انا ماني مسامحه زوجي ليوم الدين على الحرقه اللي سواها فيني وقلتله بوجه قال مو لازم مابتدخليني الجنه او النار لكن حسبي الله عليه وعليها

السلام عليكم ورحمة الله وبركاته.....
كيفكم يابنات ..جبت لكم اليوم موضوع حيفيدكم كثير زي ما فادني..
بأختصار انا كنت اعاني مع زوجي كثير من ناحية الماده يعني ماكان كريم معاي وكل ما اطلب منه فلوس يقولي وشوله
وليه واخرتها يعطيني اقل من اللي ابيه ودايم شنطتي مفلسه وأستحي اذا رحت لاحد وبغى عيالي يشترون شي او
احتجنا شي مع انه ماشالله الله فاتح عليه ومرتاح ماديا ..المهم اللحين انقلب حالي الحمدلله وصارت شنطتي ماتفضى
من الفلوس وكل ما اطلب منه على طول وأبشري وماصار يقصر علي ابد ..حتى يابنات صار يحط لنا مصروف يومي
على الطاوله قبل ما يطلع من البيت بدون مانقوله شي مع انه كان ضد فكرة المصروف ويقول اي شي تبونه انا اجيبه
لكم وشوله الفلوس.....................
تبون تعرفون كيف تغير ....................
الحل سهل جدا :صرت اردد كل يوم واذا بغيت شي هذا الدعاء(اللهم ذلل لي صعوبته ويسر لي مخزونه وأجعل بيني
وبينه مودة ورحمه).............وبس
والله يا بنات اني مجربته بنفسي بعد معاناة طويله استمرت سنين بعد مادلتني عليه اختي يوم شافت معاناتي الله
يجزاها خير وبعد يغير زوجك اذا كان عصبي ويصير زي العسل معاكي ...........
جربوه وشوفوا باستمرار واصرار موب مره مرتين وبعدين تيأسين...........
و اتمنى ان الجميع يستفيدوا من هذا الموضوع والله يسخر لنا ازواجنا جميعا ويسخرنا لهم امين.

منقووووووووووووول :35:

عزيزتي الصافنات ما شاء الله تبارك الله عليك كيف استطعت المسامحة هل هو الإيمان بالقضاء والقدر ام بلغت درجة الرضا ودرجه اعظم من الصبر

فعلا ما شاء الله اريد أن أعرف لعلنا نستفيد . أنا مثلا تكون سعادتي كاملة في اليوم الذي يكون ليس عندي وانساه لكن عندما يحضر ( تطلع لي قرون )ولو لم ابين له ويفرحني عندما أراه غارقا في مشاكل الحياة مع اطفاله الجدد ومشاكل زوجته ليس نكاية بالمرأة بل ردا على قوله لي ذات مرة ( ثقي انه ما أحد يتزوج على زوجته وهو سعيد)وذلك عندما كان خاليا من المسؤوليات وكنت اسميه الحاكم بأمره حياته عمل و(وربع وطلعات بر وبحر) ليس لنا منها الا القليل وكنت لا أناقشه لأنه كان يتضايق من المناقشه وتكيفت حياتي على مايريد وكنت احسب ان ذللك من حسن التبعل ، اما الآن يلهث بين البيتين ولهم نصيب الأسد لأنهأطفاله صغار ودائما صحتهم عليلة فسبحان مغير الأحوال نصف وقته دوام مستشفيات بعد ما كان طلعت وربع< الزبدة < اني اريد ان أعرف السبيل للمسامحة ليس من أجله بل من أجلي اتمنى ان أصل لمرحلة العافين عن الناس فوالله إني احاول بالدعاء والصلاة وأخاف أن أكون ممن لم يرضى بالقضاء والقدر. التسآؤل للجميع ممن من الله عليها بالرأي السديد

عزيزاتي نحن بحاجه لأن نتناقش وأكيد هناك سبل تتبع حتى نصل ونداوي الجروح ونطهر القلوب من أمراضها فمن من الله عليها لا تبخل علينا ولها الشكر الجزيل

ايه والله ياشخصه جبتيها انا لما يخرج من عندي ارتاح واشوف نفسي مع انه من قبل يغيب كثير بسبب عمله الحين صار يغيب باليومين ويوم يجي افرح يوم الاقيه منكد لانه دايم يقول انتي منكده علي واشوفه يجري بين بيتين وهو مو حق مسؤليه لكن يستاهل جابها لنفسه هو توه عريس فرحان بعروسته لسه الايام الجايه كفيله بتعذيبه وربي ينصرني عليه

عزيزيرتي جروح تروح وان شاء الله تروح الجروح توك في البداية ياما حتشوفي من خبال الرجال الله يكون في عونك تقولين عريس توه عند نفسه المنتصر بالله بس هونيها وتهون اهتمي بنفك وعيالك وشوي شوي تستعيدين التوازن النفسي وهو ايضا يرجع له توازنه العقلي بعد الفرحة بالعرس وكنك يابو زيد ما غزيت لا الأولى مرتاحة ولا الثانية مرتاحة وكل وحدة بتحوش النار لقريصها هههههه ههههها والرجال بينهم اما تندم وتاب وبعضهم يروح يدور الثالثة عسى يرتاح واحيانا تكون واحدة منهن الضحية

والله يعين المهم نحافظ أطفالنا ونفسياتهم ما نخلي غزوات ابائهم تحطمهم
وهي جروح وان شاء الله وتروح