يسعد صباحك كلارا

ام نورواسراء سلامتك طمنينا عليكي

صباح الخير صبايا .......كيفكم

الام الحنونه ,معلش بس احنا ماالنا ننتقد الالمان ولاكيف حياتهم ,لانه كل بلد اله ثقافته عاداته ,يعني هما زي مافي عندهم اشياء حلوه بيعملوها في الهم اكيد سيئات واشياء مابتعجبنا ,بس هما بالاول وبالاخر مش بلد اسلامي من شان ننتقد الي بيعملوه ,ومش هانتقد في بلادنا الاسلاميه الي بكره حتشوفي بلاوي فيها واللف والدوران باي طريقه واشياء بعيده عن الاسلام ولاتمت له بصله ,وبكره ان شاء الله اول ماتنزلي من الطياره راح تشوفيها ,وزي ماحكتلك بلو انه لولا الجنسيه مافي اي بلد عربي او اسلامي راح يستقبلكم ,طيب هدا مش برضه يعتبر خير بيعملوه الالمان !!!!!!طيب شوفي اي بلد عربي ان شاء الله تقعدي العمر كله تشتغلي وتتعبي العمر عندهم ممكن يعطيكي الجنسيه !!!!!!!!! طبعا مافي هدا ادا ما فنشك وطلعك من العمل ,لكن هنا شوفي الفرق في قوانينهم ,وانا اكيد بقصد هنا المهاجرين الا اجوا هنا مضطرين بعد ما شافوا الجوع في بلادهم ,طيب ياستي بس بدون ماحد يزعل ,ليش الدول الاسلاميه الغنيه بدل ماتجيب عماله من بلاد اسيويه ,ليش ما تشغل هالمسلمين الي الفقر في بلادهم ,مش هما اولي وهدا ابسط شي من الاسلام انوا المسلمين يكونوا متكافلين !!!!!!!!!! شوفوا احنا العمال كانت اسرائيل بتشغلهم وبعد الحرب الاخيره شوفي اديش صارت نسبه البطاله ,شوفي مين دور عليهم ومين شغلهم ,والله لا يدوق الفقر والجوع لحد ,يعني لما واحد يكون عنده اطفال ومسئول عنهم ومش لاقي يطعميهم اي مستعد يعمل اي شي يهاجر ولا اي شي يتوفرله وللاسف مافي حدا فاتح بلاده الا الاجانب والاوربين ,والحال طبعا علي كل البلاد الفقيره طيب شوفي اديش من المغرب بيهاجروا بالسفن الغير شرعيه وبيعرضوا حياتهم للموت والخطر ,مين بيعمل هيك الا ادا كان كل الدنيا مسكره في وجه ,قوالله الحق مش عليهم الحق علي هالحكومات الي كل دنب هالابرياء بايدهم ,وماتلومي الي بدوا جنسيه اوروبيه لانه حال العرب هو الي وصلنا لها الوضع ,وانا عمري ماحبيت اقارن المسلمين بالاجانب ,او افضلهم عليهم ,بس لازم نعترف بالحقيقه لو بينا وبين حالنا

ام نور واسراء ,,,,, الف سلامه عليكي ووان شاء الله اليوم احسن ,واكيد انا الي بعرف شو وجع الاسنان لانه تاريخي حافل معهم

كيف يا الام الحنونة ليش خروج الزوج للعمل مالو اجر فيه ؟؟؟ وهاد العمل اللي ماقدرت بلاده تامنه اله ؟؟؟!!!!
وبعده عن الاهل غصب من عنه كمان مافي اجر اذا عندك وقت تصفحي بالنت رح تشوفي النا اجر ان شاء الله
بعدين الهجرة جائزة بكذا حالة اول شي اذا الواحد مايقد يادي شعائر دينه ببلده مثلا عنا بسوريا صاروا اي واحد بحضر دروس او بدعوا للدين على السريع على بيت خالته هههههههه عرفتي مين بيت خالته
وتاني شي لطلب العلم وكمان للتجارة ليامن نفسه ويرجع واغلبنا ماحدا مامن نفسه ببلده نحن لسى لابيت بسوريا ولازوجي مخلص جيش لازم يدفع تقريبا 5الاف يورو لياخد عفو من الجيش وهي صارله فترة بيشتغل ولحد الان ما امنا نص المبلغ
ومع ذلك وضعنا هون احسن من رجعتنا اقل شي في شغل الحمدلله وماشي الوضع بس بدها صبر الشغلة
فبقى كيف رح نرجع
زوجي مثلا عنده هدف انو يكمل دراسة لاخر مستوى مشان يقدر يرجع ويشتغل فيها وهو محترم
حبيبتي الام الحنونة انتي عايشة هون وشايفة الوضع وقلتي عنا لازم ترجعوا !! ماعتب على اللي عايشين هنيك وكل ماننزل بقولولنا يالله ارجعوا وماشبعتوا ومن هالحكي اللي بيرفع الضغط مفكرين هون عبنللقط مصاري بالشوارع
وهي دورنا على شغل بالامارات بالسعودية بسوريا وراسلنا كتير شركات ولا حياة لمن تنادي مافي غير شروط مالها طعمة على لازم يكون عندك خبرة اقل شي 3 سنين ولا يكون انكليزي ومدري شو
مايقولوا نستفيد من هالناس اللي درست هون اعلى المستويات ونشغلها عنا وبعدين بنعلمهن انكليزي وبصيروا نفع النا احسن ما يشتغلوا للالمان
ومافي داعي اذكركلك القصص اللي كم عالم ومخترع عربي راح بلده وتبهدل ونهبوه بعدين رجع لاوربا اللي سجلت اختراعه وكسبته وغيرو وغيراته
وبالنسبة للولاد وين ماكنا رح نخاف عليهن من اللي حواليهن وهاد طبيعي ولما تناقشنا هون عادية مو معناها السبب المانيا يعني اسئلة الالولاد مو بس هون كمان باي مكان
على كل كل واحد عندو رايي وبنسمع ونتاقش مع بعضنا
اسفة امانة لاتزعلي مني والله ييسر النا الخير وين ماكان ويرضينا فيه