كوبونات الراقية تسجيل الدخول

كهرمانة12
كهرمانة12 •
صباح الخير ماشاءالله جرعات الحب جميلة مابينكم جميعا يارب يكون لي نصيب فيها

انا كنت قريت هنا قبل كدة عن وصفة لتخفيف دهون البطن انا مجربتهاش بس بنات كتير هنا شكروا فيها انك تجيبي ورق الكرنب تدفيه في الفرن او الميكروييف وبعدين تلفيه حوالين بطنك وتلبسي كيس نايلون مع الوقت الدهون بتنزل

عطر الشموع...ازيك ياحبيبتي تصدقي من ساعة ماعملت لحبيبة البن علي شعرها حاسة انه افتح مع انه مفروض يغمق بس بقي فيه لون بني علي عسلي كدة حلو اوي

توتا ام ايمان...سلامة ايمان ربنا يشفيها معلشي الاطفال طول الوقت بيتخبطوا ويقعوا وربنا هو الحافظ انا نفسي من زمان اسالك سؤال من كلامك لاحظت انك مش بتجيبي سيرة زوجك خالص هو مسافر ولا ايه؟؟؟وبعدين انا عاملة زيك تقريبا جوزي طول اليوم برة في الشغل واحنا هنا في غربة وبجد قربت انسي الكلام والله حاسة اني داخلة علي اكتئاب جامد غصب عني والانيميا دي فعلا باخد لها حديد وربنا يستر

وايه حكاية الخطف دي خوفتوني والله...بس انا دايما اسمع ان السعودية فيها حاجات كدة كتير انا مولودة هناك وعشت هناك فترة وكمان السرقة هناك ملهاش حل العربية بتسرق من تحت البيت عاااادي جدا ومصر كمان؟؟؟لا حول ولا قوة الا بالله


ام البنات وزوجة مصرية ومنمن وام سوسو ونيرفانا وعطر الشموع وعروس النيل الرمال الناعمة وبوتا وروانيو ام مريم ولميا ورشا وريهام وميمسي بحبكم كلكم في الله
لميا2008
لميا2008 •
اللهم اني اعوذ بك من علم لا ينفع ومن قلب لا يخشع ومن دعوة لا يستجاب لها يارب العالمين
عطر الشموع
عطر الشموع •
اللهم اني اعوذ بك من علم لا ينفع ومن قلب لا يخشع ومن دعوة لا يستجاب لها يارب العالمين
توته البطوطه
توته البطوطه •
السلام عليكم ورحمة الله وبركاته

ازيكم يا حلوين عاملين ايه

وعلى راى كهرمانه يا رب يكون لى نصيب فى جو الحب الى بينكم .......... ولو انى مش شايفه كده بس بحبكم برده

عطر هانم ........... واضح ان انا الى هاجى اتخانق مش انتى يا هانم فين سلامى المخصوص اوى جدا خالص دا انا مصالحاكى فى ييجى نص صفحه ....... ماشى ماشى ......... انتى الى عليكى الدور تصالحينى بقه

كهرمانه ......... ربنا معاكى يا حبيبتى ويكملنا على خير يا رب

اه يا جميل انا زوجى مسافر انتى بس لو كنتى معانا من فتره كنتى عرفتى لان كل البناتيت هنا عارفين

وبالنسبه للغربه اسمعى كلام اختك لما تكونى مع زوجك واولادك دى مش غربه خالص مهما كانت صعبه ومهما مكنتيش بتخرجى ابسط الامور بتنامى وانتى مطمئنه ومستريحه لان زوجك معاكى وجنبك ولو اى طوارئ لا سمح الله بتلاقيه معاكى فيها

انا بتمنى ان ظروف زوجى تتحسن وياخدنا معاه .......... لانك مش متخيله يعنى تعيش لوحدك ايام وشهور طويله ومعاك اطفال كمان واهلك فى مكان تانى

بجد غربه حقيقيه ...... ومسؤليه ويا سلام بقه لو حامل وجوزك مش معاكى وكمان هتولدى وجوزك مش معاكى ولو حد م الولاد تعب وانتى لوحدك وخصوصا بالليل ولو .......... ولو............. ولو.......... حاجات كتير

كده بقه احسن والا لما زوجك يبقى طول الويوم بره وييجى بالليل أحسن ؟؟؟؟؟؟؟؟؟

بس انا برده بحمد ربنا والله لان فيه ناس أحوالهم أصعب من حالى بكتير ......... الحمد لله رب العالمين

فانتى يا حبيبتى حاولى تأقلمى نفسك على وضعك وتشغلى نفسك وبس

وركزى على اهم نقطه ايجابيه موجوده عندك وهى ان أسرتك كلها فى مكان واحد ودى ميزه مش قليله ربنا يحفظلك أولادك وزوجك ويجمع شمل كل اسره يا رب

انا زى ما انتى شفتى كده حياتى ما بين ايمان والنت وبسسسسسسسسسسسسسسس

فين وفين لما ماما بتجينى او انا بروح لها وكمان لانى متجوزه فى بلد تانيه فمليش حد هنا خالص

روقى يا حبيبة قلبى ومتخليش الملل والافكار الوحشه تسيطر عليكى وصدقينى مهما كان كده افضل من لما تبقى انتى وولادك فى مكان وزوجك فى مكان تانى

ربنا ييسر لنا امورنا ويرزقنا الرضا والصبر ويلهمنا الصواب ......... آمين
**Blue Rose**
**Blue Rose** •
السلام عليكم و رحمة الله و بركاته
ازيكوا يا بنات وحشتوني جدا

غبت عنكوا لظروف صحية بس الحمدلله عدت و بقيت كويسة