السلام عليكم
حبيبتي احمدي ربك
غيرك ساكن بغرفة وصاله بس
السعه بالصدر مو بالمكان
زوجك معك الحمدلله وصحتك زينة
هذا اهم شيء
واغلب الناس عايشين كذا
تأقلمي لان الحياة طويله قدامك ان شاءالله تحتاج صبر وتفكير
لاتشيلين هم الحين
اهم نظافة بيتك مهما كان حجمه
بكره يعوضك الله بالجنه انتي وزوجك ياربي
والله العظيم اعرف ناس ساكنين بالسطح غرفة وحمام وسيب فقط
وعندهم عيال
ونفوسهم واسعه وماعندهم هم
وكلي ربك
كلنا زيك
الجمعية الجمعية خليها على جنب بالبنك
وجمعي فوقها حبه حبه
واشتري لك ارض صغيره برماح زي ماسويت انا
اخذت جمعية عشرون الف
واشتريت ارض برماح قبل ست شهور
والان الارض جابت 25 الف ولله الحمد
فكري زين ولاتستعجلين حبيبتي
الله يفرج همك
ويرزقك الصحة والعافية انتي وزوجك
ويرزقك الذرية الصالحة
ويعينك على مصائب الدهر
والله يااختي لو تشوفين اللي شفته بالمستشفى ان تحمدين ربك على غرفة وحده بس
الناس تتمنى الصحة والعافيه لو تدفع مالها كله
يارب ارزقنا العافيه ولايبلاكم

الله يوسع علينا وعليكم يااارب ..

ما بغيت ارد سامحوني يكتبون لي غير مسوح بالرد لأنك كتبت 3 مشاركات
المهم

يا زينكم يا بنات حواء تريحون البال الله يسعد ويحمي ويرزق وينور درب كل وحده كتبت وحست بمعاناتي

بعدين البنات اللي يقولون اني توي عروس انا لي سنه ويمكن 3 شهور وعندي بنوته 3 شهور من وين لسى بدري توك عروسه ؟؟ :(

والي يقولون ابني في السطح ماااااااااااقدر خايفه اهل زوجي يرفضون لأن السطح كبر بيتهم اخاف يقولون بيتها صار اكبر من بيتنا وهم عائله كبيره
يعني انا قلت اهد المطبخ والحمام بس وش رايكم ما يكلف يمكن احسن من اني ابني بيكلفني كثير عشان السقف

ولا تشوفون انقل شقه تمليك احسن بالرغم ان الشقه ما ندفع شي فيها مثل الملك لكن مو لزوج شخصيا .. لأهله

ريحوني الله يريح بالكم لا تقولون اصبري والله صبرت البارح حولت في الأثاث برضو نفسيتي تعبانه ااااااااااه يا بنات نفسي ارتاح في بيتي من ثاني شهر بعد الزواج وانا مو مرتاحه وكل يوم مشاكل عشان النفسيه اللي فيها صايره اعصب بس لازم ارتاح في بيتي :(:(

وش تبغين بالاجار
اتمنى اني اكون ساكنه ببيت ملك
صح ان الضيق مااحبه
بس ارحم من الاجار


وانت عندك السطح ابني فيه غرف ووسعي على عمرك

الله يرزقني بالبيت الملك