تأخر الزواج/ قديم

الله يرزقكم عاجلا غير اجل
حبيبتي الزواج رزق ونصيب من الله ... اذا ربي كتبه جا .. وإذا حابه نصيحة الزم الدعاء واليقين بتيسير الامر من الله وعيشي حياتك.ثقي ان الله لن يرد دعاءك سبحانه

فيه عدة اسباب والف سبب بس يبقى النصيب اهم سبب
ومن ضمن الاسباب اللي تمر علي بحياتي اليوميه


ممكن البنت ماتنخطب اذا كانت جميله وملتزمه وماناقضها شي ممكن يكون اهلها فقراء والفقر مو عيب وانا اتكلم اتمنى ماتجي نفسيه تفهم كلامي غلط كلامي موجه لصاحبة الموضوع ومن يهمها
المهم اقولك يكون ابوها وهم صغار ياخذ الصدقات فقير مايشتغل ممكن يستخدم مخدرات او ممكن تكون الام راعية مشاكل مع الناس ولها هوشات ومقاطعه فلانه وعلانه والضحيه بناتها وممكن يكونون ناس محترمه بس محد يعرفهم ولا لهم معارف الا جيرانهم واقاربهم
او ممكن يكون فيه ناس وشايه ع البنات وتنشر عنهم سمعه عير طيبه طبعا مو بالشرف بس تتكلم عند الناس اللي ماتعرف البنات بانهم عاديات وغير جميلات ومافيهم زود ابد
من ضمن الاسباب ممكن يكونون عايشين بقرية نائية او مدينه لحالهم ومحد يختلط فيهم ولا احد يعرف ان فيه بنات بعمر زواج عندهم وتروح اعمار البنات ومحد خطبهم اتذكر وحده عمرها بالاربعين الله يوفقها ويغفرلها يارب عايشه بمنطقه بعيده وراح العمر محد اخذها وش اقولك بياض وسنع وادب ماشاءالله بس ربي كاتب كل شي وعندها ولدين الحين ماشاءالله
الحللول يختصر بحل واحد فقط هو الدعاء والدعاء والدعاء ااذا مااستجيبت دعوتك راح تجنين ثمارها بطريقه ثانيه
الاستغفار بيقين سبب للرزق والولد والولد يجي عن طريق الزواج
اعرف بنات كثير شخصيا تزوجو بالاستغفار حتى طريقة الزواج تكون غريبه نوعا ما بس سبحان الله الرزق لاجاء ماينتظر احد
والله يرزق كل متاخره بالستر والعافيه يارب ❤

« لا إله إلا الله العظيم الحلِيم ، لا إله إلا الله رب العرش العظيم ، لا إلَهَ إلاَّ الله رَبُّ السمواتِ ، وربُّ الأرض ، ورَب العرشِ الكريم »

الله اعلم ..الحال من بعضه..منكم نستفيد

الدعاء الدعاء الدعاء مالك غيره
أختي بالنسبة لنا تأخرت شوي ، وكنا كلنا ندعيلها
أذكر يوم عرفة يمكن ربع ساعة وأنا بس أدعيلها وعند الملتزم وفي كل أوقات الإجابة
والحمد لله ربي استجاب وتزوجت ..