ام نور واسراء للأسف انا مشكلتي الصوت العالي ومش قادره اتخلص منها واكيد بنتي اخدتها مني ,لاني انا اخدتها من ماما شوفتي الدائره المغلقه ,ومعك حق الازودواجيه واختلاف الثقافه هو الي بيربكهم مع انه لسه اولادنا ما وعيوا اله كتير ,بس بده يلاحظوا الفرق يعني ابني بيقولي لبش ماالبس مايوه وانه عادي لانه مدرسته بتلبسه ,وفهمتوه صار يقولي عن ناس عرب بيروحوا مسبح بس للنساء ليش ما اعمل زيهم وانه كلهم نساء قلتلوه انه حرام صار يقولي كل اشي للمسلم مش مسموح ,طيب كيف يفهم من غير ما يتعقد ,وبيحب كتير بابا نويل وبيقولي انا بدي اصير زي صاحبي عشان بابا نويل حلو وكتير اسئله وانا بفهمهم علي طريقتي وان شاء الله يحميهم
وبنتي مصممه تشتري بلوزه لهانا مونتانا وانا رافضه بتصير تقولي دايما بتقولولي ممنوع ممنوع ,وبافهمهم بس انا متاكده انها مش مقتنعه وبتقولي ليش ما بتحبي هانا مونتانا وكل صحباتي بيحبوها وكتير امتله
طيب بالله شوفولي حل مع بنتي من الساعه3 وهي مصممه بدها كيندر بينجوي ,واحنا عنا كندر بوينو ورافضه وكل شويه تنسى وترجع تزن وتصرخ مع انه اعطيتها كل شي وابدا عنيده انا بكتب وهي بتضرب في الحل اروح انيمها

behined the moon طيب ليه ما تروحي على مسبح الستات و انتي كمان ما تسدي كل الابواب على الولد عشان ما يحكيلك المسلم مش مسموح اله بشي .. روحي و البسي شورت للركبه !! وبالنسبه لبنتك جيبيلها hanna montana عادي الموضوع... مش احسن من هيفا و نانسي... بس انتي اختاري على كيفك !! بتعرفي انه كمان الصغار اللي بالاردن بحبوها و اختي منهم !! أنا مثلا ما بروح على المسبح ومفهمه ابني لاني ما بحب المي ومن بعدها ما سألني ....

moony والله باصبر عليها وان شاء الله ,بتهدى ,طيب اسمعي شو عملت فيه مره لما كنت ادرس اللغه اول شي زوجي كان رايح يوصل مريم للمدرسه وانا لبست ديما وهشام ,وما بعرف وقتها على شو عندت انا تركتها وروحت اغير ملابسي وسمعاها بتقولي وبتصرخ طيب يا ماما شوفي شوفي وبتعاند فيه وانا مش فاهمه شو بتعمل بس سامعه كلمت شوفي شوفي زي الي بتتوعدني اجيت الصالون وكنا مستعجلين لازم نطلع لقيتها كل ملابسها قلعاها وكل شي بس الاندروير لابسه وكنا بالشتا يعني بتعرفوا الشتا كيلون وبنطلون وبنطلون للتلج والجاكيت والطاقيه وكله لازم اعيده وانا مامعي وقت ,انا يومها ما بعرف كيف الله هداني وماضربتها وقلتلها مش حالبسك وهي صراخ وصراخ وبعدين اجا زوجي لبسها ,بس عشان تشوفوا كيف مخها وكيف اتعامل معها

أنا لو مكانك بخليها بالبرد و ما بلبسها لتلبس لحالها .. بعمل حالي اني طلعت و صدقي ما رح تعيدها خلي أعصابك بارده لانهم لما يشفونا معصبين بكونوا انتصروا علينا

moony بصراحه لنا ما بحب اروح المسبح ويكون شكلي غريب بالشورت ,وهو عايزني البس مايوه بالعربي مش شورت ,وهو هلا ما بيسال بس انا بقولك شو ممكن يسالوا وكل يوم الهم سؤال وبعدين بالنسبه لهانامونتانا انا سامعه قبل اسبوع برنامج باقرا عن هاي البلايز وانه حرام نلبسها ,وانا عايزه افهمها من هي صغيره انه كل شي عليه اشخاص مش مسموح نلبسه لحتي تتعود ,اي انا هانامونتانا ما بطيقها ,مهو انا بشوف لو تسامحنا بالاشياء الصغيره بكره بتسنسهل الموضوع ووما تفكريني معقدها كتير ,انا بتساهل معهم ,بس اصلا هاي هانا مونتانا شخصيه كتير سيئه ودايما بيجيبوا عنها تقارير انها اسوا نمودج للمراهقين ,وبعدين مين هي لتلبس بنتي بلوزه عليها صورتها ,وانا بحاول اكرهها فيها ,لحتي تكره سلوكها في المسلسل الي بتحضره وما تصير تقلدها وتشوف انه تصرفاتها عادي لاني بنتي صغيره وما بتنميز وكل شي وهي صغيره بيعلق معها وما بتنساه