ماكينة خياطه :

ذكرتيني يوم كنت حامل كانت كذا نفسيتي على اي شي اتنرفز واخر شي اختصرت على نفسي المشاكل ورحت عند اهلي بالثامن والتاسع وبعض السابع هالفتره صدق متعبة والحمد لله ماباقي لك كثير وترتاحن اما معاملة ام زوجك احمدي ربك انها تعاملك مثل بنتها وترسل لك غداء بعد والله لو وحده غيرها كان قالت تنزل تاكل ولا تطبخ هي ولا تحط عليك عند الناس واذا قالت لك عادي احرقي الكيكة مكن شوي تحرجك بس لو عند غرباء بس انتي عند اهل زوجك وبنفس العمارة بعد يعني خلاص مثل الاهل صاروا ومافيه اي احراج وبالنسبه انهم ياخذون من زوجك ومايقدرون لاتنسين انهم اهله وامه من حقها تطلب منه تخيلي اللي ببنطك تعبتي فيه وتنكدتي بالحمل وبتجيك التربيه بعد والمصاريف ولما كبر بتطلبين شي منه او خواته وبتوقف لك زوجته وش بيكون موقفك وقتها وانتي تقولين مايرفض يعطي خلاص انتي اطلبي اذا شفتي معه شي وحوشي للبيبي وللبيت بدون مايدري وبالنسبه لسلفتك اكيد بتاخذ برايها لانها من زمان معاهم وتنزل لهم ودايم عندهم يعني يعتبرونها بنتهم الكبيرة بيسون لها الف اعتبار وبيقارنون بينك وبينها وبيحطونك ماتبينهم وماتبين تختلطين معهم والله لو منك انبسط اذا طلعوا عشان اطلع معاهم بعدين شلون بيدقون عليك وانتي نايمه اكيد مايبون يزعجونك وانت تعبانه وبشهورك الاخيرة وهذا زوجك ماشاء الله عليه قال بعوضك وبطلعك بالليل لو غيره قال بتطلعين امشي ماانتي طالعه كيفك اذكري الله وصلي لك ركعتين واقري قران صدقين بتهدين وبترتاحين وتجهزي لزوجك فرحيه ولاتنكدين عليه وهو راجع مبسوط اسفه اذا غلطت عليك والله العظيم ماكتبت لك الا اني حاسه فيك ومريت بنفس حالتك والله يهديك وتولدن بالسلامه سلام ياقمر

ذكرتيني يوم كنت حامل كانت كذا نفسيتي على اي شي اتنرفز واخر شي اختصرت على نفسي المشاكل ورحت عند...

ام الخمائل :

اختي: اول شي الله يهون عليك ويرزقك اللي تتمنين صالح الخلق والخلق..... واضح ان الحمل والثقل ماثر على نفسيتك وهالامور اللي مضايقتك ومخليتك تبكين بكره ان شاء الله لما تولدين بالسلامة وتخفين بتضحكين على نفسك انك تتضايقين عليها!!!!!! حاولي تضبطين اعصابك وتعاملين زوجك واهله بالحسنى والكلام اللي قلتيه ما شفت فيه اي شي يقهر!! بالعكس طيبة زوجك مع اهله وخاصة امه دليل على اصالة معدنه وهذا بيطلع لك ولعيالك وبياثر في اولاده بكره ويبرونك ان شاء الله...... لما ينزل يتغدى عندهم خذي غداك بنفس حلوة وانزلي تغدي معاهم وحسسيها انك بنتها وهذا هو الاسلوب اللي هي تعاملك فيه..... لما تقول لك معليش اطبخي واحرقي احمدي ربك من لو هي قشرا كان تاكلك بلسانها وتشوه سمعتك عند زوجك والناس وتسبك فاتقي الله ولا تقلبين الحسنة سيئة!! واضح ان زوجة ولدهم طيبة معاهم ودايما تجيهم وتشاركهم عشان كذا خالتك تمون عليها اكثر منك اما انتي حاطة بينك وبينهم حاجز وهم طيبين ما يبغون يعاملونك بالقوة مخلينك على راحتك......عامليها زي ما تحبين زوجة اخوك تعامل والدتك...... تعوذي من ابليس وشوفي الوجه الحسن من زوجك واهله واحمدي ربك لايبلاك ربي وتعرفين قدرهم وقت ما ينفع الندم...... الله ييسر امرك ويسخرك لهم ويسخرهم لك ويوفقكم لما يحب ويرضى.......

اختي: اول شي الله يهون عليك ويرزقك اللي تتمنين صالح الخلق والخلق..... واضح ان الحمل والثقل...