مساء الفل يا قمراااات حياتي
اه منا لازم امشي مع جو الحب و الدلع اللي ضارب في الموضوع
بجد ربنا يديم علينا نعمه الحب
لان حقيقي في ناس كتيييير ميقدروش يحسوا نعمه الحب
و جواهم حقد و سواد
اللهم احفظنا منهم


دموع
حبيبتي يا قمرايه انا و يوسف كويسين الحمد لله بس تصدقي مكسله اوديه للدكتور عشان ميحددش العمليه
اصلي نفسي اخد هدنه شويه
بس قوليلي بقى ايه الكلام الجامد اللي سامعاه عيكي في المنطقه ده ههههههههههه؟؟؟
لا بجد ماشاء الله عليكي كلك رجاحه و حب بدون اي اسباب ربنا يخليكي لينا يا منمنتنا


عرووووووووووس
انت كدا رئيس مجلس الاداره بجميع الاراء هههههههههه نجحتي في الاستفتاء يا فندم
ايه رايك تبقي رئيسه جمهوريتنا
اه والله حاسه اننا عاملين بلد لواحدنا و ماسسينها على كيفنا
لا بجد دي بوسه كبيييييييييييييييييييره مني ليكي يا بلسم حياتنا


ام البنات
بصي بجد انت بقى مجموعه حاجات تجنن في بعض والله ماشاء الله عليكي فعلا بحسك بتكملي الناقص في كل واحده
ربنا يشفيلك باباكي و يهديلك بناتك و يعلي مراتبك (خدي بالك هشحت بيكي قريب )هههههههههههه


ميرووووووووووووووووووووز السرييييييييييييع
حبيب قلبي يا نااااس
بحسك زي بنتي كدا .....لا لا متتغريش مش بالسن يا هانم طبعا
انما في الاحساس
و بجد فرحت عشانك جداااااااااااااا و يارب في تقدم داااائم و نجاااح مبهر في كل المجالات
شفتي قلبتها اعلانات الاهرام ههههههههههه


مي
ميرسي على التفصيل يا ميوشي يا حلوه و هعمل عليه سيرش
مع اني ضد الايروبيكس لاني مش باجي عليها ابداااااااااااا بس عايزه شويه تمارين خفيفه كدا
بس ان شاء الله اواظب على المشي مع شفط البطن يمكن يبقى في امل
طمنيني على طنط عامله ايه دلوقتي؟؟؟؟


توته
سلااااااام خاااااااااااص خااااااااااااااااص للحلوين
سمعنا سلام مربع يا جدعععععععععععععععع
شفتي قلبت على فرح بلدي عشانك يا فندم
اهو شفتي بقى سلاااااااااااام جامد جدااااااااااااا


لمياء
ازيك ي ليمو صباح الجمال يا فندم


بوتاااااااااا
زميلتييييييييييييييييييييييييي في الخناقه هههههههههههه
ايه اخبارك يا بطوط ياللي اسمك على مسمى


روني
وحشتينيييييييييييييييييييييييييييي انت فييييييييييييييييييييييين
و ايه الحكايات المرعبه ديييييييييييييي ؟؟؟؟
بجد جبتيلي انهييييييييار
ربنا يستر
يلا تعالي على المسنجر بقى


بلو رووز
ازيك يا جميل و الف مليون سلامه
ايه اخبارك
بجد مش تغيبي تاني


كهرمانه
بصي هو البن بيدي لون حسب لون الشعر الاصلي بسفعلا نتيجته تحفه و كمان لما تستمري عليه هيفرق في اللون اوي ان شاء الله

