بورتلاند والغربه مع بنتي؟؟؟؟؟؟؟

الله يسهل امورك لاتشيلين هم ان شاءالله الامور تبي تتسهل بس اهم شي تجون قبل بداية الدراسه بشهر اوشهر ونص عشان ترتبون اموركم وتستأجرون وتستقرون قبل الدراسه.

وعادي ان كل بنت تقولك كلام لان كل واحده بولايه مختلفه عن الثانيه وكل شي يختلف القوانين والمدارس والنظام.

انا بكاليفورنيا ورحت لاوريقن(بورتلاند) زياره فيها اختلافات كثيره عن كاليفورنيامثلا:

ماعندهم تاكس (ضرايب)وهي تقريبا الولايه الوحيده بأمريكا اللي مافيها.

فيه عمال يعبونلك البنزين موب زي كاليفورنيا انتي اللي تنزلين وتعبين بنزين

ناسها حبووووووبين وطيبين مرره

بس الصراحه حسيت كاليفورنيا ارقى.

عاررفه اني ما افدتك بس حبيت اسولف عليك

ان شاء الله تجي وحده من بورتلاند وتعطيك كل التفاصيل

مشكوره على مرورك

المدرسه مافيه شي مجاني بعمر بنتك..
حسب معلوماتي انه الشهر من 500 دولار وطالع اذا بارت تايم يعني من 8 الى 12 مثلا....
والمدارس بكل مكااان ومعاهد اللغه مارح تحتارين فيها فيه كليات المجتمع يدرسون فيها لغه الكومينوتي كوليج وفروووعها مره واجد..
انا باوريقون بس بليك اوسويقو والمنطقه هذي من ارقى مناطق الولايه وكل اللي فيها جدا محترمين ورراقين فرق عن اللي بالداون تاون بورتلاند والمناطق الثانيه..
الولايه هاديه وزي ماقالت الاخت شذو مافيها تاكس والبنزين يعبونه لك موب انت تعبينه..
الجو حلو حاليا بارد نوعا ما ويجي ايام ثلج بس ماتطول كلها يوم ويروح يعني كل اسبوعين يجي يوم مثلا بس بشهر 12 كان الثلج قوي اعتقد استمر اسبوعين كان شديد...
السكن يعتمد وين بتسكنون يعني افضل تاخذون سكن قريب من محل دراستكم وبالنسبه للاثاث فيه ايكيا وسمعت عن محلات تأجر اثاث ومحلات تبيع مستعمل..
عن نفسي السكن خذناه مافيه الامطبخ واجهزته من فرن وثلاجه وغساله ونشافه وغسالة صحون ومفروش موكيت جديد والباقي حنا شريناه..
اسعار السكن تختلف يعني سمعت فيه ناس تاخذ لها غرفتين وصاله ومطبخ ب 800 دولار تقريبا مثلا بالشهر هذا اقل سعر بس بيكون قديم وغالبا يكون بالداون تاون...
بمنطقتنا غرفتين كل وحده بحمامها وصاله ومطبخ وغرفة غسيل ب 1300 دولار يالشهر بس كل شي جديد...

الله يسهل امركم وييسرها لكم الموضوع جدا سهل:)

up

لرفع