تارت الفواكه وقصتي معاه

السلام عليكم عزيزاتي :27:
انا اليوم خطر في بالي اسوي تارت ومن كثر الطرق اللي عندي احتارت اي طريق اعملها :D وبعد جهد جهيد قررت وعملتها وكانت العجينه مرة تهبل وسهله ومقاديرها ولا ابسط خبزت التارتات في الفرن وحشيتهم ولمعتهم وطلعوا شيئ وهذا الكلام للامانه يابنات اني ماكتبته الا اني عاملتها ومتأكدة منها وعجبت زوجي وضيوفه :icon28:
وهذي هي المقادير:
اصبع زبدة مسيح
كوب طحين كويتي
ملعقة متوسطة ماء بارد
تعجني الزبدة مع الطحين وبعدين تضيفين الماء (على فكرة يمكن تحسينها مش محتاجة ماء بس معليش حطي شويه لان الماء يساعد التارتات بعد الخبز انهم يتماسكوا)
نخبز التارتات بالقوالب الصغيرة راح يعملوا 10 قوالب
نجي للكسترد المقادير :
كوب حليب بودر
كوب ماء
2بيضة
م فانيليا
ثلاث ارباع كوب سكر
2م طحين
نخلط كل المقادير مع بعض في الخلاط وبعدين نحطهم على النار لحد مايصيروا مثل الكسترد بس انا عملت نصف الكمية
وحشيت به التارتات وبعدين جهزت الفاكهة وهي عبارة عن عنب اخضر فراوله خوخ اناناس وحطيتها فوق الحشوة ولمعتها بامربى المشمش المذوب بالماء
وحطيتها بالثلاجة وبصراحة كانت روعة
اللي تجربها تدعولي بالذرية الصالحة.