عزيزتي ملكة الحسن .. أو ملكة الصبر مثل ما سمتك البريقة ..

أنا نسيت أقول لك إن عدد الغرف اللي أنا طلبت قصدي فيها أقل عدد يعني ممكن إذا كان فيه إمكانية بالمساحة تزودين عدد الغرف وأقدر أستفيد منها .. مثلاً غرفة رياضة فيها برضه حمام ( يتسوى جزء منه حمام بخار ) وغرفة ملابس عشان حفظ المناشف ومستلزمات الرياضة اللي يبيلها أدراج ودواليب .. حتى لو كانت الغرفة مثلا على شكل دور ثاني فوق غرفة الألعاب فتصير غرفة الرياضة نفسها تطل على السطح .. لكن مدخلها من غرفة الألعاب .. مابي لها مدخل من السطح عشان الشغالات ما يستخدمونها من غير ما أحس فيهم .

كمان ما قول لأ لغرفة مذاكرة مثلاً ..

لكن الكمبيوتر لازم بالصالة عشان أشرف على المواقع اللي يدخلونها العيال ..

والصالة اللي فوق أفضل يكون فوقها قبة أو سقف قرميد ( أظن كذا إسمه ) المهم يكون السقف عااااااااااااالي لأن مهم عندي محل جلستنا العائلية الدائمة تكون شرررررررررررحة .

كمان مابي غرفة مستقلة للفيديو <<< كنه فيه مساحة كافية عاد ..

ونسيت أقول لك إن غرفة الملابس حقة الغرفة الرئيسية تكون أقل شيء 4 × 5 وكل ما كانت أكبر كل ما صار أفضل .

وغرفة السفرة الرئيسية اللي تحت أبيها تكون كبييييييييييرة يعني بالميت عشرين شخص أوكي ؟

والله يجزاك خير وينولك كل اللي تبين وأشوفك باش مهندسة أد الدنيا يااااارب <<< وحدة متأثرة بالأفلام المصرية .

شوفو يا حلوين..

أول شي يا قلبي يا حياتي .. يا ألماسه ..

أفكارك حلوه .. بس كلها بالتشطيب .. يعني مو شغل التصميم يا قلبي

ولا تخافين يا عمري .. البيت بيكون وساع لو 300 متر ..

لخليك كنك داخله لقصر .. و لا تخافين ..

أهم شي عندي لما أسوي بيت البراح لأن الضيق شين و مو حلو ..

وتحياتي لك ..

أم سعود يا قلبي .. أنا انتبهت على موضوعك حق سفرة الطعام ..

بس البيت عندك يا حياتي ..750 متر .. يعني بياخذ مساحه كبيره ..

بلقالك حل بإذن الله .. الي ما يأثر على التصميم ..

هانت الأربعاء انشالله ..

كل التصاميم موجوده ..

بس الحين بنزل تصاميم الأخوات باين عليهم مره محتاجين لهم ..

البريقة ..

http://forum.hawaaworld.com/files/30189/albareeqah 1.jpg

الملاحظات:
كبرت البيت .. 480 متر
لأن مساحات و دور واحد ما تجي .. يا اما دورين و 380 متر و مساحات ..
يا اما ضيق .. و 380 متر و خنقه ..
اختاري .. أرى هذا المناسب و لك كامل الاختيار بالتعديل ..
و تحياتي لك

gada123 ..
http://forum.hawaaworld.com/files/30189/gada 123 1.jpg
ما ادري هل الشارع ال 16 مثل ما راح تلاحظين بالتصميم .. مقابل باب المطبخ على قولك واجهه شرقيه ..
أو انتي ملخبطه و قايله انها شرقيه و هي غربيه شماليه أو جنوبيه ..

على العموم ..
اذا كان التصميم .. مثل ما توقعت .. فهو مستوفي لطلباتك ..
بس عساه يعجبك ..
البيت طلع طويل .. بس مو مشكله حاولت أستغل كل ملي فيه ..
فوق منطقة الدرج .. فيه قبه فايبر جلاس ..
أوفر من الزجاج المعشق ..

و أجمل ..

