ماشي انا كنت بدي اتركها بس انا وابوها كنا حنتاخر عن الدوام ,والكندر جارتن بيقفلوا الباب

ماشاءالله عليكم رحت شوية لقيتكم مخلصين 3 صفحات خايفة حد يحسدكم
ام نور واسراء الحليب البودرة اذا عندك الكاوفلاند موجود فيه وفي المحلات العربية في نيدو وطريقة الكعك حاضر راح اعطيكي طريقة انا معتمداها ودايما بعمله عالعيد
behined the moon طريقة المحمرة اخذتها من صاحبتي سورية بتجيبي بصلة مفرومة وبتحطي عليها صلصة بندورة ودبس فليفلة وشوية ملح وشوية كمون وزيت زيتون بتخلطيهم مع بعض وطبعا بتنفرد عالعجين لذيذة خصوصا اذا كانت حراقة
قوليلي بنتك كم عمرها؟
على فكرة لازم الواحد يراقب الاولاد على ايش بتفرجوا لانه والله افلام الكرتون فيها شغلات كثير بتخرب عقول الاولاد انا اولادي مش من هواة مشاهدة التلفزيون بيحبوا بس يلعبوا مع بعض بس اهم شئ تراقبوا الاولاد شو بيشوفوا ولازم نلاقيلهم اجابات مقنعة لانه لو ما اقتنعش ممكن يبين قدامك انه مقتنع ويروح يسال حد ثاني علشان هيك لازم تعطيه اجابات تخلي يقتنع ويثق في امه او ابوه
موني تسلمي والله عالموقع وانك حكيتي عن البرنامج علشان نتابعه انا الصراحة ولا مرة شفته وبالنسبة للكتب اذا بتعرفي الدكتور طارق سويدان قال احسن كتاب لتربية الاطفال اسمه الاطفال المزعجون كثير نفسي يكون عندي هالكتاب كنت بدي اطلبه عالنت بس جوزي لغى الفيزا كارت :44:

من شان hanna montana انا ما عرفتها الا من اهل الاردن و تفاجأت انه هون ببيعوا شغلات زي الاردن بس يا حبيبتي ما كان قصدي انه تتساهلي .. بس فيكي تحكيلها مثلا مش انتي بتحبيني و بتحبي تقلديني وتصيري كبيره زيي شو رأيك انا وياكي نلبس نفس الالوان كل يوم زي بعض !!! هاي فكره حلوه بعدين في ناس زبطت معهم 100% وصارت الشغله متعه !!!!

ام نور واسراء خذي طريقة الكعك
كيلو سميد وكيلو طحين وبتبسيهم ب 750 جرام سمنة مع زيت ذرة ولازم تسخنيهم بعدين تحطيهم على الطحين والسميد وبتفركيهم مع بعض وبتسيبهم انا بعمله في الليل وثاني يوم بشتغل فيه علشان يتشرب السمنة منيح وبعدين بتجيبي نص اوقية ينسون مطحون وكوب شاي سمسم ونص ملعقة صغيرة خميرة وملعقتين صغار بيكنج باودر وفانيلا وكوب شاي سكر وبتعجنيهم

هلا بنات
كيفكم
سبحان الله بلو نفس الطريقه اللي عندي
وبيطلع كثير طيب
يسلمو
في بالكاوفلاند حليب بودره
مو شايفته
ممكن تحطيلي صورتو لو سمحتي

والله يا بيهايند انا كمان بتبع طريقة موني
لو ينتحروا من البكاء ما بخليهم يمشو كلامهم على حساب كلامي
وبالنهايه بتشوفيهم ملو وبطلوا هالعاده
هلا انا شوي صرت اعاني من غيرتهم من بعض
كبروا وصاروا يفسدوا عن بعض
احيانا بكون متابعتهم وهم مو حاسين
بتلاقيهم اتخانقوا على شغله
بيضلو علقانين لحد ما يضاربوا
بتدخل وبكون عارفه مين الغلطانه وبصير اناقشها
واطلب منها انها تتاسف من اختها
بتلاقيهم قال حضنوا بعض وصاروا يتضحكوا
يعني بجلطوكي وانت تتفرجي
الله يهديهم