ألففففف مبرووووك رحايل المولود يتربى بعزكم 💙 والحمد لله على السلامة

ألف مبروووك رحايل والحمدلله على سلامتك
فين وولدتي ؟

الله يبارك فيكم يارب😍
وربي ييسر للباقين ونفرح فيكم🌹🌹

الله يسلمك ويبارك فيك
ولدت بالألماني

السلام عليكم
اكشني ي طويلات العمر
بدا الطلق يوم الاربعاء في الليل كان متعب بس في اقدر اتحمل وكان اكثر شي في ظهري مولم بشكل ولما صحيت الصبح (الخميس)دخلت الحمام وانتو بكرامه لقيت السداده خفت الصدق وطيران ع المستشفى لما كشتفت لقته نص سانتي بس قالت ارجعي البيت ولما يشد معاك ارجعي رجعت والالم كل ماله يشد اكثر واكثر واليوم الثاني (الجمعه) الالم كان لا يطاق وصلت حدي وقررت ارجع لهم يعطوني حل ماعاد اقدر اصبر وصلت لهم كشفو لقوه 4سانتي قالت ولاده حطوني ع التخطيط والطلق كل ماله يزيد 😭اخذت ساعتين مافتح غير نص جات الدكتوره كشفت ومدري وش سوت بعدها الالم والطلق صار نار بعد مده كشفت الممرضه لقته سته ونص قالت نفتح المويه عشان تخلصي قلت ابي مسكن تعبت قالت نفتح المويه اول فتحو المويه بعدها كل شي صار ورا بعضه فتح الرحم بعد مده عشره والمسكن ماجاب فايده 😢وقالت اذا حسيتي بالدفع ناديني شوي بدا احس بدفع الجنين لتحت واصارخ تعالي 😂جات قالت يلا ادفعي وجات الدكتوره وبدات اولد حاولت اجرب كل شي قلتوه التنفس وعدم الصراخ بس ماقدرت مع الوقت بدا اتعب وادوخ وهم يقولون كملي وصل بس خلاص انا تعبت قصو لي العجان والدكتوره والممرضات يضغطون ع بطني وانا احاول اساعدهم بس احس بدوخه وموقادره اركز خلاص واخيرا طلع النتفه تركي 💃🏽💃🏽 الحمدلله ع الخلاص كان رعب ع اكشن ع دراما 😂😂