كل الشمس تدخل ..

و كبرت الدرج .. علشان تعلى المنطقه و تكون السقف عاليه ..

مره واضح التصميم .. ما يحتاج لشرح أكبر

و تحياتي لك ..

fefea ..
http://forum.hawaaworld.com/files/30189/fefea 1.jpg
http://forum.hawaaworld.com/files/30189/fefea out look1.jpg
الملاحظات:
حبيبتي .. البيت واضح جدا ..
ما عدا المنطقه الي فوق الدرج .. رسمته لك بشكل تقريبي .. بيكون فايبر جلاس .. مايل .. فوق منطقة الدرج
شكله حلو ..
و عملي و سهل التنظيف بتسألين شلون ؟ الجواب سهل
عند آخر القزاز بيكون منور حق الحمامات .. خليه .. مايل .. يكون مثل القمع و تحته كله تصريف .. حديد مجلتن ..
مثل الشارع ..زين ..
و بعدين .. ركبي حنفيه جنب القزاز فوق على السطح و خلي جنبها لي .. مره سهل التظيف .. بس شطف ..
و تحياتي لك ..

كل البنات أي تعديلات حاضرين ..

باقي البنات اصبروا علي انشالله أنزلهم .. كل ما أخلص شي .. انزله لكم .. و اذا ما قدرت انزله علطول يوم الأربعاء كل التصاميم نازله انشالله ..

و تحياتي للجميع .. :)

تصدقين اني ما انتبهت على المصعد ...

أول شي دامني مثل ما تقولين اختك ..

انسييييييييييييييييييييييييييييييييييه ..

البيت كله على بعض .. 500 متر .. لا تنسين الشي هذا ..

مصعد يكلف لحاله 100 ألف ريال و هو متر في متر ..

و الميزانيه ما تسمح .. 600 ألف .. يبيلك تصبرين يا عمري .. ما راح تشطبين و تتأثثين البيت كله بعد ..

و الأعمده الرخامية أتوقع بتكون مره غاليه يا حياتي ..

لبسيها غرانيت .. أوفر و لمعته تقعد .. و كنه رخام ..

بالنسبه للدرج .. القزاز غالي .. و مو عملي .. بصراحه بيتنا لو أقولك .. زجاج و نحاس ..

القزاز ما يقعد يوم نظيف من البزران ..

و النحاس ما يمديك تلمعينه الا هو مسود بعد يوم .. و انتي عندك أطفال ..

لا تقولين لي الحديد ما يسود .. الحديد .. يطبع عليه اصابع الصغار و الكبار .. متعب .. ثم متعب .. ثم متعب ..

تدرين .. اذا سويت تصميم لأحد من أهلي أراعي سهولة التنظيف قبل أي شي ..

لا تحاولين تعقدين الأمور .. البساطه ام الجمال يا حياتي ,,

أدري انها ردة فعل علشان الشقه بس بسيطه ..

فكري شوي بكلامي بتلقينه عقلاني نوعا ما .. فافيقي من أحلام اليقظه ..

بالنسبه للمكتب و الجلسه سهله هذي و باقي كل طلباتك سهله و انشالله أبدا فيه بكره و أنزله لك بعد ..

و تحياتي لك ..

و بعدين لاسمح الله لو انقطعت الكهرب ..

لو و لو و لو ..

و البيت صغنون يا عمري .. بنستغل الأرض كلها للبنا بخلي من قدام تقريبا بس 3 متر أو أربعه و حول البيت متر و نصف بس ..

حاسه انك بديتي بحالة احلام يقظه ..

صحصحي زين ..

