السلام عليكم .. حبيباتي
هذا اول مشاركة لي مع اني متابعه من زمان لهالقسم وجدا احب تعاونكم مع البعض هالشي خلاني
اتشجع واكتب موضوع لي هنا .. وأتأمل ان احد يساعدني ويآزرني :(
انا متزوجة من سنة ونص تقريبا وربي ماكتب حمل .. في اول شهور زواجي كنت مابي الحمل لاني طالبة وزوجي كذلك وهو ساكن في مدينة غير عن اللي انا فيها ومانتقابل الا كل اسبوعين او ثلاث ..
في الاجازة تحمست جدا للحمل وكنت ادعي واتمنى ودائما قبل الدورة اتخيل اني حامل بس سبحان الله ربي ماقسم
الحمد لله دورتي منتظمة كل 28 يوم بس عندي مشكلة مع الالتهابات تروح وترجع بس الحين مدري عنها :(
قبل ماتجين هالدورة اللي الحين انا فيها .. ظليت قرابة 6 ايام كان عندي الم بجانبي الايسر شديد مرة وركبي وسيقاني يألموني مرة حتى اني مااقدر اتحرك عادي والام الدورة تروح وتجي وماينزل شي اللهم افرازات بيضاء كثيرة وبطني تألمني وحس لمن امسكها في شي قوي اتحسسه مو لين وصدري منتفخ حتى زوجي لاحظ علي هنا شكيت بالحمل لان هذا اول مرة يصير معي كذا وعملت اختبار الحمل المنزلي وطلع لي خطين واحد غامق مرة والثاني خفيف جدا قلت يمكن مو حمل .. بس بعدين بكم يوم سألت اختي وقالتلي عادي حتى هي طلع معها كذا وطلعت حامل ..
المهم ماتتخيلون صرت احلم كثير وكنت مررررررة مبسوطة وكل شوي اقول لزوجي انا حامل و اتخيل اشياء الحين لمن اتذكرها قلبي يتقطع وابكي :(
وفجأة قبل كم يوم نزلت علي الدورة شديدة بعد ماتروشت الصباح حتى اني حسيت اول شي بمغص ببطني كأني اخذت برد .. المهم استغربت واحس كل شي كنت احلم فيه تهدم واستغفرت ربي .. بس بعدها يابنات جاني الم قوي جداااااااا وقعدت بس ابكي وادق على زوجي واقوله اني جدا تعبانه اخاف اني سقطت وكنت مرة مرعوبة لان الالم كانت شديدة جدا خاصة بظهري وبطني وكنت طول اليوم وانا في السرير .. بس زوجي استبعد الفكرة وقال لا دورة اكيد ..
ااااااااااااه يابنات انا الحين نفسيتي تعبانه مادري علشان الدورة ولا علشان اني افكر بالحمل
وربي تعبت من كثر مايسألوني ليه مااحمل ؟ والله حتى اهل زوجي كل شوي يجيبولي سيرة الحمل ؟
حتى في الجامعه مااسلم كل ماوحده تحمل وهي متزوجه بعدي يقولولي يالله ان شاء الله ربي يرزقك .. احس انهم يشفقون على حالي :( ؟
ماادري وش اسوي قلت خلاص بس اخلص الدورة وزوجي يجي من السفر اروح لدكتورة اشوف وش مشكلتي :(
والله ماني عارفه يابنات .. انا بنت وابي احمل واربي اطفال زيي زي غيري وقسم اني اعشق الاطفال بشكل جنوني
لازم كل ماامر على محل اطفال اتفرج عليه وانبسط بشكل وادعي الله انه يرزقني
ياربي انت المعين يارب ارزقني بالذرية الصالحة واصلح حال زوجي وسخره لي وسخرني له
ادعولي يابنات احس هاليومين باكتئاب كل شوي ابكي .. :44:
طفلة تحلم بالأمومة @tfl_thlm_balamom
عضوة جديدة
يلزم عليك تسجيل الدخول أولًا لكتابة تعليق.
ياعمري عليك
بس عادي انتي توك سنه ونص زواج ماله داعي الوسواس
بعدين لازم تتحللين انتي وزوجك عشان تعرفين اذا كان تأخر الحمل بسبب ولا ان شاء الله مافيه سبب تأخر طبيعي
الله يرزقك بالذريه الصالحه وبكل اللي تتمنينه..
بس عادي انتي توك سنه ونص زواج ماله داعي الوسواس
بعدين لازم تتحللين انتي وزوجك عشان تعرفين اذا كان تأخر الحمل بسبب ولا ان شاء الله مافيه سبب تأخر طبيعي
الله يرزقك بالذريه الصالحه وبكل اللي تتمنينه..
جرجس جرس
•
الله يرزقك بالذرية السليم والصالحة
أنا مثلك صار لي سنة ونصف ماحملت .
سوي تحاليل انتي وزوجك واستغفري كثير
أنا مثلك صار لي سنة ونصف ماحملت .
سوي تحاليل انتي وزوجك واستغفري كثير
ياسميدو
•
اذا كان الالم قوى غير الالم اللى انتى متعوده عليه فاظنه حمل و نزل ربنا يعوض عليكى و اكثرى من قول اللهم اجرنى فى مصيبتى و اخلف لى خيرا منها
الصفحة الأخيرة
يارب امين