بيان لو سمحت عطينا طريقة الكريمة بالضبط مالت كيكة الكرز، لأن شكلها حلو وأبيض صافي ماشااءلله، لأن عقدتي في الكريمة، ماعندي طريقة مضبوطة 100% .

رووووعة حبيبتي بياااااااااااااااان.. ماشالله عليج وعلى أطباقج..

سندويجات البيض مثل طريقتي بالضبط بس بدال البصل أحطي طماط وبقدونس شوي..

ومثل ماقالت رقيقة أنا بعد ماعندي طريقة مضبوطة للكريمة ياريت نوعها اذا جاهزة أو طريقة مضبوطة لها؟؟

والله يعطيج العافية..

إسمحيلى يا بيان أرد على المسافره ورقيقه عن تجربتى مع الكريمه

الله يسلمكم أنا أستعمل كريمه وايد حلوه وخفيفه وناصعة البياض ما أضيف لها أى شى مجرد إنى أخفقها بالمكينه
وهى كريمه اللاكتوفيل وهى نباتيه وتصلح حق الكاتوهات ولأغلب الوصفات إلى يكون التزيين فيها بالكريمه

بصراحه جربت كذا كريمه بس هذى وايد حلوه وخفيفه

طبعاً أنا قلت لكم عن تجربتى بس هذا ما يمنع إنى أبى أعرف طريقة الغاليه بيان مع الكريمه

هلا سرابيل
تاخذينها من الجمعية ؟؟ سمعت إنها حلوة من المشرفة عزيزة كذا مرة تقول عنها ..

عدل يا رقيقه من الجمعيه صوب الحليب والأبان تلاقينها علبتها كبيره يمكن لتر تقريباً وفيها صور حلويات ومزينه بالكريمه أعتقد لون علبتها أزرق وأبيض ومدة صلاحيتها طويله