السلام عليكم صباي .......كل رمضان وانتو بخير

امبارح ماادرت افوت علي المنتدى .ما بعرف مو وين المشكله
موني وبلو الف سلامه عليكم .ان شاء الله اليوم احسن ,الصوم اول كم يوم بيكون صعب بعدين تتعودوا .وموني لازم تكتري سوائل كتير ميه وعصير ,انا امبارح اشربت لترين ميه ولتر عصير من بعض الفطور لوقت السحور ,مش منشان العطش بس لانه اهم شي بالصوم السوائل كتير بحسها بتعطيني طاقه ,غير كم من مشكله عندي بتصير ,لو ماشربت ميه كتير ,وان شاء الله اليوم بيكون احسن وباي وقت تتعبي فيه الافضل انك تفطري ,لانه نزول الضغط كتير صعب ,والله يعينكوا علي الصيام انتي بلو وكلنا يارب ,انا الحمد لله ما حسيت لابجوع ولاعطش ولاتعب لاني اتسحرت ولاني دايما مابتسحر بس هالمرة زوجي مصمم الا نتسحر والله كلامه طلع لصالحنا
وامبارح مريم صامت معنا .انا تفاجئت فيها لاني مش عامله حساب انها تصوم وماتسحرت وهي صممت وكل شويه احكيلها افطري وهي رافضه وابوها شجعها لحد ما كملت النهار ,وهشام كمان الدها حبيبي بس ما ادر للساعه سبعه ونص وبعدين فطرته لانه تعب ,لو تشوفوهم كل شويه فايتين علي المطبخ وبيسالوا شو راح اطبخ ويطلبوا اعملهم اشي مخصوص وكل شويه يسالوا عن وقت الادان كتير انيسطنا عليهم ,بس اليوم فطرتهم ومارضيت لمريم مش هاين عليها لسه صغيره وجسمها اكيد بيتعب

اهلا بنت لبنان شهر مبارك

موني شكرا، لكا اني الي بيصير معي طلوع ضغط.

بلو سكاي، نحنا بلبنان منعمل متبل الباتنجان (بابا غنوج) شكلين شي بطحينة وتوم وحامض او بس توم وحامض كما بيطلع طيب كتير.

بيهاند حلو لما يبلش الاولاد يصوموا، بتحسي رمضان صار أحلى.
والله واليوم انا كمان رح حضر كل شي عبكير.
الاولاد بيلهوني كتير الشغلة الي بدها نص ساعة بتاخد معي اوقات اكتر من ساعة.
عملت شيشبرك امبارح والله ضل بحاله ما أكلنا الا صحن.

صحيح حلو لما يصوموا بيعطوا جو للبيت ,بس ما هان علي انا شايفهم لسه صغار يعني هشام لسه 6 سنوات ومريم 7 ونص والنهار طويل يعني لو في بلد عربي كان مريم صامت ,بيادن علي 6 او 7 اما هان صعبه لبعد التسعه ليادن ,وبالنسبه للاكل وانا كمان كتير زاد وانا اصلا ماكترت ,بس بغدي الاولاد فيه ,ولسه انا بشوف هلا بدري انا امبارح فوتت المطبخ الساعه 6 ,بس اليوم ناويه اعمل قطايف وناويه اعمله بدري شويه

صبايا اعطوني طريقتكن بالقطايف لشوف متل طريقتي.

شوفي حبيبتي هادي طريقتي من رمضان اللي فات وبتطلع تجنن الله يجازي صاحبتها خير


المقادير:



3 كاس ماء

2 كاس دقيق

3 ملاعق طعام سكر

2 ملعقة طعام بكينج بودر



نضع جميع المقاديربالخلاط ونخلطهم