صباح الخير عليكم كلكم
اليانور شوفي انا مع دون و لاروز ميه في الميه و فعلا لازم يكون في شئ يتسند عليه لما يتقدملك و بالنسبة للحب و العواطف فانا مش ضدها لمن اللي بيقوي الحب بعد الزواج هو التعامل و المعاشرة محدش يقول ان الحب بيفضل كده لوحده فلو ظروفكم كويسة هتبقى اعصابك هادية و الحب يزيد مش يقل لكن لو العكس هيبتدي التعامل يتغير عن ايام العزوبية و الحب ساعتها هيقل و ممكن يختفي فحاولي تقفي جنبه لحد ما تتحسن ظروفه و لو هو متمسك بيكي هيستحمل و يرجع يتقدملك تاني لكن ما تتخليش عنه بسرعة كده لازم تتديه فرصة يحسن بيها وضعه الا اذا كان والدك رافضه لاسباب اخري غير المستوي المادي بتاعه
صباح الخير عليكم كلكم
اليانور شوفي انا مع دون و لاروز ميه في الميه و فعلا لازم يكون في شئ يتسند...
أموله ............سلامتك عامله ايه دلوقتى؟؟؟؟؟؟؟
أم حبيبه وأم أحمد وهدهوده ودون..............اتوحشتكم
ريهام..............اين انتى يا ريهام؟؟؟؟؟؟؟
اليانور...............مش عارفه ليه فيه سؤال جوايا بياكلنى ومش قادره امسك نفسى........انتى حاسه انك بتحبيه بجد؟؟؟؟؟بصراحه حسيت من كلامك انه اقتناعك مش كامل اوى !!!!!!!والله اعلم طبعا..........عارفه اول واهم حاجه تعمليها صلاة الاستخاره وكل يوم من غير زهق ودى اللى هاتوصلك للمفيد يعنى لو البنى ادم ده فيه خير ليكى هايبقى بتاعك بتاعك من غير كلام.........تانى حاجه بقى انك تهدى اللعب مع بابا خالللللللللللللللص لانك هاتندمى على كل لحظه شديتيه فيها ووترتيه فيها وصدقينى ده من تجربه شخصيه لسه عايشه فيها لحد دلوقتى..........ثالثا بقى معاه هوه نفسه لازم تحطى لنفسك الحدود من حالا عشان تستريحى نفسيا الشاب ده شاريكى وده كويس اوى وماحدش من البنات ولا دون بيقولك انه المفروض يحيب شقه تمليك وعربيه عشان يبقى ملائم لاء خالص لازم تتفقوا انكوا تخططوا صح هوه يستقر فى شغل ان شا الله واحده الصبح وواحده بعد الضهر ويبتدى يشوف الشقه الايجار الجديد ويا ريت تكون حاجه صغيره كده عشان متتناخدش عفش كتير بس تكون فى مكان معقول عشان باباكى ويشوف اهله ممكن يساعدوه ولا لاء وتتحط كل الخطوط العريضه وتريحوا اعصابكوا خالص وتدوا نفسكوا الوقت من غير توتر لغاية مايستقر شويه........الاهم بقى من كده انتوا مع بعض فاهمانى يا اليانور دى اهم نقطة فى الموضوع كله على بعضه هوه شاريكى على عينى وعلى راسى بس فيه اصول انتوا اتفقتوا خلاص يبقى الاحتكاك بينكم ينزل لاقل الحدود مافيش يشوفك وتشوفيه بره البيت او تليفونات خلوا لو ليه اخت تبقة كونتاكت معاكى على طول واتصالاته بيكى تبقى مره كل شهر او مرتين وبس عشان انتى لو سيبتى نفسك لاهوائك هاتحسى انك مش مرتاحه وهاتخافى من غضب ربنا واحنا عاوزين ربنا يرضى عشان الامور تتسهل ............انا طولت عليكى ودخلت فى نقط تانيه خالص بس يا ريت تركزى فيها كويس اوى لانى باتكلم من الواقع ومن التجارب اللى عشتها او شفتها ويا ريت كلامى مايضايقش حد لانى حاسه ان دى نقطه مهمه اوى ماحدش اتكلم فيها وماينفعش تسيبى نفسك لنفسك فيها ......خلى دايما دعاكى اللهم اجرنى فى مصيبتى واخلفنى خير منها وربنا يختارلك الخير يا رب ويوفقك ويحميكى
دووووووووووووووووووووووون.........انا مع بنوتك قلبا وقالبا انا امنيتى فعلا اعمل فرح يجنن والبس فستان تحفه واسهر للصبح مع اصحابى وقرايبنا واروح شقتى الجديده اللى يتهد حيلى فى تنقيتها وفرشها .......بس كل ده من غير عريس مش عاوزه مالوش لازمه عندى خاللللللللللللللللللللللللص..........اه وعندى ولاد اخواتى ممكن ابقى استلفهم منهم شويه حتى اريحهم منهم حبه
سماح