السلام عليكم ورحمة الله وبركاته
مشاء اله عليك يا حرم الشيخ الأولية وعلى تشخيصك ما ذبحني الا نكران الجميل ،
أعتقد لو كل رجل حرص على مشاعر زوجته عندما يريد ان يعدد ويشكر جمائلها ويطيب خاطرها ويبين ان زواجه ليس بسببها خاصة ان كان قائمة بما عليها بما يرضي الله وانه فقط حاجة في نفسه،لكان المصاب أخف والله لو انه طيب خاطري لكنت استحي من الله ان أدعوعليه مع اني الآن أكثر من قول حسبي الله ونعم الوكيل وابتعد عن الدعاء عليه
اما أن أدعو له والله إنها صعبة لم أصل لهذه المرحلة بعد ، زوجي لا يتكلم عن بيته الثاني ابدا لكن ايامنا نصفها لها ولأطفالها غالبا مستشفيات (تجعل المستشفيات في أيامنا لكي تربح الطلعات في أيامها ولو كانت مرة او إثنتان لعذرنا، لكن شبه دوري والحمد لله يذهب بها في يومنا ويرجع للبيت متأخر متعبا لم يأكل شئ مع انه يأتي إليها من العمل مباشرة الواجب انها على الأقل 0(تقهويه أو تسوي له ساندوتش خفيف ) وإذا عاد للبيت أخذ ادوية السكر وأكل الله لا يبلانا بالعامي ( وش خانة هالمرة) ؟
تاخذ أيامنا ولا تقوم بواجبه ( والله زوجي العزيز وجد السعادة) انا ماعد يهمني ظلمه و عدم عدله احيانا بل أفرح لأن الله يسمع ويرى والله لايضيع عنده حق
ما يؤلمني كأني أعيش لأنتقم فقط أحس أنني ماعدت أناوليست هذه طبيعتي .
أعتقد ذلك بسب ف رط الحب لزوجي سابقا ، اما الان فلا والله اني لا أفتقده أبداإن غاب وأعيش بهدوء بدونه ( يامقلب القلوب والأبصار ثبت قلبي عى دينك)
مسا الخيرات على الجميع ..
شخصه .. حبيت ارد على كلامك اول شي ..
غاليتي لاتضغطي على نفسك وتحملي نفسك فوق طاقتها بسبب مشاعر تحسي فيها .. اعتقد ان ماتعانيه ماهو الا ردة فعل بسبب الحرمان اللي عيشتي نفسك فيه قبل زواجه حتى توصلي لحسن التبعل .. وكانت نيتك صافيه وفي قرارة نفسك انك ما تضغطي عليه ولا تضايقيه ..
لكن للاسف كانت ردة فعله .. كلمة حطمت كل الصبر اللي صبرتيه عشانه .. وهي ماحد يتزوج وهو مرناح ..
احساس الظلم بعد العناء اللي ماكان يدري عنه هو اللي دمرك ..
حبيبتي الرجل في طبيعته حب التعدد والله لو كان مرتاح اخر راحه راح يحب فكرة انه يكون عنده مثنى وثلاث ورباع .. والا ماكان الترغيب في الجنه للرجل بوصف الحور العين ..
يمكن احساس المظلوم اللي منتظر نصر الله هو اللي يخليك تفرحي اذا زوجك اشتكى او شفتيه غارق في مشاكله وهذا احساس بشري طبيعي من ناحيتك ولكن الاحساس الغير طبيعي واللي اجره عظيم انك تسامحيه وتنظري له نظرة محب مشفق لانسان عزيز اخطأ في حقك بكلامه ..
حتى تصلي لهذه المرحله الصعبه عليك بالدعاء له ولو على مضض ادعي ان الله ييسر امره ويفرج كربه ويعينه على العدل .. ادعيله كل ما فكرتي تدعي عليه وتذكري بأن الملائكة ترد ولك مثله ..
نصيحه للجميع .. حاولي قدر الامكان تكوني بعيده عن مشاكل بيته الثاني ولا تسمحيله يدخلك ويشتكيلك من شي .. وان بدأ قولي الله يعينك وغيري الموضوع .. صدقيني اريح لك ما تدري هو مبسوط ولا متضايق ..