تابعت ولد عمي بالغلط/ استوفى الرد

السلام عليكم ، بنات انا متلبكه و مو عارفه وش اكتب 😰 وعارفه اني مكبره الموضوع وعندي هموم ومشاكل اكبر منه بس من شهر مو راضي يطلع هالموضوع من مخي تعععبت
بقولكم من البدايه انا سويت حساب تويتر جديد مافيه الا ثلاث تغريدات المهم ضفت فيه الكل مشاهير ، تغريدات دينيه ثقافيه متنوعه و حسابات تخص قسمي (الصحي) الا اهلي وصديقاتي ما ضفتهم
المهم اني طحت بحساب ولد عمي بعد ما قالت لي اختي عنه دخلت عليه و شفت تغريداته وكلامه وأسلوبه مره عجبني لا اكثر ، وكنت ألوم بنات عماتي وأقول وش شايفين فيه 😂 الحين الله لا يلومهم
ومن كثر ما ا دخل على حسابه تابعته بالغلط .. ومتى استوعبت يوم جاء اليوم الثاني وأقول لأختي قالت لي غيري مدينتك حطي مثلا الكويت وشي زي كذا عشان لا يدري انك انتي لان مره فشله
المهم بنات انا كنت اسمي كاتبته والعايله بعد😩 ومافيه فاتن غيري بالعايله ولا بعد متابعه حسابات طب و كليتي 😢 خفت مره يا بنات انه عرفني او شي مره فشله او يحسبني خاقه عليه
ومن بعدها سكرت التويتر بخيره وشره ، عقب فتره دخلت عليه من دون حساب > ما تبت
ولقيته يتابع خطابات و مسيار ومن ذا الكلام !! مدري هو ضايفهم بالغلط ولا متعمد
خصوصا انه ما قد شفته بحياتي الا مره وانا عمري 10 سنوات وعلاقتنا رسميه جدا مع أهله
وبسس 😢
وش رأيكم انا خايفه مره من الأفكار الي اخذها عني