والله احرمهم بسس موسعين صدرهم وانا يكسرو خاطري ارجعه لهم بعد ما اطخ ولاكنه شي صار

مشالله بنات العيله مكروفين الي كبرهم هم الي شايلين خواتهم صغار من تغير حفاظ تكرمو وغيره

انا مدلعتهم بسس مو حاسين

انا بنتي عمرها ٨ سنين بتعمل كل حاجة و ما شاء الله عملتها كيف تكَون مترتبة و كل حاجة تاخدها تخلص منعا ترجتها مكانها ترتب و تكنس و تمسح تبارك الله و لو الدنيا مش نظيقة تقولي يا ماما انا مش مرتاحة بالكركبة و لما انظف البين و اعطر بحسها بقت مبسوطة ده على حسب ما عودتي عيالك اتكلمي و علميهم يوم مع يوم هتلاقيهم تغيرو و مش هتبقي تتعبي بشغل البيت الله عينك انا عندب بنت وحدة عشان كده ممكن هادية و مترتبة اما الخوات في البيت بيكَنو بيعاندو بهضهم و يتحدو بعض

الله يصلحهم لازالوابناتك صغار مابعد قسى عودهم ، عوديهم على الترتيب وعطيهم مكافآت مثلاً حطي جدول على باب غرفتهم وفيه اسماءهم ، وكل ماتنجز وحده مهمه حطي لها نجمه واللي عدد نجومها اكثر هي تحصل هديه افضل ، مالك الا التشجيع وكلميهم عن بر الوالدين واعطيهم امثله من الصحابيات ، والله يطامنهم باسمه ويرزقك برهم.

حاولي تعليمهم ان كل شخص مسؤل عن اغراضه ولما يساعدوكي عطيهم مكافئه مثل شوكلات او شي يحبونه ودايم امدحيها مثل انتي اليوم ساعدتيني وترتيبك حلو مره وحاولي تثني عليهم مرهه حتى لو شي بسيط قدامهم وقدام ابوهم او احد من اهلك حتى تتفاخر وتساعدك دايم واذا مافادت معهم الطريقه احرميها من الجوال لين تشيل اغراضها او حددي لهم مكان للعب مايطلعون اي لعبه خارج المكان واذا تجيبي الايطار تبع الالعاب بيكون افضل انو يفصلو مكان اللعب عن مكان ثاني

شوفي ياعمري سمعت كلام لدكتور مايحظرني أسمه للأسف لكن مانسيت كلامه له باع طويل في كيف تربين أطفالك ومن هالكلام ، مو من كيسي والله 😂 فبعطيك المختصر يقولك الأطفال يمرون بثلاث مراحل المرحله الأولى من عمر السنه إلى سبع سنوات هذا طفل بتكون حياته كلها لعب في لعب وممكن مايسمع كلامك بالحرف الواحد ، والمرحلة الثانية من عمر السبع إلى 14 سنه هذا عمر التربية وزرع الثوابت وماإلى ذلك والمرحله الأخيرة من عمر ال14 إلى عمر ال20 عمر أنك تصادقه وتخليه أقرب شخص لك ، الشاهد في الموضوع بنتك الصغيرة ماعليها شرهه أبد لكن مهما تحاولين بس ممكن تعلمينها أشياء بسيطه مثلا ترمي القراطيس بالزباله تكرمون ، جزمتها ترجعها مكانها تكرمون وهكذا أمور بسيطه مره تقدر عليها ، لكن بنيتك اللي أكبر منها المفترض بسم الله عليها تساعدك بكل شي على الأقل ترتيب أي حوسه بعدهم وحتى عشان تتعلم أنها ماتشوف مكان محيوس إلا وترتبه هالشي بتشوفين ثماره لسنين قدام ومارح تتعبين معها أكثر إذا كبرت ، أعرف أمهات تقول حرام اخليها تشيل مسؤلية وماشية على هذا النظام من سنين لكن والله انها اللحين تبكي من بنتها الله يصلحها لانها على كلامها صارت بليدة ماتحرك ولا عود حتى بغرفتها !!
دائماً حطي في بالك قبل يكون عشانك أنتِ في إنها تساعدك بس حطي في بالك أنو قاعده تتعلم عشان نفسها ودايم أدعي لهم بالصلاح والهداية ، وإذا الحرمان مافاد معهم واضح من كلامك أنو حرمانك ممكن كم ساعة يازينك ❤️😂 ممكن تخلينه يوم كامل أو ممكن يوم أيه ويوم لا ، أتعبي على تعليمها اللحين أحسن من أنك تتعبين معها بعدين لاكبرت والله يخليهم لك ويخليك لهم ❤️❤️❤️❤️