بيتي و الدراسة، متشتته ساعدوني

السلام عليكم جميعاً 💜💜
تعالوا أقولكم نبذه عني
كنت ببيت أهلي مدلله للآخر ، بس يومي كله اقضيه لدراستي و نفسي ..
طبعاً الحال بعد ما تزوجت تغير
السنة الي فاتت كانت أول سنه زواج، و تخصصي مو هين و دوامي طويل غالباً من 8-3 أو من 8-5 ..
و فيه ايام أطلع قبل العصر
و الاختبارات شبه أسبوعيه، يعني مررره ضغط
و أكلت تبن بشغل البيت
يكفي إني ارجع ميته تعب مافيني أسوي شيء
لا أحد يقول جيبي خدامة لأن ظروفنا ما تسمح،بس امي عندها خدامة كنت آخذها بالأيام الي مرره انزنق
و بعدين زوجي شمالي شرقي .. و اذا ما تعرفون وش يعني شمالي شرقي
يعني شخص دقيييييييق جداً يبغى كل شي على سنقة عشرة، لدرجة أنه عادي يجي يطل بالقدر يشوف قاعدته من جوا يتغير لونها من الطبخ يتضايق ..يبغى كلل شي يلمع
يبغاني بنفسيه رايقه و كاشخه و جاهزه له في الليل....
يابنات أنا كتبت كللل الكلام الي فوق عشان تساعدوني أنظم يومي ، لأن تمر علي أيام من الاجهاد بس ارجع من الدوام و أنام لليوم الثاني و اصحى تعبانه بعد و عضلاتي شاده..
كيف ما أتعب، كيف ألحق أسوي غداء و عشاء و ايش الأكلات السريعة و اللذيذة الي تسوونها..و أنظف البيت و أجهز ملابسه و أذاكر و أجلس معاه وووو...
أنا لاززم أضبط الوضع هذا، بس أبغى أثبت له إني انسانه قد المسؤوليه ، خصوصاً ان باقي لي سنتين و اتخرج و بعدها العمل ضغط اكثر من الدراسة و غير إذا حملت و جاني أطفال..
و الله يا بنات السنه هذي نقص وزني من الهم و الكرف و كذلك معدلي نقص
اللي لها تجربه بالدوام و شغل البيت تقولي على نظامها
و اللي لها سنوات وهي متزوجة برضو ياليت ما تبخل علي بخبرتها..
الدراسة قربت و أنا شايله هم