بوووووحي ابثه هنا

عودا حميدا يالغلا .. وتستاهلين التميز فرحت لتس حيل وانتي كفو له اكيد :)
وتأكدي اني متعطشه لهالبوح من زمان وكلي حمااااااااس له

الله يقويتس وبانتظارتس اكيد :26:

بسم الله اولا شكرتس الدخيله ولو اني يوم دخلت الواحه مالقيت دعم من شخصتس ماستمريت وكان خليت كتابتي فدفتري بس بس الحمد الله ومن لايشكر الناس لايشكر
ولك اقول
بعض البشر يشبه وجيه الرفاقه
كتله مفاهيم ومعاريف واخلاق
ثانيا لمتنفسي عالم حوا يوما كدت اختنق لولاك
وهاانا اتنفسك واتنفس بك املك قلما لايستحق الحبس اطلقت انت سراحه وفككت قيده وهاهو اليوم يعلن ولاءه

بدايه ؛؛؛؛؛؛؛؛
تدافع سيول الشعر تقبل تصافق مع الجيلان
الى من دعيت البيوت وقلت ببنيها
تجي مستكينه لا طلبت وتعلن العرفان
اصايل قصيد/ن/ عن المنقود اداريها
‏ وانا بنت منهولاعبس وجه الزمان وشان
يشيل الحمول الثقيله ماسال فيها
ابويه مربيني على الترحيب بالضيفان
سلوم قديمه ماطراله يخليها
،،،؛؛؛
هذي بداية البدايه
تقريبا من هنا بديت

مدخل
ياعين لاتشكين نامي قريره
بناخذ عناك ولو نذوق الغرابيل
والله لو شلناه ماهي كثيره
هات الوجع بنشيل بنشيل بنشيل
ياعين لاتقذين صافي السريره
سمح الجناب اللي تعدا الرجاجيل
بالطيب والحكمه ونور البصيره
كبير ربعه راجح العقل حلحيل
الصامل الصامت مقدي شويره
كريم كف ومتعب للمعاميل
الواردالعطشان ينصى غديره
يعود مرتاح ووقته تساهيل
يالله ياخلاق خلك نصيره
خلك نصيره فالليالي المقابيل

.؛؛؛؛؛كلمات كتبتها للغالي؛؛؛؛؛


مخرج ؛؛؛ارجو ان تكون حقوق الطبع والنقل محفوظه؛؛؛؛
فقد بدات بكتابة ماكنت اخبئه في ادراجي
؛؛وقفه؛؛؛
لي عوده

اكمل؛؛؛؛
اكيد بكمل
اتصال ازعج قيلولتى المليئه اصلا بالازعاج
الو
هلا
بطلب منس طلب
امري
كملي اللي كتبتيه فالواحه
ابشري
هذي المكالمه مع حذف بعض الاشياء الغير قابله لنشر
جاتني من اختي واغلا اخت على قلبي بنت العم س
دعم بالنسبه لي ان وحده بمكانتها فقلبي تكون متابعه بشغف بدون ماادري
اذن ابشري بكمل يا يا يا
ياللي الى ضاقت علي ولقيتس
لقيت اختي(ن)كتفها عند كتفي

كتبته ذات ضعف
بكره الى من غابت الشمس واحترت
واخترت من عقب الغروب الهروبي
وسرحت في غبة عطاي وتذكرت
شي عليك اليوم صار محسوبي
وايقنت باني كنت احبك وقررت
تستعمل سلاح الغلا اوتتوبي
حاذر ترى بعد انكساري تكبرت
واصبحت اكابر لاو احسب دروبي
؛؛؛؛؛
هذا واقع احس فعلا انا صرت كذا
احسب دروبي