آفاقq8 :

الورد كنك قلتي عن قساوة عنق الرحم اذكر الدكتورة فادية الثبيتي قالت ان الحامل بالشهرين الاخيرين تقلل منتجات الكالسيوم عشان يطلع عنق الرحم طري تقول الكالسيوم يشد العضلات ويزيد قساوتها ويصعب الطلق وتتعب الام والبيبي جربي هالولادة خففي استهلاكك للكالسيوم وشوفي الفرق ولا تخافين الجسم ماشالله متشبع طول فترة الحمل وحبوب الكالسيوم مع منتجاته معبية الجسم فماراح يضر بالشهرين الخيرة ان شالله

الورد كنك قلتي عن قساوة عنق الرحم اذكر الدكتورة فادية الثبيتي قالت ان الحامل بالشهرين الاخيرين...

mrs.abk :

حبيت أخبركم شوي عن عاداتنا .. طبعا كل منطقة في أي مكان في العالم ولها طقوس وعادات .. وكل مجتمع وقبيلة له طقوس وعادات .. وكل أسرة فيحد ذاتها لها عادات .. وكل فرد له عادات .. يعني عاداتي وأهلي ممكن تكون عادات أسرية بس وموب مجتمعية .. يعني ما تكون منتشرة في المجتمع بس في أسرتنا ,, المهم هي أشياء تعلمتها من أمي وبعضها من نفسي عرفتها .. وصارت دايما في تعاملنا مع المولود .. أول شيء عندنا في الطلق .. أمي توصينا وتبالغ في التحذير إن لا ينسمع لك صوت وانتي تطلقين .. لأن بحسب امي الصراخ بيهدك وبيفضحك وعيب ولو صارختي في البكر بتقضين كل ولا داتك صريخ .. والغريب اننا كلنا قاومنا الصراخ والصياح وما انسمع لنا حس في ولاداتنا خخخخ ممنوع حد يعرف إنك في الطلق .. ( وهذي من العادات المنتشرة ) يقال ان الطلق لو انتشر نتشل .. بمعنى إن لو انتشر خبر انج في حالة طلق يبرد طلقج وتتعسر ولادتج .. ما أعرف مدى صحة المعلومة بس بولادتي الثانية أختي نشرت الخبر وتعسرت لحد ما وقلبت قيصري .. وقت الطلق .. تاكلين تمر وتشربين أشيا حارة واعتقد هذي كل الناس يسوونها مع الدعاء .. بعد الولادة .. بعد الولادة على طول لاازم تتحممين .. وتغسلين جسمج .. إلا إذا قيصررية طبعا .. وترتبين شكلج بدون مبالغة .. والافضل تراوين الناس انج تعبانة ( أنا ما أسويها إلا إذا تعبانة فعلا) .. وطبعا لازم وعيب ما تتكلمين عن قصة ولادتج لأن هذا دور أمي اللي بتقول القصة للكل وبتكون نجمة الجلسة الثانية انتي كفاية عليكي جبتي البيبي خلي الحكاية عليها خخخخ إذا نفاسك في بيت أهلك زوجك يجيب ذبيحة وفواكه ويعطي فلوس لأهلك علشان مصاريفك ومصاريف عيالك .,. وفلوس لأمك لأنها بتهتم فيكي .. ولو في بيتك فحمدا وشكرا .. البيبي نحممه ثاني يوم .. وبعدها بيوم إذا شعره ما كان نظيف .. وبعدين نحممه كل أسبوع مرة ونلبسه طبعا كل يوم جديد لكن كل اسبوع لازم طقم كاااامل جديد ما يلبس ولا شيء قديم ولا نستعمل له ولا حتى لفة قديمة .. لااازم كل شيء جديد .. ونحممه بماي وصابون .. وسدر .. سدر مطحون نغسل جسمه وشعره .. والام تتحمم في نفس اليوم وتغسل بسدر ( عن نفسي أغسل جسمي بس ما أحب أغسل شعري بالسدر ولأن أمي بتسألني وما أريد أكذب عليها أتحمم بسدر ) .. وتلبس جديد .. نكحل البيبي من يطلع من المستشفى .. نكحل عيونه وحواجبه ,, نستعمل أدوية شعبية .. أظن الصبر أو الصبرة أمي تذوبها بزيت زيتون دافي وتدهن كفوف البيبي ورجوله والمناطق التناسلية وحوالين عيونه .. الكفوف والرجول لأن لونهم يكون أبيض جدا عن جسم البيبي وأمي تقول علشان ما يعرق من أياديه