سبحان الله
انا ماكنتش عاوزة اشترك فى الرد على الينور لانى خسيت ان الموضوع كبير ولازم اتحمل مسئولية اى كلمة باقولها لها
فقلت استنى وافكر شوية :D
لكن لقيت حاجة غريبة انا احنا البنات المخطوبات او الجيل الجديد يعنى (انا وكهرمانة وسندريلا والينور) راينا متفق تماما وفى نفس الوقت على النقيد تماما من رايكم (don وام حبيبة والامهات والمتزوجات)
ودى سبحان الله الفجوة اللى بتخلى الابناء مش فاهمين الاباء والعكس
انتم خايفين علينا ذيادة عن اللزوم واحنا الزمن الجديد خلانا اقوياء جدا وقادرين نتحمل كتير لكن انتم مش مصدقين لان الظاهر ان احنا فافى ومش قد المسئولية
احنا بس بندلع على اهلينا علشان لاقيين الدلع لكن لو اتحطنا فى المسئولية هنتحملها
مش عارفة انا كدة خرجت عن الموضوع ولا ايه
اعذرونى بخرف اصلى عاوزة انام فى الشغل!!!!

الينور

هو يعني اتخرج قبلك ب 5 سنين و لا دفعتك بس سنه اكبر؟
يعني متزعليش بس لو هو سقط 5 سنين .. فده معناه انه انسان غير متحمل للمسؤلية .. لو مكنش في ظرف قهري يعني ..


أما بخصوص الامكانيات ..
لو هو مرتبة كويس و يستحمل ايجار جديد خلاص .. يبقى دي مش مشكلة و مش لازم تمليك ..
و انا شخصيا اتجوزت في ايجار جديد و دلوقتي عندنا شقه تمليك و الحمد لله

فالفلوس مش كل حاجه .. بس لازم يكون في حد ادنى ..
علشان انا اعرف واحده قالت مش مهم الفلوس .. و بعدين ساب شغله و باعوا شقتهم و قاعده دلوقتي في قوضة في شقة صغيره مع اهله .. و نفسها تتطلق لولا خايفة على بنتها مع انها بتحبه .. بس حب ازاي و انت عايشه مخنوقه ..

يعني:
اولا :
تتأكدي ان ده الانسان اللي فعلا يستاهلك .. علشان اوقات الاحلام اللي بننسجها حول الحبيب بتخليه شخصية اسطورية في نظرنا .. و بتبقى مجرد اوهام اخترعناها احنا و عيشنا نفسنا فيها ..
و ساعات معارضة الاب بتخليكي تحسي انك عايشة فيلم و تصري على رأيك .. و يكون هو ما يستاهلش
في واحده اعرفها كانت في نفس ظروفك و ضغطت على اهلها و قروا فاتحه .. و كان لسه متخرجش كمان ..
و بعد فتره حست انها مش مقتنعه بيه بس مش قادرة تستغنى عنه وان كلام باها صحيح بس هي مش قادرة تعيش من غيره
و بعد سنه هي بنفسها اللي فسخت الخطوبة :)
و حبت واحد تاني و قصة و اتجوزته و خلفت منه كمان .. و كان زميلها برضه بس انسان ناجح و فعلا يستاهلها

ثانيا:
لازم يقدر يعيشك عيشه كريمة و يوفرلك اساسيات الحياة الازمة للاستقرار و الاستقلال .. اما المظاهر و الكماليات فهتيجي بعدين لكن مينفعش من غير:
شقة تقعدوا فيها
مرتب يكفيكوا لاخر الشهر من غير ما تستلفي من مامته و لا من مامتك

دون
أنا خلاص عملت طاجن النخاع .. و رميته .. و مزاجي اتعدل الحمد لله :)
الراجل طلع مظلوم و عيان بجد و انا كنت فكراه بيستهبل علشان منخرجش نسهر بره .. أصل كان عندنا مناسبة امبارح :)
كل سنه و انتوا طيبين :)

ينفع اللي المتجوزين كمان يشتركوا يا ابلة ؟ :D

مروة و هدهودة و سندريلا و اينا و كل كل البنات
ازكم كلكم وحشتوني بجد :)