السلام عليكم ورحمة الله وبركاته
اللهم انى اعوذ بك من علم لا ينفع ومن قلب لا يخشع ومن دعوة لا يستجاب لها يارب العالمين
زوجه مصريه بكتونى ربنا يسعد ايامكم على كلامكم الجميل الخارج من القلب
اللهم ظلنا تحت ظله يوم لا ظل الا ظله
كنت داخله على مود اكتئاب بسبب لخبطة الهرمونات لكن كلامكم نقلنى نفسيا
لعالم آخر جزاكم الله خيرا وربنا ييسر لكم جميع اموركم وينور بصيرتكم للخير
وكل يرزقنا جميعا الفردوس الاعلى وجميع المؤمنين والمؤمنات
عطر علا مات الحسد مرعبه تقريبا كلنا بنشعر بيها
وجزاك الله خيرا على الرقيه واسم الدهان قالت عليه نيرفانا
جربيه واهم شىء المايه تنشفى بعد كل وضوء كويس
بوتا جزاك الله خيرا على مكفرات الذنوب وكل ما تكتبى
رشا كنتى سألتى بنقرا على الماء المعوذتين وآية الكرسى
ونشربهم وومكن ترشى منها فى اركان البيت بتطرد الشيطان
ربنا يجنبنا جميعا شر نفوس الحاقدين
ام سوسو الف سلامه عليكى انا دايما ضغطى منخفض شوفى الدكتور وصفى لى
عصير التفاح وحاجه مهمه جدا اللبن الخاثر او لبن عادى او زبادى تضيفى له ملح
بيرفع الضغط فورا والدكتور قالى استمرى عليه ده علاجك
نيرفانا يارب يكون ابنك احسن دلوقت
نانسى جزاك الله خيرا على كل ما تكتبى
الرمال ما اجمل هذا الحب قصص جميله
لميا القصه جميله اللهم اعز الاسلام والمسلمين
توتا سلامة ايمان وانتى لكى فى قلوبنا كلنا مكان كبير
انتى عندى رمز الام والزوجه الجدعه المكافحه ربنا يجمعكمع زوجك ويلم شملكم ويرزقك ولاده سهله ان شاء الله
كنزى ربنا يتم شفاء الاودلا على خير
رونى رعبتينى لقصص الخطف حسبى الله ونعم الوكيل
ياترى ده بسبب الفقر ولا طمع الانسان والبعد عن ربنا
واللهث وراء المحرمات فوصل الامر للتجاره بالبشر
ربنا يحمى ابناءنا جميعا
منى كلامك جميل وبيدخل القلب اتمنى اشوفكم كلكم فى الاجازه او حتى اسمع صوتكم
وربنا يصلح ما بين زوجك ووالدتك ويهديهم لبعض
ام البنات الشخصيه الارجائيه جميله جدا والنومذج ده منتشر جدا
عجبتنى جدا وكل ما تكتبيه فى ميزان حسناتك ان شاء الله
أسأل الله العظيم رب العرش العظيم ان يشفى اروى بنت اسماء وجميع مرضانا ومرضى المسلمين
وبسلم على كل البنات ال نسيتهم كتابه لكن والله كلكم فى قلبى
سبحانك اللهم وبحمدك اشهد ان لااله الا انت استغفرك واتوب اليك

كنزي
ازيك ي جميل عامله ايه وحشتينا
الحمد لله انك و الولاد بقيتوا بخير
خدي بالك منهم بقى و ان شاء الله يبقوا زي لفل


روانيو
يلا بجد نشجع بعض على الرياضه لانها بتفرق جدااااا في النفسيه و طبعا في شكل الجسم
و عايزين يوميات الرياضه زي باقي اليوميات عشان كلنا نتشجع

عطر انا ول اللي موافقين بالاجماع علي منصب عروس لان سبحان الله هي واضح ان ليها مع كل حد موقف وبهدوء وبتخلي كل انسان يفتكر انها مهتمه بيه بشكل شخصي وكانها معندهاش اي حد تاني تعرفه غيره ومعندهاش اي مشاكل في الدنيا غير مشكلة الشخص ده ماشاء الله عليها ربنا يجازيها عننا كلنا خير اما بالنسبه للعمليه متكسليش اتكلي علي الله عشان تخلصي طالما ان خلاص مفيش مفر غير العمليه

عروس شكرا عالرد وان شاء الله نحاول نعمل كده واحده صحبتي قالتلي انها بتجيب قارورة الميه الكبيره عارفاها طبعا لاننا بنشتري ميه الشرب في قوارير كبيره وبتقرا عليها كلها علشان تشرب منها هي والاولاد فممكن كلنا نعمل كده وخصوصا المغتربات اول ما نفتح القاروره ديه وقبل ما نركبها عالتلاجه نقرا عليها

http://forum.hawaaworld.com/showthread.php?t=1474188
نازلي التمارين من هنا وان شاء الله تعجبك
اوكي يا عطر موافقه يا ريت فعلا نشجع بعض لاني اصلا مع اني وزني مش زايد اوي لكن المشكله عندي في العضلات ضعيفه جدا وعملتلي مشاكل في ضهري وانا حامل وا صحيح مش وقعت امبارح زي العبيطه علي رجلي وطبعا جوزي لما رجع ولقي رجلي وارمه قعد يتريق ويضحك عليه اصله دايما عنده احساس اني هبله ومسطوله زي الاطفال بالظبط وانا بيني وبينك مرديتش اقولله اني اتزحلقت وانا بجري ورا نانو ولا يهمني خليها في سرك