ريحانة عمان

بكيفك و براحتك أهم شي انك مبسوطه

و تحياتي لك:26:

حبيبتي

أم سعود ..

أتمنى يعجبك التصميم .. أي تعديل حاضرين ..:26:

:32::32::32:مشكووووووووووووووووووورة يا ملكتنا !!!

أنا الحين أبي اطبعه وأوووووول ما يجي زوجي من الدوام إن شاء الله باجلس أتناقش فيه معاه ولا شكلي مانيب صابرة أبي أرسله على إيميله وهو يشوفه هناك !!!

بس مبدئياً التصميم خياااااااااااااااااااااااااااال !!!!

الحمد لله

الحمد لله

الحمد لله

زين الي عجبك التصميم ..

بس في شي نسيت اقولك عليه

عند غرفة النوم الرئيسة .. في مكتوب عند مدخل النساء ==== خطأ مطبعي
عند الملحق الحمام الباب حقه sliding علشان ما ياخذ من مساحة الحمام .. لأنه صغير بس تقسيمته حلوه
برضو حمام السواق sliding علشان حمامه مو ناقص ..
الشور الي جنب المسبح .. خارجي .. يعني الي يبي ينزل يسبح ..
ياخذله شور دافي قبل لا ينزل يسبح .. عشان صدمة المويه ..
وفي شي ثاني .. اذا حصل و قررتي .. تبدلين بين المجلس و الطعام .. تراه مره عادي ..
بس عدد الأشخاص ممكن يكونون 18 .. بدال 20
بالنسبة لغرفة الطعام
القزاز الي طالع والي نازل ذا zigzag هذا سويه قزاز معشق
و الشباكين حوله بس لا يتغطا بستاره بس الشبابيك .. والي تجيك نزول من فوق لتحت .. هي أحلى شي يليق عليه
بس مو شتر وحده كشخه ..
و تحياتي لك يا قلبي ..
أموواااااااااااااااااااه ..

شي ثاني ..
مره أسفه إلي تأخرت عليك ..

بس قلب راسي .. شوي التصميم


:17:

أولاً : والله إني يوم تأخرت قلت أكيد طلباتي تعجيزية وغلبتك معي بس ما شاء الله عليك قدها وقدود وطلعتيلي بتصميم ما أحلم به .

ثانياً : طبعا زوجي وأنا جلسنا على التصميم وسوينا مجلس القمة ( بس اتفقنا بالأخير يعني مجلس القمة حقنا مو عربي شكله ) وعلى الرغم من أن التصميم بشكل عام خطيييييييييييير إلا إننا نطلب منك تتحمليننا شوي لأن عندنا كم ملاحظة وكم سؤال :.

الدور الأرضي :.
1 ) مافيه مطبخ تحضيري ؟
2 ) غرفة الطعام خلاص مادام راح تاكل مساحة قد كذا خليها بعرض عادي يعني أربعة أو خمسة وبطول يكفي عشرين نفر ومو ضروري أسوي الحركة هذيك حقت البوفيه ( زوجي قال لي ممكن وقت البوفيه ينحط عند المسبح بس الصوالين والصالات والمغاسل عنده أهم ) .
3 ) الحمامات اللي عند المدخل فهمت فكرتك بالزجاج المعشق ومررررررررة خطيرة لكن ماني فاهمة من وين راح يتهوى الحمام ( يعني الشباك اللي ينفتح والشفاط ) ؟ يعني ما أعتقد نخلي التهوية في المدخل ؟ ولا أنا ماني فاهمة ؟

الدور الأول :.
1) طبعاً حركة التقفيلة هذي اللي فوق المسبح جنااااااااااان وتدل على إنك فنااااااااااانة الله يحفظك يارب .
2 ) غرفة النوم الرئيسية ياريت تقسمينها وبدل ما تكون 8 × 10 تصير غرفتين وحدة المكتب حقي واللي فيه جلستنا الخاصة والثانية غرفة النوم .. حنا فكرنا بالطريقة التالية بس شوفي انت يمكن يطلع معك شيء أفضل :
( فكرنا لو تخلين أول ما ندخل على مدخل صغير بعمق متر ونصف وبعرض 5 متر على اليمين يفتح على الجلسة اللي بتصير مقاساتها 5 × 8 ومفتوحة على غرفة الملابس من جهة ومن الجهة الثانية غرفة النوم لكن بتكون 5×6.5 لأن فيه متر ونصف بيروحون للمدخل .. فهمتيني ؟ يعني إقسميها بالنص وخلي الجزء اللي جهة الملابس هو الجلسة وهو اللي المدخل يفتح عليه ومن الجلسة ندخل على غرفة الملابس على اليمين والحمام وغرفة النوم على اليسار ) وإذا عندك فكرة أفضل سويها .
3 ) وين تقترحين علي أحط رفوف المكتبة وجلسة الكمبيوتر بجزء الصالة 4×10 ولا بجزء 7×7 فين تعتقدين أفضل ؟ يعني أنا بصراحة احترت يوم صارت الصالة قسمين وين أحط جلسة التليفزيون ؟ يعني كيف اوزعها ؟

االسطح :.
1 ) فكرة السقف المرتفع فوق غرفة الألعاب رهييبة لكن ما ني فاهم الدرج اللي مرسوم بالرسمة فوق هو اللي طالع من الدور الأول لكن اللي مرسوم تحت هذا إيش ؟ زوجي قال يمكن غلط مطبعي ؟ قلت أسأل أحسن .
2 ) المطبخ ممكن لو يتصغر نصف متر لصالح الممر لأن ممر عرضه متر بيكون مزعج ولا ؟

ومرة عاشرة آآآآآآآآآآآآسفة على إزعاجك ومن جد حكايتي معك مثل حكاية النملة اللي حكيتك عنها من أول .

وطلب أخير <<< وحدة ما تنعطى وجه أبددد
ممكن تكتبين لي مساحات المباني في كل دور لو سمحت ؟