تأكدي! انك جميله

بسم الله الرحمن الرحيم
ياهلا ويامرحبا بالداخل والخارج في موضوعي الجديد😊
اليوم موضوعي اسمه"تأكدي"
ولله العالم هذا هو القسم الصحيح او لا لكن ارجو المعذره😊
عموماً،بحكم اننا بنات دايم ندور الشيء الجميل
وكلنا نعرف بأن الانف الطويل النحيف جميل ويعطي صاحبته جاذبيه جميله
عشان كذا دايم نشوف النجمات سواء احلام او الهام او حتى كيم كارداشيان وكمان نانسي مسوين عمليات تجميل😁
المهم ان فتره كذا طحت على ذا الموضوع وانا الله يسلمكم خشمي متعقده منه من ناحية الغضروف كذا باين
يعني خشمي زي الشارع الي فيه مطبه😅
ويالله لا ليلي ليل ولا نهاري نهار كله مشغوله بذي المطبه كيف اخليها متساويه
ويلا قعدت ادور تمارين وحالتي حاله طبعاً خشمي من تحت هالله هالله لكن بس المطبه ذي كانها زي العقبه في احلامي😅
المهم انه مرا انا راسمه في خيالي شكل خشمي مثل ماوصفته لكم زي الشارع فيه مطبه!
واروح اجيب اقرب خشم يشبهه
image.jpg
المهم قعدت الف بين اخواتي وامي اسألهم هاه تمام ولالا؟يشبهه ولا لا؟
وكلهم يضحكون على الخشم الي في الصوره والي تقول الله يشفيك ومن ذا الكلام الي يقطع القلب
قلت اقول!معي جوال وراه مااصور خشمي وارتاح؟
والله واصوره صوره جانبيه طلع يازينه زيناه مو مطبه الا يعني شيء خفيف مو بذاك الزود ومره مايبان الا لي عيونها اشعة ليزر😂ويارب لك الحمد يااني ارتحت نفسياً❤
فمن هذا المنبر احب اقول قبل لايصير ودك تغيرين شيء ف خشتك تأكدي منه اول ثم غيري!
وترا"جمال غيرك مايمحو جمالك"وترا"لاكانت فلانه حلوه في عيونهم ترا انتي احلى في عيون غيرهم"
وبس والله موضوع ***** الله انه اعطاكم شوي ثقه في وجيهكم تراكم حلوين لكن تفتقدون الثقه لا اقل ولا اكثر
يالله السلام عليكم