مشكوره على دعواتج حبيبتي "ف بنت مريم" ...
و بصراحه عاجبني تفكيرج ... هذا اللي كنت اقصده ان الغرف تكون معزوله بجناح خاص فيه زي البوفيه و صاله حليوه يعني مو كبيره مره بس تصلح حق قعدة آخر الليل :) وكل غرفه بحمامها الا الغرفه الرئيسيه تكون اكبر حجم و حمامها خاااااص جداً :) حلو انها تكون مثل ما قلتي مرتفعه على البيت يعني يكون عندج درجتين و مدخل حلو يدخلج على هذا الجناح.. أول ما تدخلين يكون فيه ممر "اعجبتني فكرة ممر مايل وحلزوني" يوصلج لداخل الجناح...
هذا ما شاء الله عليج عندج افكار حلوه ...
بروح ادور لج رسوم مشابهه للفكره و اجبيبهم إن شاء الله... بس يا ليت اختي "ملاك الحسن" تشوف هالموضوع ترا من جد هي اللي ساعدتني في فكرة تصميم بيتنا...
الله يوفقكم ...
للأسف حبيبتي ما لقيت شي مطابق بالمره للي قلتي عنه او اللي انا قصدته بس فيه مثل هذي المخططات مع شوية تغييرات من مهندس شاطر يقدر يضبطه لكم بصوره حلوه...
1-
2-
3-
بالاضافه لقيت تصاميم لفلل صغيره من دورين مساحتها 200-300 متر مربع.. اذا تبينها اعطيج العنوان :)
1-
2-
3-
بالاضافه لقيت تصاميم لفلل صغيره من دورين مساحتها 200-300 متر مربع.. اذا تبينها اعطيج العنوان :)
حبوبه هنا فيه بعض التصاميم ممكن تفيدج ...
و الله فيه تصاميم فلل مساحتها صغيره بحيث تقدرين تستفيدين من الحوش الخارجي و تسوينه حديقه يطل عليها المجلس و الصاله...
شوفي يا عيوني الرجاجيل مع الترغيب و كثرة الحنّه و الزنّه ... خذي عندج مثال زوجي في البدايه كان مقتنع بدور واحد لاغير واحنا بدينا كذا بس لما بديت اعطيه نماذج لفلل صغيره غيّرت رايه و فكر بدورين بس قال يمكن الفلوس ما تكفي .. واقنعته نسويه دور واحد و بعدين لما تتوفر الفلوس نفتح الغرف السفليه على بعض ونخليها صالات مفتوحه على بعض خاصه ان المجلس راح يكون عباره عن ملحق في الحديقه... و نسوي دور ثاني بس الحمد لله لما حسبها لقى الفلوس بتكفي لدور و نص فقلنا خلاص كل اللي نبيه الحين غرفتين نوم فوق لي مع زوجي و غرفه ثانيه في حال الله كتب لي وحملت وجبت بيبي و على بال ما يكبر او يجي بيبي ثاني نكون دبرنا فلوس عشان نكمل بناي الغرف الثانيه ... وهذا الحين اللي صاير... مع ان احنا تونا نبني في الدور الارضي حتى ما صبينا السقف بس يارب يكتمل قريب من جد متحمسه...
شوفي يا قلبي انتي عطيه مثل هالفكره و باذن الله راح يقتنع ... قولي له بدال ما يصير مسطح البنيان ماخذ كل الأرض خل المسطح اصغر و صدقيني ترى تكلفته ماراح تكون كبيره مررره...
http://www.almohandes.com
http://www.dorra.com/zavillas.htm
و الله فيه تصاميم فلل مساحتها صغيره بحيث تقدرين تستفيدين من الحوش الخارجي و تسوينه حديقه يطل عليها المجلس و الصاله...
