عندي لكم بيتزاء اتعب وانا اقول لذيذه طريه وادمااااااااااان ونصيحه جربوها مره حاتدمنو عليها بلمره (انفع اسوي اعلان)
يلا نبداء
اول شي نحط في وعاء مويه تقريبا 4او5 كاسات علا حسب الكميه اللي تبغيها ونحط ملعقه كبيره خميره وملعقه كبيره سكر وملعقه كبيره ملح وكوب دقيق نقلبها ونخليها تخمر لمده 10او15 دقيقه
نحط في وعاء تاني كوبين دقيق وممكن تزودي علا حسب الكميه اللي تبغيها ونضيف عليها 5ملاعق زيت زيتون
وهنا بعد ماضفنا خلطه المويه والخميره
ونعجنها تمااااااااااام التمااااام وبعد مانخلص من العجن نكورو وندهنو بشويه زيت
نجيب منشفه نضيفه مبلوله بمويه يعني غسليها بالمويه واعصريها تمام وغطي فيها الوعاء اللي انتي حاطه فيه العجينه وخليه يخمر لمده ساعه
هنا بعد ماتخمرت وعدت الساعه نحركها شويه يعني شيليها وحركيها بيديك شويه ورجعيها تاني وغطيها وخليها تتخمر لمده ربع ساعه
بعدين نفردها في صينيه الخبز
دحين نسوي الحشوه عباره عن بصل مقطع شرايح جدا رقيقه وحبه ماجي
في الخلاط نحط حبتين طمامطم وحبتين فلفل حار وملعقه كبيره صلصه وفص ثوم ونفرمها
لحد يرد
دحين نحط في قدر شويه زيت ونكشن البصل والماجي اللين البصل يدبل
بعدين ننضيف صلصه الطماطم ونضيف البهارات فلفل اسود كمون واعشاب ايطاليه ونقلبو تمام ونوطي عليه النار اللين مايتجانس ويسير الصوص ثقيل
ندهن الصوص فوق عجينه البيتزا وطبعا انتي تضيفي الخضار اللي تفضليها انا قطعت فلفل رومي مره صغار واضفت زيتون اسود واخضر ورشيت عليها الجبنه لا تتفجعو انا احب تكون البيتزا ملياانه جبنه وندهن اطرافو بالزيت
وندخلها الفرن سامحوني نسيت اصور شكلها اول ماطلعتها من الفرن فلقيت عندي صوره قديمه بس سويتها بالجبن من غير خضار
ممممممممممم شايفين كيف شكلها رهييييييب واتمنى انكم تطبقوها ويارب تعجبكم