ماشاءالله عليك يا ملكة الحسن بصراحة انا بيتى جاهز و خالص و لكن سويت فيه تغييرات كثيرة و بغيت اسال ان كان عندج فكرة بالديكورات فانا تقريبا اشتغلت فى ديكورات البيت و مازال عندى افكار كثيرة و اريد ان اغير فى البيت فمثلا عندى سؤال عن:

1. المدخنة خشب و لكن الحائط من اعلى المدخنة شنو عندج فكرة له هل اسويه حجر (اى نوع حجر او خشب و شنو موديل الخشب)

2. اصبغ حائط واحد فقط عنابى

3. اريد ان اعمل براويز للوحات و الكنسولات مثل موديل القصور

4. ديكور للمنطقة التى تحت الدرابزين مباشرة التى تكون قطعة صغيرة هل ايضا اضع فيها حجر او خشب

5. ماهى الديكورات لرخام الصالة (هل سمعتى بالرخام المصرى صنى الكركمى معرق بالبنى )60*60

6. المطبخ 6*4 فيها مغسلة استيل و طباخ استيل حجم كبير مع شفاطة استيل و الأرضية بيجية مع فخار

عزيزتي .. قمر تاج ..

أول شي مشكوره يا قلبي .. هذي مجرد موهبه صغيره .. انشالله تتوج بالعلم قريب ..

ببدا معك بالعكس من الأخر ..

6- بالنسبه للمطبخ .. هل تتوقعين الفضي و البيج على الملابس يمشي مع بعض .. انتي اذا رحتي لزواج ..
و لبستي فستان سكري و بيج .. وش الطقم الي بتلبسينه ؟؟ ذهب أبيض والا اصفر ؟؟ أتوقع أصفر ..
حاولي الستيل يتبدل و يكون نحاسي .. اللون .. بيطلع أجمل علشان يمشي مع الأرضيه .. خصوصا انها باين انها عاجبتك .. أو انك تغيرين .. الأرضيه لغرانيت أسود .. و المطبخ يكون أبيض .. و باقي الأشياء تكون ستيل ..
و الرخامه الي فوق الخزاين هم بعد أسود ..
هذا النوع من المطابخ يبغاله تنظيف مستمر .. علشان يبان عليه إذا توصخ ..

5- لا والله ما سمعت فيه .. بس تخيلت شكله .. عموما ال 60 في 60 حلو شكله و الألوان تبدو رائعه و ما تحير ..
إذا تحبين البيت يكون رايق و هادي ..

4- برايي .. الحجر أجمل و جيبيه من النوع البارز بس قبل لا تركبين حجر .. جيبي كهربائي خليه يسويلك سبوت لايت
تقريبا أربعه .. من فوق علشان تبرز جمال الحجر .. و تحته حطي زرع و كثيييير .. خمسه سته سبعه بأشكال مختلفه
و لوح حلوه طوليه .. تجنبي العريضه علشان ما تضيق المنطقه .. و يكون موقعها تحت السبوت لايت مباشره ..

3- أجمل و أروع .. بس لا تاخذين العرضيه مره .. لا تنسين .. علشان الجدار كله ما يضيع ببرواز .. حاولي حفة الكونسول مع حفة البرواز .. و نفس الشي الكنب .. يكون البرواز أصغر من الكنبه الكنبه الطويله .. برواز مربع
الكنبه النفرين برواز مستطيل و ما يكون مرتفع مره .. عن الكنب .. بالكثير 70 سم .. على حفة البيبان يكون طرف البرواز الفوقاني .. البراوييز ذهبي معتق .. اياكي و الذهبي الصارخ..

2- أتوقع قصدك على المنطقه الي حول المدفأه .. بتطلع مره حلوه .. بس غامقه .. اذا مساحة الغرفة كبيره اتكلي ..
اما اذا صغيره انسي الموضوع بيعطيك ضيق .. اللون الكاكي .. يطلع مره حلو ..

1- المدفأه ... الحجر الأحمر الصغير .. يطلع مره حلو .. أو الحجر البارز .. الحجر البارز مثل ما أشرت عليك تحت منطقة الدرج .. علشان يكون فيه تناسق بين أرجاء المنزل .. أما اذا المكان منفصل الحجر الأحمر يطلع مره حلو
و حوله الجدران عنابي .. بس لا تخليننه عنابي ساده شفتي شلون يكون الشكل المعين .. سوي الجدار معتق بعد الدهان بنفسك .. انتبهي بس الأضلاع
<><><><><><><>
و كله متصل مع بعض ..

و تحياتي لك اختي أتمنى اني أكون أفدتك ..

:)