تابع قصتي مع زوجي واتهاماته لي بالباطل

للي ماقرت موضوعي هذا هوhttps://hawaaworld.com/%D8%B2%...

لين الان ماتواضل معاي ولاني عارفه وش ناوي عليه هالادمي !!؟ي بنات انا عارفه انه غلطان وهو عارف بس يكابر ويعاند قربت اكمل ال١٠ ايام ونا ببيت اهلي المشكله انه ينكر انه غلطان تماما  لدرجه وهو موديني لبيت اهلي واحنا بالطريق لبيت اهلي جلس ماد يده لي يبغاني امسك يده واتراجع وماانزل واروح بيت أهلي ابدا لكني اصريت ولزمت ونزلت
انا جبت ورقه و كتبت بالورقه ايجابيته وسلبياته لقيت ان الايجابيات اكثر من السلبيات بكثيير من ايجابياته انه كريم ويخاف الله كل فرض يقوم للصلاه ويركض للمسجد ويصلي السنن وانسان محترم واخلاقه طيبه ويراعيني وحنون علي وجايب لي خدامه ويساعدني ويحن هلي وعمرة ماتلفظ علي بكلمه وحده وكريم عالبيت اي شي اطلبه منه يجيبه لي ولايقولي لاابدا  ماشاءالله تبارك الرحمن وفي بيني وبينه تقارب بينا ويسولف ويضحك معاي وفيه تقارب فكري فضيع بيني وبينه والعلاقه الخاصه بيننا  بشكل عام حلوة صح احيانن تفشل من ناحيته العلاقه ويفقد الانتصاب وعفوا عالكلام لكن غالب الوقت العلاقه تتم والامور الحمدلله ماشيه تمام وكنا نسعى لانجاب طفل انا وياه وبدينا ناخذ فيتامينات واشياء للانجاب+هذا غير انه يخليني انام لين اشبع نوم ومتى مااصحى اسوي الفطور ولاعمرة صحاني وقالي قومي سوي فطوري ويجلس ينتظرني الين الساعه ٤ ونص العصر ونقوم نفطر غير اني الاقيه مجهز الفطور لي ومااطبخ الاوجبه وحده باليوم وجبه العشاء واذا مالي نفس اطبخ اقوله مااي نفس اطبخ ي فلان اليوم جيب لنااكل من المطعم ويروح ويجيب لنا من برا وحتى ملابسه يوديها للغسال والكواي ولايخليني اغسل ملابسه ماشاءالله تبارك الرحمن +غير انه ماعنده مشكله يطلعني اتمشى لويوميا مرة نروح حديقه ومرة نروح ممشى نمشي ومرة نرزح كوفي ولامرة رفض لي طلب اننا نطلع مع بعض ابدا ماشاءالله تبارك الرحمن يعني مو زي بعض الازواج الي مايطلع زوجته  الا لطلوع الروح واذا طلعها نكد عليها وطفشها عيشتها  +انه اكثر من مرة اطلبه اروح للمول وينزلني ويخلي خدامتي معاي ويروح يخلص اشغاله ويرجع لنا لانه لوماكان واثق فيني ماكان نزلني المول لوحدي مع الخدامه صح ولالا؟!لكن جتني صدمه منه ومن كلامه ي بنات واتهاماته لي وحاول يراضيني بعد المشكله عالواتساب وقال لي ارجعي البيت يفتقدك وجلس يصور لي اشياء،بالبيت تخصني زي مسبكتي وشرشفي واشياء،ثانيه وانا قفلت عليه الباب قلتله انابطريق وانت بطريق انت جرحتني وغلطت علي ولايمكن اسامحك وجلست ادعي عليه وبعدها قالي خلاص يعني الكلام انتهى بيننا قلتله ايوة كل شي انتهى وعليك السلام كأنك لم تكن يوم بحياتي ومن بعدها ماعاد تواصل ظعاي واتساب ابدا لي الان فترة ٩ ايام ي بنات ولاادري وش ناوي بس الي متاكده منه انه مستحيل يعتذر مني ويجينا ببيتنا ويشوفها كبيرة بحقه
بس انه حتى ماراسلني واتساب ابدا ولارجع كلمني ولااتصل بي ومحتاره موعارفه وش اسوي الي كولي كلهم يقولون لي لاتخربين بيتك ي فلانه ارجعي لزوجك بس ب بنات كيف ارجع له وارجع للبيتي وهو ماراسلني ولابادر ابدا مستحيل اراسله اواتواصل معه استحاله نهائيا لانها راح تكون مذله واهانه لي 
.؟!؟مااحلاني وهو متهمني تهم باطله ترجع له بسهوله واراسله 
واخليه يرجعني وبنفس الوقت ماودي اخرب بيتي ي بنات شوفولي حل وساعدوني تكفوون ي بنات ؟!