سويلك جدول وامشي عليه مع التنظيم كل شي يترتب اما الفوضى يوم ارتب وعشره لا هذي ماتنفع حتى نفسياً تمرضين اذا كان البيت وصخ انا اكلمك من تجربة شخصيه انا توني تزوجت وكنت معتمده على الشغاله عند اهلي ومن وين لوين اشتغل ببيت اهلي تعودت على الكسل والاتكاليه لمن تزوجت حسيت مسؤولية البيت صعبه والشغل صعب واراكم الشغل وأأجل كثير بالاخير تعبت نفسياً من الوضع الي انا فيه وتعليقات زوجي قررت اسويلي نظام وجدول امشي عليه يومياً ماعدا الجمعة والسبت ماتقيد بالجدول الجدول الي سويته كانه واجب علي اسويه لازم لو حسيت بكسل اتعوذ من الشيطان وابدا اخلص شغلي قسم بالله بعد تعب الشغل راااااااحه نفسيه حتى زوجي يدخل البيت ينبسط وانا نفسي استانس كل شي نظيف الحمد لله حتى اذا خلصتي شغلك اول باول يكون في وقت لنفسك تروقي فيه تهتمي بنفسك شوي اما اذا راكمتي كل شي مايكون في وقت بالتوفيق حبيبتي جربي نصيحتي وراح تحبين بيتك وحياتك انا احياناً اتكاسل وهذا كله بسبب التعويد من البداية الله يعينا ويقوينا ويصلح حالنا يارب

اولا شيء جيبي شغاله بالساعه تقلبلك البيت قلب وتخليه يلق يلق ....
ثانيا خلي سوره البقره شغاااااله على طول وبصوت عالي لما ماتكونو نايمين
ثالثا بعد ماتجيبي الشغاله اللي بالساعه راح يكون تنظيفك وترتيبك سطحي سهل يعني مايبيله جهد ووقت كل مادخلتي مكان وشفتي شي طايح شيليه لا تخلي شيء يتكركب
تعودي ع الحركه ترا كثر الجلوس يزيدك كسل
وبخري البيت يوميا تحسي بسعااااااااااده


واخيرا ترا الشياطين يتجمعو بالمكان الوسخ والمكركب عكس الملائكه تحب البيت النظيف والريحه الطيب

سبب هالشيء تاجيلك للاشياء الصغيرة الين تكبر وتكسلي تسوينها
لو سويتي كل شيء بلحظته مابيتراكم شي
اكلتي صحن غسلي او جيبي غسالة مواعين وتجمعي فيها طول اليوم
الزبالة تلمينها ساعتها الغسيل تعبينه فورا بالغسالة لا تجمعينه بالسلة من تتعبى الغسالة تغسلينه حتى عبي الدوا من قبلها
غرفتك لا تخرجين منها الا وانتي لامة الملابس الي ينطوي واللي يعلق
كل يوم قبل لا تنامين لفي عالبيت ورتبي لو مخدة طايحة مواعين العاب على الارض الخ وشيليها
اشتري ادوات تسهل عليك التنظيف


عيالك تخلين لهم غرفة يلعبون فيها وتخصصين زاوية فقط لالعابهم وكرتون كبير لا خلصوا لعب يرمو العابهم فيه ومايلعبون باي غرفة غير هذه
فما يتركب بالبيت الا هالغرفة
غرف الضيوف والمجلس لو ماتستخدمينه تقفلينه بعد ماتغطين العفش بشرشف
اي كراكيب زيادة بالبيت ارميها سواء كرسي كنب اكسسوارات اي شي


اتعودي من تاخذين شي ترجعينه مكانه
مثلا طلعتي علبة الخياطة ترجعينها بعد الاستخدام فورا
طلعتي شنطة ترجعينها نزلتي علبة من الدولاب ترجعينها مكانها ونبهي زوجك على هالشيء


لو طبقتي هالخطوات مابيبقى لك تنظيف يومي غير مسح غبار وتكنيس لانه اصلا مارح يتكركب
والتكنيس عادي سويه يوم ويوم او حتى كل يومين


وعشان البيت يتهوى قبل النوم افتحي الشبابيك لو انتم بمكان امن خلي البيت يتهوى طول الليل للصباح بعدها تقفلينه
وغرفتك بعد ماتصحين تفتحين الشبابيك


وبعد اتبعي طريقة انه كل شوي تسوين شي
مثلا قعدتي بتقومين تجيبين موية من الطبخ
من تدخلين خذي فوطة امسحي الغاز بسرعة او الدولاب
مابياخذ خمس دقايق
بتاخذين دش بللي الحمام بسرعة ورشي الدوا واشطفي بسرعة


وممكن تشترين مناديل تنظيف معطرة عملية جدا
مثلا وانتي بالصالة تسحبين واحد تنظفين عالسريع الدولاب والطاولات ووو


بغرفة نومك تمسحين فيها تسريحتك طوالي وكذا


الاشياء الجديدة تخرب من سوء الاستعمال اللي منها قلة التنظيف
مثلا بلوزة جديدة انكب عليها شي لازم تنغسل لحظتها بطريقة صح
مفرش جديد ماتحطين فوقه اشيااء تخربه او ينكب عليه شي وتخليه لازم لحظتها تمسحي وتنظفي
علمي اطفالك محد يوسخ


وقبل هالشي كله
تجين نهاية اسبوع وتصرفين عيالك لاهلك او شي
وتجيبين خدامة بالساعات ومن الصبح حملة نفض
الغسيل ترمينها اول شي بالغسالة ثم الزبالة تنلم ثم كل شي ينحط مكانه ثم يترتب وبعدها مسح غبار وكنس ومسح ارضيات
الين تخلصين بيكون الغسيل خلص تنشريه
اي شي للكوي هالمرة ارسليه للمكوجي حتى ستايرك
المطبخ دواليبه تنفك وتترتب ثاني الثلاجة الفريزر
غرفة النوم ملابس تطبق تترتب


وتقدرين بعدها مثلا الكوي يا تكوين بشكل يومي قطعة قطعتين
او تجمعين تكوين بشكل اسبوعي
او تودينهم للمكوجي


وسوي تحاليل للكسل يمكن فقر دم ونقص فيتاممين دال او خلل بالغدة

كل يوم حددي شي تنظيفينه أنا كذا مثلا اليوم غسيل فقط وبكره البلاط وبعده الطاولات وبعده المطبخ وفي خلال إسبوع البيت نظيف هذي طريقتي عشان ماأتعب نفسي

الله يسعدك حللي فيتامين د
وشغلي القران على البقرة
ونامي كووويس
والبنات ماقصرو بالنصايح اهتمي ببيتك
وشغلي فواحات عطورررر من لايف ستايل او شمعات باث بودي وركس
بيت نظفيه اخر اسبوع عميق ساعتين
واطبخي عشاك كل يوم وجبة
فرزني كشنة كمية بعلب وعفريز
انا اسويها كثييير عشان ريحة ماتعلق بي ولابالبي