بيتي مرتب ومنظم ولكن غير نظيف ونفسيتي تعبانة

بيتي بالظاهر مرتب وتفتحي الدواليب كمان مرتبة سواء الملابس او المطبخ
مافي شئ بالارضية والسرر مرتبة والمجلي نظيف وطاولة المطبخ واسطح الدواليب مافيها شئ
دايم ابحث عن الافكار اللي تساعدني بالتنظيم واتخلص من كل شئ يسبب زحمة


طيب وين المشكلة؟؟


المشكلة ان السيراميك صح مافيه بقع والارضية فاضية لكن مو نظيفة لاني ماامسحها باستمرار وهذا يكون واضح برجول اولادي لما يمشو عليه

المطبخ ظاهريا نظيف لكن سطح الفرن يبغاله دععععك من قلب وهو سيراميك

احيانا تلاقي بالزوايا شعر متجمع

مشكلتي اشوف الشئ نظيف اقول خلاص مايحتاج مسح كل يوم وكل شوية تأجيل لغاية ماالاقي الدنيا فعلا مو نظيفة:icon33:

وانا لما اتشغل لو شوية علي طول اعرق يعني لازمني حمام وعندي بنتي رضيعة ومريضة كمان الله يشفيها مااقدر اتركها لوحدها عشان كذا شغلي مقطع علي حسب لو لقيت احد مسكها
واذا مسكوها لما اشتغل ماالاقي احد يمسكها لما اتحمم

مو عارفة انظم نفسي انا ماعندي مشكلة بالغسيل ولا الكوي ولا المواعين لان عندي غساله اتوماتيك وغسالة صحون ونشافة وكوي الثياب برا البيت وحتي الطبخ يادوب وجبة وحدة والعشاء خفيف او نواشف

ماابغي انتظر لين الشئ يتوسخ تماما عشان انظفه وكمان بنتي لازم اعطيها ساعة كاملة تدريب خلال اليوم ماتتغير باي ظرف وكل اسبوع يوم الاثنين عندها مركز الصباح اوديها للتدريب هناك
وولدي تأسيس اول صف ولازم 3 ساعات عالاقل معاه

بجد نفسيتي معدومة بسبب مرض بنتي واقل شئ يوترني ويخليني احس نفسي عاجزة عن تدبير اموري
ونفسي البيت يكون دايم نظيف عشان اعزم واستقبل الناس ارتاح معاهم وانسي شوي الهم






خاص للمشرفات... حبايب قلبي يمكن يكون موضوعي مخالف بس واللي يرحم والدينكم خلوه بس اسبوع
بجد مضغووطة جدا يكفي هم مرض بنتي .. ابغي انظم اموري بحس بشوي راحة واسترخاء:44: