يا جماعة اليوم زايرتي الا قالت لي حتى لو نزل وزنك كيلو راح ترجعي مثله عشرة
وتقول جايب فطاير ...راح اكسحها وماراح اخبص وما راح اكل من فطورها
خلني عالرجيم افضل

وينكم؟؟؟؟؟؟؟؟؟؟؟؟؟؟؟؟؟؟؟؟؟ظ

السلام عليكم ورحمة الله وبركاته اولا اود ان اشكرا الاخت على هذا الموضوع الذي اتى بوقته اذ ألم بي الاحباط والاكتئاب
ابدا لكم مذكراتي من الاول من اول ما وعيت على الدنيا وانا متينه والكل يعيب عليه المتينه واليطه وام خدود الى اخره منذ ان كنت صغيره وانا اسمع كلمات القاسيه ولم يكن احد يتهم بي ولا يقول لي ماذا افعل لم اكن اعرف ما هو الرجيم ولا الرياضه من البيت الى المدرسه والعكس صحيح حتى لما كنت اريد ان اشترك باحد النشاطات الرياضيه تقول لي المدرسه انتي متينه ما يصير تشتركين فارجع ودمعه على خدي كاني غريبه او لست بشر اصلا في نظرتهم لم اجد احد يوجهني لم اجد احد يلمني ويقول لي افعلي هذه ولا تفعلي هذا حتى بلغت 18 عاما ووصلت الى وزن 115 كيلو وبدات التوعيه الى الرجيم وبدات الجرايد تتكتب عن الرشاقه والرجيم وبعد ان شرحت لامي اني اريد ان اذهب لطبيب حتى انزل من وزني واعيش حياه طبيعيه بدون نظرات الناس وهمساتهم وضحكاتهم وافقت بعد جهد وذهبت وبدات الرجيم وشرحلي الدكتور شنو لازم اسوي ومشيت على الرجيم رغمه صعوبته ورغم المشقه التي واجهتها وصلت الى 97 كيلو وحصلت لي ظروف الله وحده اعلم بها وبطلت كل شيء ومع النفسيه الزفت والمشاكل والحسره زاد وزني بين 100 و110والى ان وصل 130 كيلو وبسبب المشاكل والنفسيه
وسوف اكمل بعد قليل

مهما شرحت او اكتب من الكلمات لا اقدر ان اوصف لكم حالتي ياست من الحياة ياست من كل شيء وبطلت اسوي رجيم وبطلت اهتم بحالي وكنت شايله الفكرة الزواج من راسي نهائيا لانه لا احد يتزوج من وحده متينه مهما كانت الوحده جميله لا اقول اني جميله لكن تشبيه فان المتن يخرب كل الجمال وكنت بس مهتمه باخواني وبامي وابوي واصحى على شغل البيت وانام على شغل البيت لحد ما صار عمري 21 سنه ووزني 130 كيلو تقدملي واحد لزواج وهو واحد ماكو غيره تقدملي وابوي واخوي وافقوا وانا من المستحى ما قدرت اقول شي والمصيبه انه الرجال يبي يشوفني انا يومه الله اعلم بحالي المهم اجى الرجال وشافني وعجبته وهاذي الطامه الكبرى وخلاص وتقفوا على كل شي وبعد شهرين العرس وهذا الحجي سنة 2000 شهر 9 طبعا العروس هذاك الوقت تكون مستانسه وانا قاعد ابجي وحسرتي بقلبي وانسدت نفسي من الاكل مره وحده واشتركت بنادي صحي لمدة شهر والحمد لله قدرت انزل 30 كيلو وصلت 100 لكن انا طويله وجسمي شوي تنسق بس بعد يبيله 30 كيلو قلت بعد الزواج انزلهم المهم تزوجت والحمد لله الرجال ما شفت منه شي لكن المصيبه اهله حطوني مطنزه وقعدوا يطنزون عليه برايحه والجايه شوفو شنو تاكل شفو شنو تسوي وحطوني تحت المجهر كاني جايه من الفضاء المهم
ولي عوده

جت المصيبه الثانيه والحمد لله طبعا الاهل ناطرين مر على الزواج شهر ناطرين ابنهم يقول لهم اني حامل بعد شهرين بعد سنه بعد سنتين ما في شي وهني اشتغل سوالف اتزوج عليها هذي ما فيها عيال من هالكلام وداني زوجي لدكتور وقال عندي مشاكل بالرحم لازم تتاعلج ولازم تنزل وزنها المهم طبعا طلعت الدكتوره ما تفتهم شي وعطتني ابر مع حبوب وع تحاميل مره وحده ونفختني مره وحده مع النفسيه الزفت مع سوالف اهله زاد وزني زياده عجيبه حتى انا لما وزنت صابتني صدمه شديده واكتئاب املازمني لحد الان وهذا الكلا قبل سنتين من الان وصل وزني الى 174 كيلو طبعا الدنيا انسكت بوجهي وزوجي ربي خليه لي ولا كلمه ولا يقول نزلي وزنج ولا شي لكن انا تعبت من نفسي بطلت اروح لدكتوره الله يسامحها خلت كل جسمي متروس ماي وعدت لعاشر مره او 100 مره لرجيم وسجلت بنادي وبدات مشوار التعاسه وليس الرشاقه المهم ما قدرت الا انزل 20 كيلو ووزني ثبت لا يرضى ينزل ولا يصعد والحين وزني 150 وما ادري شنو اسوي حاولت جميع انواع الرجيمات لكن ما كو فايده واكشفت حديثا ان عندي خمول بالغده الدرقيه يمكن هو السبب بثبات الوزن
طبعاالي وزنهم مثل وزني والي مو عارفين شسون راح يعرفون معاناتي
لكن الحمد لله على كل حال
وجزاكم الله خيرا