ورجوله إذا كبر .. والمناطق التناسلية علشان ما تصير سودا .. والعيون علشان تروح النفخة اللي حوالين العيون .. نحط هالعلاج 3 مرات في الاربعين كلهها .. يعني تقريبا كل 10 أيام .. تستعمل دوا ثاني ما أدري شو اسمه وتخلطه مع شوي نيلة وزين زيتون وتدهن فيه السرة علشان تنشف بسرعة وتطيح بدون ما تورم وتسوي مشاكل ,, بالنسبة لي أستعمل مسحة الكحول بعدين أخليها تحط خلطتها .. عندنا بعد التحنيك .. تمرة تدلك ويمضغها شخص مشهود له بالفصاحة وبعدين يحنك فيها البيبي .. وأنا زوجي يحنك عياله ,, وعندنا لو بعد اسبوع البيبي نحسه بعبان من بطنه نحط له شوي حبة حمرا ( رشاد ) في شوي ماي ننقعه حوالي نص ساعة ونسقيه .. علشان ينظف بطنه لو فيه شيء .. صح بعد اول ما يوصل البيبي البيت نرش على الام نثور .. يعني حلويات وفلوس .. ونرش بعد رز غير مطبوخ وملح ولا تسألوني ليش خخخ لأني ما أعرف بس نغطي وجه البيبي علشان ما ينزل عليه أكلات النفاس عندنا تشابه أكلات النفاس عندكم ما اختلاف الاسامي .. مرقوقة وعصيدة ومصابيب احنا نسميها قروص تشريبة اللي هي الثريد والخبز والاكل المعروف بلاضافة إلى الحسو أو الحريروة وهو نفس الشيء بس الاسم مختلف .. كله يعطونها سمن ( دهن عداني للي مشتهيات الدهن خخخ ) وما يعطونها بيت مسلوق ولا بقوليات ولا بصل علشان ما تنمغص وطبعا الفلفل الحار ممنوع علشان البيبي .. مهم عندنا إن النفاس تاكل عسل علشان يقويها وأنا عند أميأتدلع بس عند زوجي ما بقدر لأن أمه بتشرف علي وأمه أشد من أمي في أمور النفاس لازم نتدفى والوحدة شيلتها على راسها تغطي أذنها ووأكمام طويلة وشرابات .. ونشرب أشيا دافية كل ليلة نسخن حصى كبيرة في الفرن أو على النار ونلفها بفوطة وتحطها الوالدة على بطنها علشان تساعدها ان ينزل الدم ويرجع الرحم بسرعة .. عندنا اللي يزور وحدة نفاس لازم يعطي البيبي فلوس لو 50 درهم .. خاصة لو ما كانوا جايبين هدايا .. البيبي كل يوم بعد العشا ندهنه بزيت زيتون ونسوي له مساج وبعدها نقمطه ونكحل ونعطيه الحليب علشان ينام ,,, والام كل ما نام البيبي نامت معاه .. ممنوع ترضعين البيبي قدام الناس كله يخلونا ندخل الغرفة نرضع ما نطلع البيبي من البيت أبدا من بعد المغرب وما نخليه جنب الناس أو الاطفال أو التلفزيون المسا علشان امي تقول هوا الليل يزيد الغازات والاصوات بالليل تظل في راس البيبي .. عن نفسي أشغل قراآن وأخليه جنب النونو ,, آخر ليلة في الاربعين يتحنى النونو بحناء طبيعية والام تتحنى وتتعدل .. وثاني يوم نغتسل ونكون كاشخين جدا ونسوي غدا حلو على الاقل لأهل البيت .. ونكون خلصنا من العادات بعد إن الام والبيبي ما يطلعون من البيت 40 يوم بس هالعادة بطلوها لكن أمي ما تخلينا نطلع الا للضروري .. بس ما نروح السوق أو نتمشى .. وعندها حق أنا رحت بولادتي الاولى البنك ورجعت متكسرة وتعبت جدا وظليت اسبوع مجهدة .. هذا اللي تذكرته وجا في بالي .. عادات يمكن بعضكم يشوف فيها غرابة بس هي مثل ما ذكرت خليط ما بين أشيا أمي تعلمتها من جدتي اللي كانت طبيبة شعبية وما بين المجتمع ومابين أشيا احنا نتبعها في البيت ..

حبيت أخبركم شوي عن عاداتنا .. طبعا كل منطقة في أي مكان في العالم ولها طقوس وعادات .. وكل مجتمع...