rabbouche :

صباح الخير يا ستات :26::26::26: مع أحلــى وردات (عالقافية) كيفكــن وشو اخباركن واو موني كلك ذوق ميرسي كتير عالقهوة، والله من لما فقت غليت ركوة وعم اشرب. صباحو يا ست كلارا كيفك اللوبيا الخضرا مش الفاصوليا الحب شوفي الطريقة سهلة كتير وبتطلع طيبة بتعقد: (طقشي) قصدي قطعي كيلو اللوبيا واغسليها، اقلي بالطنجرة حوالي 300 غرام لحمة شقف مقطعة مكعبات بالسمنة بس تستوي اللحمة ضيفي اللوبيا والملح وحركيهم وغطي الطنجرة على نار متوسطة كل 10 دقائق طلي عالطنجرة اذا بتلاقيهم نشفوا من الماي زيدي حوالي فنجان قهوة ماي حتى ما تحترق، بدهم شي ساعة عالنار بتستوي الطبخة، خليها تنشف من الماي شوي، قبل ما تطفي النار، رشي عليهم بهار أسود. وفلفلي رز بشعيرية وسلطة لبن بخيار. جربيها وخبريني أكلة بتعقد خاصة اذا اللحمة مدهنة شوي او فيها لية. هيك بيصير شكلها هيدي الصورة من عندي بس مصورتها بكاميرا الكمبيوتر طلعت مغبشة شوي. دمووووووووع يسلمو عالوصفة، لاحظت انها نفس طريقة الفلافل الفرق انه بدل الحمص لوبيا. ان شاء الله بجربها. أنا الي مراق كتير جرب وصفات. وانا عندي من هيدي اللوبيا بالبيت لان منطبخها مع السلق وبعملها كمان مع البرغل. جيزانية ما بتعرفي الشيشبرك والله أكله غير شكل والي ما أكل شيشبرك ما أكـــل بالعادة كل رمضان اول يوم بطبخ شيشبرك بس السنة ان الله راد رح اعمل كوسى بلبن. ليكي هالطريقة 100% شفتها بالمنتدى http://forum.hawaaworld.com/showthread.php?t=302236 بس لازم تحضري حدها رز مع عدس مجدرة بالمنتدى مش ذاكرين انه بيتقدم معها رز طريقة مجدرة الرز: اسلقي حوالي نص كوب عدس عادي الاخضر وبس يستووي ضيفي كوب رز اميركاني اكيد مغسول وخلي الماي مش كتير يعني تغطيهم حوالي 5 سم وحطيهم عنار هادية بس تنشف الماي اقلي بالمقلة بصل مفروم بالسمنة وزيدي عالرز وحركيهم.

صباح الخير يا ستات :26::26::26: مع أحلــى وردات (عالقافية) كيفكــن وشو اخباركن واو موني كلك...

behined the moon :

السلام عليكم صبايا كيفك ربوش ,في حد ضافني علي المسنجر ,وهي من المنتدي يمكن ,وهي لبنانيه وانتي موجوده ضمن اصدقائها ,مين هي ,بس لحتي اعرف جيزانيه معقوله ما تعرفي شيشبرك ,له له ,ولا اليبرق ,اسمعي اليبرق هو ورق العنب بس لما يكون مع رز وخضاريعني بندورة ونعنع وبقدونس وبصل بيقولوا عنه يبرق ,ولما يعملوا مع رز ولحمه بيسموه ورق عنب ,بعدين بيعملوا مع العصاعيص ,صح هيك يا كلارا ولا انا غلطانه ,اما احنا الفلسطينيه بنقولوا علي الحالتين دوالي هههههههه من اسم ورقه العنب بنقولها داليه اما الشيشبرك هو عجينه بنقطعها صغير وبنحشيها لحمه مفرومه وبصل وبعدين تنطبخ مع لبن ,وبنقليلها بالاخر توم وكزبرة او توم ونعنع ناشف ,وكلا را بتفرزن العجينه مع اللحمه ووقت الطبخ بتكون جاهزة ومفرزنه وبس بتطبخ اللبن وهي صورهم

السلام عليكم صبايا كيفك ربوش ,في حد ضافني علي المسنجر ,وهي من المنتدي يمكن ,وهي لبنانيه وانتي...