على التراب وملقيتني قفاها.. استغربت وش تبي ذي متميلحه ذا الجو يومنها تبطح !! ثمن فزت من مكانها وراحت مسكت لها عنز توها مولوده وجلست تمسح على ظهرها وتغني لها وترقص معها .. مابقى الا تبوسها :biggrin: .. شوي وقامت تناقز على التراب كنها مهبوله.. يوم قربت اكثر واطالع الا هي نسمه هوى أثرها هاكتن عليها هايدي من ذاك الوقت ياعمري هي واروح أسلم على نسمه ونتجاغف نسمه : اهلين .. سراحه نور مكانا بوجودك عذبة: أقول لا تتنيعمين علينا ترانا ببر!! >> حتى وانا قديمه وجهي مغسول بمرق:biggrin: نسمه : تيب بعد شوي رجعت لخيمه ام تابط لقيت ليناوسعادة قايمين يبون يطلعون ... ياله ياجماعه نشوفكم على خير ان شاء الله سبلة الوادي: وين ؟! تو الناس مابعد شبعنا منكم!!>> مانت العمه قامت تعزم بعد سعادة الدارين: أبد والله بس لازم نروح الحين نغدي عيالنا ماعندهم احد أنا : مب لازم تطبخون أكثر ماكثر الله المطاعم >> ولا ردوا علي شكلهم سفهوني واتفقوا اني كل ماقلت شئ غريب عليهم يحجدوني ولا يردون لينا:ايه ولا ناب مبطين ان شاء الله .. لا اذن المغرب جينا نتقهوى عندكم أم تأبط : أجل ترى عشاكم الليلة عندي هنا .. جيبوا عيالكم معكم هماه!! حتى أم العيال وربعها بيجونا اليوم على العشاء وتلتفت على أخت تأبط : وانتي وانا امتس تسنعي وسوي الغداء انتي والبنات أخت تأبط : ان شاء الله يمه .. انا: اخاف يا اخت تأبط أن حدتس سريلاك بس خخخخخخخخ >> مسويه تنكت أم تأبط: وش سريلاكه ياجعل عدوتس الضربه .. تسعني بس وساعديها وبعدين روحي انتي والبنات أحلبوا الناقه لا يشفطونه عيالها >> حلوه ذي.. الحلال حلال ابونا والقوم قاموا طردونا >> مصدقه أنا : وش أحلبها؟؟ وشلون مااعرف .. بعدين اخاف أحلبها تحلبني هع هع

شوي الا جت وحده تقول : أم تأبط ياام تأبط.. سبلة الوادي جايتنا تركض ماادري شسالفتها أم تأبط: خير...