دامك موظفه وانتي راجعه من دوام جيبي معك شغاله مؤقته للمطبخ والمواعين وغسيل الملابس هذا شي الشي الثاني اشبعي نوم نامي لغاية ماتشبعي ولما تصحي خصصي اقل شي ساعه
الشغله الثالثه ارمي نصيحه كثرة الاغراض مالها لازم شي فائض وديه الخيريه اللعاب ملابس بطانيات احذيه شكلك ماترمي والله راح ترتاحي
اصلا كثر ة الاغراض تحرمك حتى من انك تحصلين الي تبين بسرعه
اعزلي الصيفي عن الشتوي غالبا في فصل الشتاء تكثر الملابس وتزدحم والبطانيات لذلك انصحك خلي مكان معين اودولاب للجاكيتات الكبيره الي تاخذ مساحه لادخلينها الدولاب عشان يصير التوتيب سهل عليك
لترتيب الملابس داخل الدولاب الشرابات خلي لها مكان معين وطبعا غساله اتوماتيكيه وبكذا خلصنا من الملابس
البيت اخذي مخمه يد طويله نظيفه خاصه للغرف دفي فيها المرمي على الارض من احذيه العاب دفاتر اقلام وحكريها في زاويه بعدها ابدأي صنفي وخلي اعيالك كل واحد يرجع اغراضه وتعاون مطلوب وضروري
اما المطبخ يااختي لازم شغاله بالساعه وانتي راجعه من دوام حيبيها معك
والله يعين وكرري دعاء اللهم اني اعوذ بك من الهم والعجز والجبن والكسل وغلبه الرجال
والله كلنا مثلك لكن ندز انفسنا اذا وقفتي يوم واحد يتكركب البيت والحمامات الله يكرمك اقل شي اسكي الكلورس على الارضيات والمراحيض الزباله لاتنامي الا هي خارج البيت حتى لو مانظفتي البيت اهم شي القاذورات ماتبات داخل المنزل والله يساعدك اخذي فيتامينات يمكن معك فقر دم واذا عندك بنوتات وزعي شغل عليه

انا اقولك سبب الدمار , الكسل , الفوضى , عدم الترتيب , الأطفال وشغلهم الشاغل بألأثاث .

زوجك اذا استمر وضعك معه بها الشكل بتطحين من عينه وركض طوالي بيتعذر فيك وهو موظف وانتي موظفه انتي ما قدرتي توفقين بين البيت والوظيفة والبزران بالتالي الوضع صار مكركب

العلوم عندك انتي ان ما صلحتي امورك وبيتك بجيب لك ضرة , ما افاول لكن الرجال يدورون اي عذر ,والحمدلله انك وعيتي شوي .




الحل عندي جيبي احد من اهلك او 4 خدامات بالساعات يرتبون لك البيت وينظفونه تنظيف , او احد من هلك يساعدك مساعدة في الترتيب , لكن قبلها حطي كل شيء ثمين ساعات فلوس اغراض بصندوق مقفل عليه

وغرفة نومك اشرفي عليهم الخدامات وهم ينظفون وبعد ما يخلص كل شيء وترتب التنظيف العميق والسطحي ,تخلصين واختاري الأيام اللي يكون رجلك فيها شفتات حتى تفاجئينه بالتغيير .

والأولاد علميهم على الترتيب وكل الألعاب تنرد بالحافظة بعد ما يخلصون من اللعب .




جيبي خدامة تغسل الملابس وتعلقهم , والخدامة الثانيه تفصل المربس وترتبهم بالدلاب , والثالثة مسؤولة عن كنس وتنظيف الأرض , والرابعة خذيها للمكان اللي فيها اغراض كثيرة متراكمة مثل المطبخ

نجي للدور عليك انتي , روحي المشغل ورتبي نفسك , وسوي لك بالبيت ماسك وحمام زيت لشعرك وحطي ميكب اب بوجهك خفيف بالبيت يكون ناعم ومسائي عطري البيت دايما بالبخور والعطورات

وسوي عشاء خفيف وحلى ,ومنها كسرتي الروتين وغيرتي .

ولاتعطين العمل اولوية اكثر من بيتك ورجلك واولادك لازم تسووين جدول منظم تنظمين كل وقتك فيه


ولا تنسين تشغلين سورة البقرة ببيتك وحصني نفسك والكسل من الشيطان ودائما اجتهدي بالترتيب ,

السلام اولا عليك بترتيب وقت النوم والاستيقاظ ثم الاكثار من الاستغفار وربي المعين

الحل قومي واتركي كل شي بيدك
مافي حل غير كذا
الكسل يجي لكن مانستسلم له
عن نفسي اذا حسيت بكسل وعندي شغل
اقول لنفسي تخيلي الشغل بعد مايخلص شلون منظره بيكون وشلون نفسيتي بترتاح
واقوم بسرعه ابدا بالخفيف واتحمس بشكل واكمل الباقي حتى اللي ماحسبت حسابه بالشغل

ضروري تسوي تحليل فتامينات وتعالجي اذا عنك نقص
وبالنسبة للبيت أظن بعد هذه الفترة من الاهمال يحتاج تطهير
شغلي هذي الرقية بصفة مستمرة كم يوم وحتلاحظي الفرق