بنفجر احس روحي بتطلع مني بسببهم.

سافرت مع زوجي عند اهله في اجازة الحج .جلسنا عشر ايام ..بعد عشر ايام قلت لزوجي رجعني بيتي خلاص ابغى ارجع ارتاح كم يوم واعدل نوم عيالي المدارس قربت .قام زعل وجلس يسب ويخاصم انتي مافيك خير انتي ماعمرك جبتك عند اهلي وريحتيني.
تخيلو قال كل هذا عشان بس طلبت ارجع بيتي..والله ماهي اول مره يسويها لنا عشر سنين متزوجين وكل ماسافرنا عند اهله وقعدنا كم يوم وقلت له رجعني يسوي نفس المشكله..متخيلين عشر سنين زواج كل ماخذ اجازه نسافر لهم وانحشر في غرفه انا وعيالي.
طبعا انا ماهمني سافرنا لهم او ماسافرنا انا الي قهرني ليش اذ قلت رجعني بيتي يسوي مشكله..بتقولون اكيد في سبب ..اي السبب انه يبغى يجلس في بيت اهله عشان كل عيال اخواله متجمعين بالاجازه..قلت له طيب ابنى لي بيت غرفتين بس ..كل ناس الي انت جالس بديره عشانهم مسوين لحريمهم بيوت ومبسوطين الا انا نجي عند اهلك ترميني انا وعيالي في غرفه وانت من العصر لين الفجر برا مع عيال خوالك..قال اذ موعاجبك منتي مجبوره تعيشن معي .طبعا كل اجازه اسمع نفس الكلمه..المهم هذا لاجازه بعد مارجعنا بيتنا . قلت له ودني عند امي بجلس معها .وكنت ناويه اجلس عندها واطول بس والله ماقدرت العيشه في بيت اهلي مع اطفالي صعبه ..اهلي ضروفهم الماديه مره صعبه ..يوم رحت لهم نمت مع عيالي في غرفه المكيف خربان .وامي مريضه ماتتحمل ازعاج الاطفال..ماقدرت انام جلست يومين صاحيه ..جلست ابكي من غير صوت ودي اعز نفسي عن زوجي واجلس في بيت اهلي وبنفس الوقت ماتحملت الوضع مع اطفالي عندهم تمنيت بذاك الحظه اني ما جبت عيالي عشان اعز نفسي وارجع لهلي بدون مسؤاليه وحمل ثقيل فوق ظهري.المهم جلست يومين واتصلت ع زوجي قلت تعال خذني .جاء واخذني .طبعا كان باين على اني تعبانه ومرهقه قال اش فيك باين مانمتي ..قلت لا بس تعبانه قال اكيد بتتعبين مافي راحه الا في بيتك .سكت مارديت عليه رحت نمت..المهم بعد يومين اتصلت اخته قالت بجي اجلس عندكم اسبوع اغير جو ..هنا بلحظه انفجرت فيه قلت اختك زوجها اغنى منك ليش ماتستاجر شقه .انا ادميه ابغى ارتاح في بيتي ..واختك مالنا منها فتره تونا كنا سوا بديره..قال موعجبك منتي مجبوره روحي عند اهلك رجعت وصرخت وقلت الا مجبوره عليك متورطه بطفلين منك فين تبغى احطهم قال خذيهم معك..ياناس بموت تعبت بيتي شقه صغيره وخوات زوجي كلهم عندي .بعيالهم وازواجهم ..تعبت البيت مقلوب فوق تحت نومي عيالي انتظم ورجع خرب نفسيتي تحت تحت خلاص ماني متحمله . اول ماجات اخته الكبيره بزوجها وعيالها..جلست يومين جات اخته ثانيه ..
حياتي مقلوبه منهم..بتقولون اصبري كم يوم وتعدي
كيف اصبر تعبت عشر سنين وهذا حالي مع زوجي وخواته..
بتقولون خواته لهم حق فيه..لهم حق اذ ماعندهم ازواج بس كلهم متزوجات ودايم اذ سافرو ابها ولا طائف استاجرو شقق بس من يجون عندنا قالو الفلوسه الي بنستاجر فيها ..نتمشى فيها ..
قلت لزوجي فهم خواتك ان ضروفنا صعبه وهم ضروفهم فوق العال .. قال مالك دخل لو اتسلف عشانهم ولا منتي مجبوره على..
كسر قلبي بهذا الكلمه ..والله العظيم اني وقفت الخلفه منه بسب اني ماحس بستقرر في بيتي معه..
تعبت نفسيا منه ومن خواته..والي قهرني اكثر ان وحده منهم كل شوي تقول انا مارضى ولاتحمل احد يجلس في بيتي ..قلت طيب هذا انتي عندي قالت متعوده بيت اخوي..خلاص احس بنفجر .
رجاء الي بتدخل تسب وتجرح ..لاتدخل الي فيني يكفيني