..::.. بيضـــاء ..أم .. سمـــراء .. هل لون البشرة مهم للفتاة؟ .. ::..

بالعكس اشوف عندنا الجمال مو مهم ابدا كثير قريباتي جميلات وكأنهم لبنانيات باللبس والدلع والبياض بس مالهم نصيب ومحد يفكر فيهم لأنهم معظمهم يكلمون شباب ومالهم شغل الا اللعب والمرح
مو جديات
وبنات اعرفهم وقريباتي بعد مو حلوات ثنتينه منهم اتزوجو رجال قماري لا اله الا الله وربي رجالهم احلا منهم بياض ووسامه وطول وهما عاديات ويمكن اقل
انا عندي اخويه ابيض يبغى يتزوج سمرا بس تقاسيم حلوه واهم شئ الاخلاق

في الوقت الحالي الناس تلتف للجمال والبياض اكثر من الشكل.....انا عندي صديقه امي....2 من اولادها عرسوا......في البدايه الام خطبت حق واحد منهم وحده بيييييييييييييييييييضه وفيها جمال معقول مش جميييله بمعنى الكلمه ...المهم ولدها الثاني حاب وحده وسمره....xxxxx وهو ماشاء الله قمه في الجمال.....الام رفضت وسوت زوبعه وبالاخير وافقت لانهم ااجبروها وقصوا عليها وقالولها انها حامل من ولدها...وطبعا بس يقصوون عليها عشان يتزوجوا....وفي النهايه وافقت.....الحين مر على زواج الاثنين اكثر من سنه....الام تمدح السمره اكثر من البيضه بمليون مره...وقالت لي والله ان السمره من تشوفني عند الباب اتدخني وتاكلني وتقهويني وتعطيني الهدايا والثانيه ولا شي.....وانا كنت في البدايه اقولهم اذا هو يبغيها عادي شو المشكله.....هم كانوا رافضين عشان عيالهم مايكونوا سمر...وسبحان الله حملت ويابت بنت صح سمره لكن لونها افتح من امها بشوي......


وبعدين ياما حلوين طايحيين في بيت اهلهم....وياما خسووف معرسين باحسن الرياييل ...هذا النصيب مكتوب على كل وحده.......يعني انا بيييييييييييييييييضه وكنت اتمنى اكون سمره........


موضوع جميييل..واسفه عالازعاج

:: رانتس :: :26:

يعطيج العافية حبيبتي على الرد السريع .. وصدقتي في الي قلتيه .. الحين صاروا ينظرون للجمال قبل الاخلاق .. يعني الاهل يروحون الاعراس ولا اماكن تجمع البنات وينظرون للاجمل عشان ولدهم .. يعني اول شي يشوفون جمالها وعقب يسألون عنها ومن تكون ..

الله يصلح حال مجتمعنا يارب .. :) اللهم امين

::::::::::::::::::::::::::::::

:: ريمــــاس " :: :26:

احترم رايج ولكني اخالفه .. يعني قريباتج يمكن لانهم على قولتج يكلمون شباب ويمكن سمعتهم مش ولا بد .. فعشان جذي محد تقدم لهم .. ولكن مثلا لو هم عاديات يعني نفس البنات العاديات ومالهم في هالسوالف.. وجه واحد يبي يتزوج .. تتوقعين بيختار الجميلة ولا بيختار العادية !!! ..

على العموم يعطيج العافية حبوبة على الرد والمشاركة برايج .. :)

:::::::::::::::::::::::::::::::
دمتم بود

مسلمة للابد

:: أم روعة :: :26:

الصراحة القصة الي قلتيها .. دليل على ان لون البشرة المفروض الواحد ماينظر له .. ولكن ينظر للاخلاق والدين .. يعني سبحان الله .. على كثر الاحاديث الي تحث على ان الزواج بصاحبة وصاحب الخلق والدين الا مع هذا المجتمع ينظر للزواج من نواحي ثانية ..

وصحيح ان كل شي بقسمة ونصيب .. ولكن انا احس اكثر الشباب اذا يبي يتزوج من شروطة انها تكون بيضة .. وصج انه يمكن بعدين سبحان الله يقتنع بوحده سمره .. ولكن بشكل عام البياض هو المطلوب في مجتمعاتنا .. الا نادرا ..

يعني معظم اهلنا وقرايبنا الي اعرفهم .. يوم يبون يتزوجون .. من شروطهم ابي وحده بيضة .. ولكن سبحان الله بعضهم يتزوجون البيض وبعضهم يتزوجون حنطاويات .. بس للحين محد خذى من السمراوات الداكنات .. وعلى فكرة احنا بعد نقول خالة .. والنعم فيهم .. والله من اطيب و احسن ناس الي عرفتهم ..

ويعطيج العافية حبيبتي على مشاركتج ورايج بالموضوع .. :)

:::::::::::::::::::::::::::::::::::::::

دمتم بود

مسلمة للابد

اخواتي انا نفسي اكره الكلام بهذا الموضوع والله عيب هلى الناس الي بيفرقون
شنو عندنا عنصريه وحنا بنحجي على تفرقة الامريكات بين البض والسود
بس فعلا في تفرقه بتمزقني
انا بشرتي حنطيه مع المكياج بصير بيضه
انا عن نفسي ماعانيت بس بكره هذا الموضوع
عندك مثلا كثير من الشباب بتعجبهم البنت البرونزي الي فيها جاذبيه
ولما يجي الشاب يخطب وامه تشوفها بترفض تاخذها حتى لو كانت الام نفسها سمره
يعني العنصريه وضعت من قبل ام الولد
لانه ثقوا الرجال بتعجبهم الجذابه
مثلا خالتي بشرتها سمره جدا يعني غامقه تصدقون تزوجت مرتين والنصيب الثاني احسن من الاول بكثير
واعرف بنت سمره جدا تزوجت شخص ماشاء الله جعلته اخوي بياض وشقار يفوقها مرات بالجمال ومع ذلك خذاها وبيموت عليها
بياض شنو سمار شنو المهم الجاذبيه اذا تكلمنا من ناحية الجمال
اما الدين فااهم بكثير برايي في مقاييس الزواج الي لازم توخذ بعين الاعتبار:26: