قال زوجي يوم من الايام ودي تسوين لنا بوفيه مفتوح
والله واقوم ذاك اليوم بدري وسوي غدانا خمس انواع ويصير بوفيه وش زينه والحمد الله منه حققة رغبت زوجي ومنه غيرت غدانا
يالله اخليكم مع الصور والطريقه قولو ماشاءالله
هاذي صوره جماعيه ترا ماحطيته علﯽ الطاوله زوجي احب عليه الارض:icon30:
وهالحين مع صور الاطباق كل واحد وطريقته
هاذي الازانيا
والطريقه تسلقين الازانيا وتصفينه وتحطين بقاع الصينيه صلصه ثمن شريحة لازانيا وترشينه دجاج مكشن وبيدجان مقلي وجبن موزريلا وتغطينه بشريحه ثانيه وهكذا حتﯽ تنتهين وتدخلينه الفرن ربع او ثلث ساعه وبالف عافيه
وهاذا رز صيني روعه
الطريقه تكشنين بصل وثوم وزنجبيل طازج ثم تضيفين عليه خضار مشكل ومكعبات دجاج مسلوق وفنجال صويا وفلفل اسود وبهارات وتتركينه لما يستوي وبهالفتره تسلقين رز بماء وملح وماجي ابيض ثم تخلطينه مع الدجاج والخضار وترصينه بصينيه ودخلينه بالفرن ثلث ساعه وتقدمينه وبالف صحه.
وهاذي اصابع البطاطس بالتونه
الطريقه تسلقين بطاطس بماء وماجي ثم تهرسينه وتفكين علبة تونه وتصفينه وتحطينه عليه وتبشرين علبة جبن شيدر وتحطينه عليه وفلفل وشوي بهارات وتعجنينه جميع وتشكلينه علﯼ شكل اصابع وتغمسينه ابيض وبقسماط وتقلينه وعليكم بالعافيه يارب
وهاذا بطاطس
الطريقه قطعت شرائح طماط وبصل وفلفل اخضر وبطاطس وصفيت بقاع الصحن طماطم وبصل وفلفل ثم حطيت شرائح البطاطس ورجعت وصفيت فوقه نفس الي بالقاع ثم سويت شوي صلصه بس تكون ثقيله شوي وصبيته فوقه وغلفته ودخلته الفرن يمكن ساعه الا ثلث وبالصحه والعافيه
وهاذي عاد اخر طبق سلطة المكرونه لذيذه وادماااان
والطريقه
خس وجرجير وبقدونس مقطعات تقطيع ناعم وجزر مبشور وخيار مقطع شرائح رقيقه وذره ومكرونه مسلوقه ومفروم دجاج مكشن بدون طماط وجبن شيدر مبشور
وبس لذيذه مرره
وبس قضيت والله اني تعبت من الكتب والتحميل لاتنسونن من التقييم الله يجزاكم خير يارب