طحت لكم على طريقة بيتزا أسرع منها مااافيه وكل مكوناتها جاهززززة ماتحتاج منك أي تعب حتى وقفتك في المطبخ ماتذكر 😁
على قولة الوالدة الله يطول بعمرها ويخليها < بيتزا الرفلات😂😭
بس وش أسوي مره سريعة ولذييذة يمديك تسوينها لشاهي المغرب ولا إذا جتك طلعه سريعة للحديقة مع خواتك أو صديقاتك 👌
و مكوناتها كالتالي :
- خبز تورتيلا ( فونتي ) الحجم الوسط العادي أو الحار كلها طعمها حلو
- صوص البيتزا الجاهز حق ( american garden ) حطيت صورته لذييييييييذ مرررررره
- جبن موزاريلا أستخدم ( داري أو برايد ) هم ألذ شي
- صوص الرانش أ
- صوص الجبنة الفرنسية
- فلفل بارد مقطع
- بصل مقطع شرايح
- زيتون أسود أو أخضر الحار
طريقتها :
أدهني خبز التورتيلا بكيمة بسيطه من صوص البيتزا لاتخليينها مليانه ، بعدين أضيفي الجبن فوقها كثري جبن وأحيانا أحط معه جبن شيدر ما أحكي لكم عن الطعم كيف يصير ، وبعدين زينيها بالفلفل والزيتون والبصل وإذا ودك تتفننين 😂 حطي دجاج مقطع صغار اللي ودك ، وحطيها في الفرن بس اللي فوق تشغلينه لين يتحمر شوي الجبن وطلعيها بعد ماتطلعينها حطي عليها شوي من صوص الرانش وصوص الجبنة الفرنسية .
وبالعااااافية عليكم 👌💕
عاد ياشاهي بالحبق تشربين معها ولا كولا بارد 😘🙌
