كوبونات الراقية تسجيل الدخول

alfurkan2
alfurkan2 •
ام نور سلامتك طهور ان شاء الله
انا رحت مرة وقالتلي عندك 6 بدهن حشو حشتلي واحد وفركتها ماعدت رجعتلها صرت اهتم لحالي بالبيت وطالما لسى مافي الم ماني رايحة اكره شي عليه دكتور الاسنان مابطيق يحط ايده ولا وشها بوشي:35:
alfurkan2
alfurkan2 •
behined the moon behined the moon :
ام نور واسراء ,,,,, الف سلامه عليكي ووان شاء الله اليوم احسن ,واكيد انا الي بعرف شو وجع الاسنان لانه تاريخي حافل معهم
ام نور واسراء ,,,,, الف سلامه عليكي ووان شاء الله اليوم احسن ,واكيد انا الي بعرف شو وجع الاسنان...
بما انو تاريخ حافل بدي اسالك سؤال ههههههه
هلا ابني كان سنه منخور وكان بيبكي من الالم والاسبوع الماضي عملو حشوة الدكتور
هدي الالم كم يوم ورجع هلا صارله يويمن بقلي بألمني كتير انا ماعندي خبرة باهالشغلة
ياترى من الحشوة بدها وقت ليتعود عليها لانو صغير ولا شو القصة
ان شاء الله رح اخده مرة تانية على الدكتور بس قلت اسالك
خايفة كتير لايقلعله اياه
rabbouche
rabbouche •
alfurkan2 alfurkan2 :
ام نور سلامتك طهور ان شاء الله انا رحت مرة وقالتلي عندك 6 بدهن حشو حشتلي واحد وفركتها ماعدت رجعتلها صرت اهتم لحالي بالبيت وطالما لسى مافي الم ماني رايحة اكره شي عليه دكتور الاسنان مابطيق يحط ايده ولا وشها بوشي:35:
ام نور سلامتك طهور ان شاء الله انا رحت مرة وقالتلي عندك 6 بدهن حشو حشتلي واحد وفركتها ماعدت...
صباح الخير كيفكن
فعلا الاختلاف في الرأي لا يفسد للود قضية
والله الوضع المعيشي في كل البلاد العربية صعب، وأنا قلت رأيي وما حابة بقى زيد عالموضوع وكل يلي قلتوه صحيح.
امل الوطن
امل الوطن •
صباح الخير على الجميع
وما شاء الله الموضوع ما خد حيز كتير من النقاش
بالنسبه للهجره لبلاد الغرب ولنكون صريحين وواضحين مع انفسنا سمعت فتوى من اكثر من شيخ بحكي انه الهجره بتكون لثنين اما هجرة في سبيل الله او هجرة في طلب العلم وخلاف ذلك لا يجوز والي عندو اولاد وخايف عليهم من الانحراف المفروض انه يرجع هاد راي الدين والشرع
ولكن لو شفنا الموضوع بعين الواقع مين الي سبب هجرتنا لهون مو حكوماتنا العربيه الله بمد بعمرها
لو لقينا حضن دافئ بين اشقائنا ما كنا فكرنا في الغرب والله يا بنات اني حاولت وطلعت روحي لأروح دوله عربيه وقدمنا شهاداتي وشهادات زوجي واقسم بالله اني مع زوجي اول زواجنا سعينا بجديه لدرجة انه لفينا على كل السفارات وطلبنا مقابله سفراءها
منهم من قابلنا مشكور وحلق النا على الناشف ومنهم من استهزء منا وحلق النا من ع الباب قبل حتى من نحقق خطوة
هاد كان بعد ما متنا واحنا نقدم طلبات للعمل دون جدوى
فما كان النا للأسف الا انه نطرق باب الغريب وفتح النا ابوابه وساعدنا لوقفنا على رجلينا وتعاملو معنا بانسانيه تامه وهاد ما بنفي انه الالمان شعب عنصري وعنصريتهم ما بتبان بكلامهم بتبان بأفعالهم واحنا بنظرهم اجانب ومسلمين ولو شو ما عملنا وقدمنا بنظرهم عرب ومسلمين وارهابين وشوفو واكيد مجربين لما تبحثو عن منزل للأيجار مجرد ما يعرف صاحب البيت انك اجنبي وعربي ومسلم كثير منهم برفضوك وهاد ما بنكر وجود منهم افضل من هيك لكن بتكلم عن الاغلبيه والله العظيم ما بنسى ليوم الدين وقت كنت ببحث عن بيت ورد عليه صاحب البيت بسأله ان البيت اذا بعده ما تأجر اول سؤال سأله انت من وين وقت قلت اله من فلسطين رد ببرود وحكالي يعني معك (بومبه) قنبله حكيت اله لا هلا احنا اتطورنا واصبحنا نملك الصواريخ حاليا معي صاروخ وقفلت الخط وانا ببكي
يعني الشعب الالماني شعب عنصري رغم انسانيتهم واخلاقهم المستمده من عقيدتنا الي احنا المسلمين اصلا تركناها وتخلينا عنها بس مثل ما بقول المثل شو جابرك على المر غير الي امر منه
خلاصة الحكي بالنسبه الي رغم انه اخوانا العرب سكرو الباب وما اتاحو النا الفرصه نكون في بلادها بهويتنا العربيه الاسلاميه الفلسطينيه رح نرجع الهم ونعيش في كنفهم وقت يكون معنا جنسيه غربيه وجواز اجنبي وساعتها متأكده انهم الباب الي تسكر في وجه الهويه العربيه رح يفتح على مصراعيه بالهويه الاجنبيه للأسف الشديد ولكن حتى نحقق شرع الله وونجو باولادنا ونربيهم على الشريعه الاسلاميه
اسفه ان اطلت ولكن الموضوع ذو شجون وكلامكم فتح الجروح
امل الوطن
امل الوطن •
الغاليه ام اسراء الله يشفيك يارب ويخفف عليك الالم
بصراحه وجع الاسنان لا يطاق
غاليتي الفرقان
الله يشفي ابنك بس اعتقد بما انه رجع الوجع يعني مش طبيعي الافضل ترجعي للدكتور
ممكن بتكون الحشوه طلعت من مكانها او بكون جرح العصب او ما شابه
وان شاء الله الف سلامه عليه