الغالية أم الهيلان . لو ما كان الأوان فات خلاص على ردي فهذي نصيحتي لك::cook:
خذي شغالة أو ثنتين يساعدوك لأنه تنظيف بيت جديد يبغاله همّة! ما في أحسن من الـGAS أو الـTHINNER ومستحضر اسمه فلاش ممتاز لكل الترسبات الجبسية وآثار الترميمات,(أنت ما قلتي إن بيتك فيه رخام , صح ؟عموما االفلاش كاوي ما يصلح للرخام),وانتبهي تماما لا يلمس شي من هذي المستحضرات بشرتك:07: البسي قفازات وطبعا ما أوصيك على عدد كبير من قطع التنظيف اللي راح ترميها بطول يدك وانت طالعة من الشقة, وأدوات التنظيف المنزلي المعروفة.
ابدي بكنس الأرضيات كلها , بعدين امسكي قطعة قماش بلليها شوية بالـGASأو الـ THINNER ونظفي بها آثار البوية والجبس على جدران الحمامات والمطبخ ( كل جدار سيراميك بالبيت) طبعا ما راح أوصيك على توزيع العمل بين اللي معك . بعدين امسكي الأدوات الصحية اللي غالبا يكون عالق بها كثير من الجبس والترسبات المختلفة, ونظفيها كلها بنفس الطريقة, وبعدين المرايات واكسسوارات الحمام( المقابض وعلاقة المناشف وحامل الصابونة...)
هذا التنظيف كله لسه بدون موية. بعدين يجي دور الفلاش صبي كمية بسيطة جدا جدا على المنطقة اللي فيها رواسب مستعصية من الأرضيات أو الجدران وعلى طول راح تشوفيه يتفاعل مع الأوساخ العالقة ويزيلها إن شاء الله, وبعد ما تخليه فترة بسيطةنظفي بفرشاة الأرض. بعدين تبدا مرحلة التنظيف بالموية والصابون عادي. ولا تنسي بودرة مبيد الحشرات على كل اللي راح ينفرش موكيت, بس في الزوايا والأركان. ثم صبي شوي GAS في كل بالوعات البيت وفي كراسي الحمامات .
بكذه تكوني خلصتي مهمتك بنجاح تام , وهذي تجارب أخت لك نقلت من بيت لبيت ثلاث مرات في خمس سنين :41:


ومنزل مبارك ياعيوني
:27: :39: :26:

اختي لزوزه

جزاك الله عني خير الجزاء

وبصراحه ماقصرتي الله لا يحرمني منك بس عندي سؤال

ينفع الفلاش مع السيراميك المعتق ولا لا

واياك أم الهيلان ياعيوني !ياللي لابسة الليموني!ههههههههههههههه
وبالنسبة لسؤالك أقول: الفلا ش ينفع للسيراميك المعتق، وإذا تحبي تتأكدي بنفسك نقطي نقطتين ثلاثة منه على وحدة في ركن من البيت وشوفي تأثيره عليها!
بس فيه نقطة مهمة :لايجي الفلاش على الترويب اللي بين كل حبة سيراميك والثانية لأنه يذوبه!!!!انتبهي مو بعدين تقولي الله يكافيها ذا اللزووزة ما نبهتني!!!!!!!!!:06:
,,,,,,,,,,,,,ولك تحياتي ,,,,,,,,,,,,,,,,,:26:

الله يكون في عونك البيت الجيد يبي تعب

جيبي شركه معروفه احسن لك وراقبوا شغلهم

لانك بتتعبين التنظيف للبيت الجديد متعب جدا

مبروك المنزل اللهم اجعله عامرا بالايمان