بنــــــــــــات مصـــــــــــــر

la rosa • 21 سنة

انا لسه شايفة مشكلة اليانور وردود البنات
شوفى يا اليانور وانا بقرا الردود لاحظت ان البنات يعنى المخطوبات او اللى بيحبو هيردو بقلبهم والمتزوجات هيردو بعقلهم وده فعلا اللى حصل
بس عموما رأى دون صح ميه ميه
بلاش يستعجل خليه يقف على رجله الاول وهو لو نيته سليمه ربنا هيساعده لانه بيسعى لشئ حلال وانتى تابعيه واعرفى اخباره ولما يلاقى حاجه يتسند عليها وباباكى يحس انه متمسك بيكى وكل ما يترفض يتقدم وراح سعى وعمل حاجه عشان يوصلك ولو حس ان اخلاقه ودينه مناسبين اكيد مش هيرفض ويرفض ليه ؟ وهو عايز ايه لبنته غير كده
الموضوع عايز منك صبر وطولة بال وبعدين معلش يا ستى استحملى مفيش حاجه سهلة اليويمن دول
وفى الاول وفى الاخر صلى استخارة وامشى فى الموضوع لو فيه خير ربنا هيسهله ويرزقه من حيث لا يحتسب ولو حسيتى بعراقيل ومشاكل يبقى مش نصيبك
بس ده المفيد
بس عموما متسيبهوش على طول وتتخلى عنه ولا تعادى ابوكى عشانه لان فى النهاية الاهل ابقى

nora 3amar • 21 سنة

رواء الاسلام • 21 سنة

ام باسل* :

لا اكيد فى طبخه شاططت فى المطبخ من ابله دون والينوور زمانه بتعيط وتقول حتى اصحابى اللى على النت موش فاهمنى صح الينوور

لا اكيد فى طبخه شاططت فى المطبخ من ابله دون والينوور زمانه بتعيط وتقول حتى اصحابى اللى على النت...

صباح الخير عليكم كلكم
اليانور شوفي انا مع دون و لاروز ميه في الميه و فعلا لازم يكون في شئ يتسند عليه لما يتقدملك و بالنسبة للحب و العواطف فانا مش ضدها لمن اللي بيقوي الحب بعد الزواج هو التعامل و المعاشرة محدش يقول ان الحب بيفضل كده لوحده فلو ظروفكم كويسة هتبقى اعصابك هادية و الحب يزيد مش يقل لكن لو العكس هيبتدي التعامل يتغير عن ايام العزوبية و الحب ساعتها هيقل و ممكن يختفي فحاولي تقفي جنبه لحد ما تتحسن ظروفه و لو هو متمسك بيكي هيستحمل و يرجع يتقدملك تاني لكن ما تتخليش عنه بسرعة كده لازم تتديه فرصة يحسن بيها وضعه الا اذا كان والدك رافضه لاسباب اخري غير المستوي المادي بتاعه

Enna • 21 سنة

والله والله ان الي ما بيسمعش كلام اهله ووجهت نظرهم بيندم ندم يوم لا ينفع الندم

هما مربينك وعارفين مخك وفهمين نفسيتك وكمان كبار كفايه وواقعين وفعلا والله التجارب اثبتت انهم على حق على حق على حق

مش ممكن حد هيعرف اني محتاجه ايه قدهم وبس ده رايي
وعلى فكره انا بقه من الناس الي مسمعتش الكلام

اينا

nohaa • 21 سنة

ازيكو يابنات عاملين ايه وحشتوني جدا كلكم
بصي يا اليانور انا وجوزي الحمدلله متجوزين عن حب وكان معايا في الكليه برضه لمدة خمس سنين والحمدلله لو رجع بيا الزمن لورا هاختار جوزي برضه لأن الحب بيسهل حاجات كتير قوي في الحياه يعني انا عايشه في بلد بعيد عن امي واهلى اكيد لو مع واحد مش بحبه مكنتش قدرت استحمل بس الحب مش كل حاجه وطبعا الكلام ده الواحد مش بيتعلمه غير مع الزمن واكيد لحظتيه من الردود يعني عاوزاكي تخلي قلبك على جنب وفكري حبه بعقلك واقعدي مع بابكي واساليه هل بس الفلوس هيه سبب رفضه ليه ولا في اسباب تانيه انا حاسه انه ماملاش عين بابكي وحاسه انك رافضه انك تسمعي من بابكي اي كلام علشان حاسه ان الفلوس هيه المشكله
اتاكدي ان اكتر واحد في الدنيا يهمه مصلحتك هو بابكي ومامتك اكتر حتى من مصلحتهم
كمان عاوزاكي تشوفي الشخص ده بيعامل اهله ازاي لانه لو كويس معاهم هايكون كويس معاكي وشوفيه بيراعي ربنا في تعاملاته ولا لاء قصدي يعني ان مش الحب هو كل حاجه في حاجات مهمه علشان الحياه تستمر ومن الحجات المهمه برضه الفلوس يعني لو هاتعيشو في مستوى ضعيف انت اول واحده هاتطفشي من البيت وساعتها الحب هايكون ذكريات
اقعدي مع بابكي وناقشي معاه الحجات دي وقوليلو على الصفات الكويسه اللي فيه واللي حاسه انها ممكن تكبرو في نظر بابكي بس اوعي تعادي اهلك علشان الجوازه حتى لو هاتستني 100 سنه اهلك اهم حاجه في الدنيا لانك لو عملتي كده اول واحد هايعيرك بعد كده هو جوزك وفي اول خناقه هايقولك اللي مالهاش خير في اهلها مالهاش خير في حد
(كفايه كده بقى صدعتك)

دون

بنتك دي عسل شوفتي البنت واضحه وصريحه وحاسه ان العريس مالهوش لازمه معاها حق

هيه هبه ماجتش تنده على القيمه ليه؟

وصوصه ربنا يخليكي علشان افتكرتيني

ياجماعه في واحده دخلت تسال على سواق لو حد يعرف ساعدوها الله يخليكو