شوفي يا عيوني الرجاجيل مع الترغيب و كثرة الحنّه و الزنّه ... خذي عندج مثال زوجي في البدايه كان مقتنع بدور واحد لاغير واحنا بدينا كذا بس لما بديت اعطيه نماذج لفلل صغيره غيّرت رايه و فكر بدورين بس قال يمكن الفلوس ما تكفي .. واقنعته نسويه دور واحد و بعدين لما تتوفر الفلوس نفتح الغرف السفليه على بعض ونخليها صالات مفتوحه على بعض خاصه ان المجلس راح يكون عباره عن ملحق في الحديقه... و نسوي دور ثاني بس الحمد لله لما حسبها لقى الفلوس بتكفي لدور و نص فقلنا خلاص كل اللي نبيه الحين غرفتين نوم فوق لي مع زوجي و غرفه ثانيه في حال الله كتب لي وحملت وجبت بيبي و على بال ما يكبر او يجي بيبي ثاني نكون دبرنا فلوس عشان نكمل بناي الغرف الثانيه ... وهذا الحين اللي صاير... مع ان احنا تونا نبني في الدور الارضي حتى ما صبينا السقف بس يارب يكتمل قريب من جد متحمسه...
شوفي يا قلبي انتي عطيه مثل هالفكره و باذن الله راح يقتنع ... قولي له بدال ما يصير مسطح البنيان ماخذ كل الأرض خل المسطح اصغر و صدقيني ترى تكلفته ماراح تكون كبيره مررره...
http://www.almohandes.com
http://www.dorra.com/zavillas.htm
الصفحة الأخيرة
حبيباتي مدري شو أقول لكم، بصراحه أخجلتوني بأسلوبكم و تعاونكم معاي،، أقسم بالله دعيت لكم من كل قلبي، الله يوفقكم يا رب ويسر أموركم و يرزقكم الجنة. أم ميعاد تعبتج وياي كثير انتي و باقي الاخوات مشكورين حبيباتي الله لا يحرمني منكم..عسى ربي ينولكم اللي في بالكم و تشوفون السعادة و يسخر لكم كل اللي خاطركم فيه آمين يا قدير.
عندي طلب صغير.. بصراحه أنا مول ما أفهم للشرح أحب أشوف الشي بمخطط يا ليت خواتي اللي عندها مخططات ولا تصاميم حلوه تراويني اياها..أم ريوف أتمنى من كل قلبي أشوف بيتج شوقتيني أشوفه و أشوف تصميمه يا ليت يا قلبي تدزيلي صور منه و أنا متاكده ان ذوقج حلو و بيعيبني..
حبيباتي أشكر تجاوبكم وياي ويا ليت اللي عندها نصايح أو صور ما تبخل علي بها و أنا ما بنساها بخالص الدعاء.
هذه بعض المعلومات اللي يمكن تساعدكم بالتصميم اللي أنا أبيه:
أولا مساحة الأرض هي: 40 × 33 متر
1. أبي مجلس واحد للنساء :29: .(محتاره أبني مجلس للنساء ولا أكتفي بالصالات).
2. أبي مجلس للرجال+ مغاسل + حمام.
3. أبي غرفه تكون غير شكل حقي أنا و زوجي + حمام.
4. أبي غرفة للبنتين+ حمام.
5.أبي غرفتين احتياط للمستقبل. (مدري تفكيري صح و لا غلط).
6. أبي غرفة للخدامه + حمام.
7. أبي مطبخ + غرفة غسيل + مخزن.
8. أبي صالتين حلوين مفتوحين على بعض وحده نازله ووحده طالعه بس أبي لهم حركة حلوه.
بس يا بنات هذا كل اللي أبيه من الدنيا اذا كان عندكم اي اقتراحات او تعديلات خبروني لاني لا انا و لا زوجي نفهم بالبنيان و أخاف الناس تضحك علينا.
بنات أبي شي مميز يفصل الغرف عن الصالات و الاستقبال غير الممر أبي شي مميز ...أنا لاحظت بمسلسل لبناني على ما أعتقد ان في واحد من البيوت اللي انعرض فيه المسلسل في درج صغيرون تطلعين عليه و بعدين تلاقين نفس الممر بس يكون مايل أو حلزوني ما أذكر و عقب تدخلين صاله خاصه يعني بأهل البيت و بعدين تكون الغرف موزعه داخل. الفكره وايد عيبتني بس ما أعرف فهمتولي ولا لا . ودي أشرحها للمهندس بس مدري كيف و أخاف بعد ما ينفع ...والله العظيم يا بنات اني بموت من الحيرة و اخاف أغلط غلطة العمر و أتم ندمانه طول عمري.
أرجوكم ساعدوني.