تابع لموضوع مفاجأة زوجي الصادمه

السلام عليكم يا بنات
انا اليوم قريت ردودكم الأكثر من رائعه اللي عطتني قوه وخلتني اوقف نوح وبكي واقول من عليه ابكي على واحد تركني وترك عياله على كلام حريم ومشاكلهم و لانه ضعيف شخصيه يسمع وينفذ كلامهم علي انا الضعيفه بينهم لازم ابدا حياتي صح وانا لسه بعدي صغيره بكمل دراستي بعد ما يكبر ولدي واشتغل واعتمد على نفسي والحمدلله عيالي حولي واميمتي واخواني واهلي رغم انه فيني انكسار قوي وحزن على نفسي لاني ما استاهل هالرميه بس راح اثبتله ولخواته اللي بغو طلاقي كيف اني صرت اقوى واحسن من قبل والدنيا ماهي واقفه على رجال مثله ان لي نصيب باخذه وان مالي نصيب بقعد مع عيالي اللي اصلا ما كلف على عمره يقعد كم يوم مع ولده اللي ما كمل شهر حتى للي قالولي ارسليله رساله رسلت له "حسبي الله ونعم الوكيل في كل من ظلمني وحسبي الله ونعم الوكيل عليك كانك سويت فيني هالسوات وانا بعدي ما فرحت بولدي عادها بتدور الايام وتمشي ويظهر الحق من الباطل وبتشوف وانا موكله امري لربي وبدعي انه يُريني عجائب قدرته في خواتك اللي لا تركوني اتهنى بحياتي وانا ماني حزينه وابكي ومقهورة عليك لا ابد لانك لو رجال فعلا ما تكون تحت طوع حريم لا يودون ولا يجيبون والايام تثبتلك من هم ومن انا نقطه وانتهى الكلام" رد علي بما معناه انه محد ظلمني ويقول هذا انتو يا الحريم خيراً تفعل شراً تلقى ما رديت عليه وين الخير اللي سواه مدري بس يابنات كتبت له هالرساله وانا داخلي قهر وابكي لكن ما ابغاه يحس اني مقهوره وابي اثبت له اني عايشه حياتي وانا فعلا بعيشها لكن ما أخفيكم اني مقهوره مالي نفس حتى الاكل ومابي الناس يزوروني الناس تجي تباركلي وتقولي الله يعوضك في عيالك وباللي احسن منه واللي يكرهني وجاي يتشمت والله قهر لكن رغم هذا كله بقوي نفسي وكل وحده طاحت في مشكله زيي لابد انها تقوي نفسها ليه نبكي عليهم صحيح نبكي على ان حنا مظلومين وما نستاهل اللي صارلنا لكن ربي فوق ما نوقف الدنيا ونترك اللي فيها من اشياء حلوه على ناس باعونا استمتعو في كل لحظه وانا بحاول ابدا حياتي من جديد واعدل من نفسيتي عشان عيالي وبدعي ربي ان ينصرني على من ظلمني انا وجميع المسلمات والمسلمين المظلومين يارب وانه يجبر خاطري وينسيني القهر اللي في قلبي وانتو خواتي وباذن الله اني اكون مصدر قوه لكم وانتو كذالك ان شاءالله مصدر قوة لي والله يعطيكم العافيه وسامحوني على الاطاله واحبكم في الله🌹🌹