لأ لأ لأ لأ
محدش يقدر يستغى عن الرجالة صحيح همة ليهم دقات نقص كتير بس هنميل على صدر مين نعيط حتى لو منه هنلاقى الدفا وهنحس بالحب ازاى
صدقونى الست من غير راجل متحسش انها ست ....... كفاية الأحساس بالأمان معاهم
وبعدين تفتكروا ليه البنات هيموتو نفسهم على الجاواز ههههههههه

و الله يا حبيبة عندك حق ..
احنا بس بنهزر .. لكن طبعا منقدرش نكفر النعمة :)
الاعتراف بالحق فضيلة ..
الحمد لله ان الواحد لاقي حد يعيطلوا و يطلع عليه اي حاجه تضايقة :)

شفتي ياهدهدة....ماهو دة الي توقعته ان هيبقي فيه فئتين وعرفاهم مسبقا
بس مع كل احترامي للاهل وان مفيش حد بيخاف علينا زيهم...بس بيبقي فيه اهالي كتير بتتعنت انا اعرف ناس والله مستواها المادي ماشاءالله والراجل لما لقي الي عاوز يتجوز بنته انسان كويس وافق انهم يبداو في شقة بالايجار....واديهم فل ماشاءالله
موقفش المراكب السايرة عشان الشقة يعني
بس هو بيبقي راكب في دماغهم شوية مسلمات ممنوع تتبدل او تتغير في دماغهم
المهم احنا عمالين نتكلم والينورا ولا هناااااااااااااا طب قوليلنا كلامنا صح ولا غلط

المهم انا رحت الوكالة...ولقيت فيها حاجات حلوة اوي اوي
طبعا اكتر شئ بيبقي مهم في الجهاز الهدوم الاقطان والجيلات وكدة عشان دي اكتر حاجة بتتلبس لقيت حاجات حلوة اوي قمصان وبجامات اسعارها بتبدا من 45 بس ماما حبيبتي ربنا يخليهالي بتنزلها مثلا ل28 وساعات اقل
وفيه ترنجات تجنن....جبت واحد كنت متخيلة انه مش حلو في اللبس وطلع حلو اوي طري وناعم وسعره 30 جنيه قلتي ياريتني جبت واحد كمان لان حقيقي شكله غير سعره خاالص
وفيه طبعا شورتات وباديهات..
.بس لقيت برا تريامف ب 55 هل دة الاصلي و لاايه؟؟؟
خايفة اجيبه يطلع اي كلام

نورا......حاجتك تجنن تصدقي انت وفرتي علي تعب كتيييير ربنا يكرمك يارب

والقمبص الاحمر خلاص بقي كبرت دماغي عليه...قلت اجيب بتمنه كذا حاجة
(تفكير عملي اقتصادي)

بصى يا هدهوده ويا اليونار انا قريت معظم الكلام بسرعه كده ويمكن انا فى الوسط انا لا صغيره قدكم فى اوائل العشرينيات ولا ام وزوجه وعديت بالموضوع ده لكن عايزه اقولك راى واوضح لك اكثر المتزوجات يقصدوا ايه
بصى انتى دلوقتى سواء هدى او الى فى فتره ورديه كل واحد بيروح ينام عند مامته الحب والشوق لبعض هما الغالبين على العلاقه انتى مش شايفه حاجه ثانيه وما فيش مساحه لحاجه ثانيه اصلا لكن الحياه وضع ثانى المهم فى العلاقه (((((((((((((((((((راجل كويس)))))))))))))))))) ربنا سبحانه وتعالى الاحكم والاصدق قال لنا كده فى اكثر من ايه فى القران مش بس وجعلنا بينكم موده ورحمه
انا عايزه اقولك ان الحب والقبول والارتياح عوامل مهمه جدا فى الجواز الاهم بقى رضا الاهل وارتياحهم الا اذا كانوا الاهل مش عاقلين وده ساعات بشوفه ام عايزه تجوز بنتها لواحد غنى عشان بنت خالتها مجوزه واحد غنى لكن القاعده ايه ان الاهل اعقل بكثير من الابناء
يا اليونار الواضح من كلامك انك صغيره السن خلى بالك الى انتى شايفاه دلوقتى لا يمكن تعيشى من غيره مش حقيقى ابدااااااااا ورفض بابا اكيد له سبب عاقل لو سمحتى اسمعى كلام بابا انا بترحم على ابويا وبعتذر له انى ما كنتش مقدراه حق قدره فى حياته ودلوقتى لما بيتقدم لى حد بقع فى حيص بيص يروح لمين ويكلم مين اتخطبت مده اتلعب بيا الكوره من عائلنى كلها والى حل ليا مشاكلى راجل صالح تربطنا به علاقه صداقه يعنى خالى وعمى بهدلوا الدنيا ولو حد من بناتهم كان لايمكن يتعمل معاهم كده
ما حدش هيحبك ابدا زى اهلك لازم تصحى للموضوع ده والزوج هو الزوج الصالح والحب بيروح فى لحظه فى ثانيه صوت عالى ولا قله ادب ولا بخل ولا زهق هتحسى انك تلجتى ومش عارفه تروحى فين لكن لما تتجوزى بمباركه الاهل ودعمهم ده وضع ثانى
اهم حاجه انا بقولها للبنات وانا اهه لا ام ولا زوجه وزى زيكم والى يسرى عليا يسرى عليكم راجل صالح يحطك فى عنيه

فى سؤال بقى يا اليونار عاوزاكى تردى عليه
عريسك مش جاهز مش كده؟؟ بيتقدم على اساس ايه؟؟ بيحبك؟ طيب ا تقدم مره وعرف راى بابا ثانى مره اتقدم على اساس ايه؟؟ انتى قولتى له انك اقنعتى بابا فاتقدم؟ ولا هو شايف ان الالحاح هيعمل نتيجه؟
معلش طلعوا 100 سؤال

عارفين يا جماعه الراجل الصالح له علامات من علاماته احساسه بالمسؤليه وعلامات الحب الصادق مش الالحاح على طلبك لا المهم انه يتزوجك ويتجوزك دى لها سيناريو جاد جدااا اتمنى يكون قده يا اليونار

وصدقينى لو كان حتى مين لو اخلاقه وحشه هتلعنى اليوم والساعه الى شوفتيه فيها الرجاله لما بتبقى وحشه بيبقى عذاب مقيم

اتمنى اكون افدتكم

ام باسل انتى بعتى الكمبيوتر ؟

كهرمانه ..ازيك يا جميل
انا سمعت صح ان الوكالة .. فيها حجات حلوة و مستورده بيجيبوها استوكات و اسعارها تحفة .. بس لسه مرحتش ..
يعني كنت بروح اجيب قماش بس :)