الله يخليلكم ازواجكم ويسخرهم لكم يارب

و آآآآآب

الفرق بيننا اربع سنوات
تحمل عصبيتي وتهوري كان مره متفهم وحنون ويحترم المرأه ويمشي لي كثير برغم الفرق البسيط اللي بيننا ومع ذلك احس انه شئ وانا شئ ثاني مختلفين في الشخصيات

انا من قبل اتزوج وانا اتمنى واحد اكبر مني ب10 سنوات عشان يدلعني
وتزوجت وزوجي اكبر مني ب11 سنه انبسطت كثير
بس
اكتشفت ان الصغير احسن
لاني احب الصرقعه والهبال وزوجي عاااااااااااااقل مره ولما استهبل احسه يقول وش تبي هالبزره

بس فيه ميزه عجبتني بعد سالفه صارت لي >>>>معليش طفشانه ودي اسولف
مره حنا كاشتين انا وزوجي واامه وابوه
المهم انا اذاني كانت تعبانه وما اسمع زين
الا خالي قال وش اخبارك ياحصه واخبار اهلك
انا مارديت عليه ماسمعته
قال زوجي ردي على ابوي قلت وش قال وعلمني عاد رديت على خالي
قال زوجي وهو يستهبل يووه اجل عجزتي ياحصه
قلت له اذا انا عجوز اجل انت وش تصير متعرفط
ضحك قالت خالتي لا ولدي توه صغير
قلت اجل انا توي نونو
قالت لا انتي موب صغيره
تراك كبيره >>>>> عاد انا انقهرت شايفتني عقلي كبير تحسبني عجوز المشكله جسمي صغير وانا توي بالكليه
مابينك وبين ولدي شي عاد انا ضربت فيوزي 11 سنه موب شي خييييييييييييييييييير
المهم زوجي قال يمه انت تدرين كم عمر حصه
قالت لا بس موب صغيره
قال تدرين يوم اتزوج وعمرها 21 سنه
وانا 32
عاد هي طيرت عيونها بقوه وما صدقت

بعد هالموقف ارتحت وقلت الحمدلله الي بيننا كل هالفرق اجل لو شي بسيط كان الحين متزوج علي 3 على اساس اني عجزت خلا وصلت سن الياس

عشنا وشفنا

الاختلاف ضروري ولابد منه

ولكن اهم شي انه نستوعب الاختلاف....(ابوك يالمفهومية)

حصة وقصتي قصة

دمج عسل وسوالفج عسل

نورتي الموضوع بسالفتج الحلوة

بييني وبينه 9 احس اني اكبر منه وافهم منه بكثـــــــــــــــــــــــــــــــــــــــــــــير انا عمري 23 وهو 31