السلام عليكم ورحمة الله

عزيزتي ..التصميم رائع ..والمساحات ممتازه ..لا واحسن من اللي كنت اتمناه

بس وين الحديقه الداخليه ..ماني شايفتها في التصميم...

شكلك نسيتيها ..راح اذكرك بيها

مره حطيت لك صوره من مجله فيها حديقه داخليه عاجبتني وطلبت منك انك تصممين لي مشابه لها

وهذه الصوره



وارسلتيلي انت بعدين تصميم الاخت رغد



بصراحه الحديقه الداخليه عاجبتني مررررررره وداخله مزاجي وا اتخيل ان بيتي راح يكون بدونها

تقدرين تلغين الجلسه المرتفعه وتحطين بدالها الحديقه

تقدرين تصغرين المداخل مدخل الرجال الى 3*3 والحريم 3*2

تقدرين تقسمين المجلس الى قسمين واحد كبير والثاني صغير

تتقدرين تصغرين مساحة الحوش الى 3 بدل4

الحديقه عندي مهمه ..

بالنسبه للدرج الخارجي ...انا اشوف ان له داعي ونص ...تعرفين ليه ...

مره احنا كنا زايرين ناس توهم ساكنين بيتهم الجديد ..وجلسونا في الصاله...وكان رب الاسره فوق ..وحب ينزل يسلم على الرجال وطبعا عشان ما فيه الا درج واحد في الصاله.اضطرت صاحبة البيت انها تدخلنا لمجلس النساء لحد ما ينزل هو ..وبعدين رجعتنا للصاله ...شفتي الاحراج ..والله كان موقف محرج بالنسبه لنا ولها ...ساعتها حسيت باهميه درج الطوارئ في كل بيت

بس انا ابغاه في مكان محايد يعني قريب من قسم الرجال ..وقريب من قسم الحريم يعني في المنتصف ..عشان يستخدموه بقيه العائله بالراحه لو كان في ضيوف ,,وما يحسون بدخلتهم او خرحتهم


اناحاسه اني صعبتها عليك .....الله يعينك على


شيكي على الخاص

نسيت اقولك انه ممكن تخلين الدرج الخارجي للطواري ..

مكن تخلينه على شكل حلزوني عشان ما ياخذ مساحه

اعتقد ان الدرج الحلزوني ما ياخذ مساحه كبيره

وش رايك

اذا ممكن عزيزاتي الماسه وملكة الحسن
تخلونا نشوف الدور الاول لهذي الخريطه :

لأن في الحقيقه عجبني وصف اختي الماسه كثير
وتوافق تفكيري كثير
وانا لي مزاج في التصاميم واحب اشوف التصاميم كمان
لان عندي ارض 19 في 30
جايه بالطول يعني
ونفسي ابنيها بطريقة تشبه الخريطه الي حطتيها فوق
علشان كذا ودي اشوف الدور الاول علشان تكتمل عندي الفكره
وايضاً ماتبخل علينا الاخت ملكة الحسن بتصميمها البديع على حسب مساحة الارض الي ذكرت قياسها وتطبيق فكرة اختي الماسه عليها

من عيوني ..

بس تعرفين الحوسه ..

و نسيت موضوع الحديقة الداخليه ..

وانشالله بسويها لك ..


:26:

ألماسه ....

الشارع مضبووووووووووووووووووووووووووط .. والا لأ ؟؟؟؟؟؟

الشارع 25 والا 20 ؟؟؟؟؟؟؟؟؟؟؟؟؟؟؟؟؟؟؟؟؟

هذا محيرني شوي.. اذا مافيه تعب عليك ..

:26:

بالنسبه للأخت زبرجد التصميم الي فوق .. من تصميمي ما سويتله دور ثاني ..

بس أبي أعتذر منك ..

لأني ودي بصراحه أنتهي من الطلبات الي عندي .. لأنها كثيره .. جدا .. و يبغالها تفكير ..

صعب .. تجي الفكره علطول ..

و تحياتي لك ..

والسموحه إذا قصرت بحقك ..