رنين الغد :

الغلا وش لمبته الحمدلله الله ستر انا احطه كذا في الغرفه واولع لمبه السقف عايدي بس يكون هو تحتها مباشره مو ابجوره اما الصفار مااظن طفل ينولد بدون صفار بس انا دايم اطلعهم على مسؤليتي ام الغزلان وقمر احنا عندنا ان الافضل مايقولون انك بتولدين يقولون الظلق يبرد اما الطلعه بكيف الواحده بس اكيد الافضل ماتطلع الكحل اللي تبغى تكحل والا عايدي بس انا اكحل لان عيالي يطلعون مصفرين والتحنيك مهم انا حنكت ولدي بتمر وهو في العنايه المركزه دخلت التمره ماانتبهو 😀يوم جبته في الثامن اما ياقمر النفاس ماتاكل قدام الناس ليش غريبه احنا يجيبون اكل النفاس ولازم يغرفون لك منه وكلي وسولفي وسوي اللي تبغين عايدي والطرحه اللي تبغى تلبس والا عايدي وبنات هذا الجيل مايلبسون بس انا احب اللبس مره واحده ارتاح من تمشيط شعري😂

الغلا وش لمبته الحمدلله الله ستر انا احطه كذا في الغرفه واولع لمبه السقف عايدي بس يكون هو تحتها...

mrs.abk :

ضحكتيني أم شجاع .. زيت الزيتون ماله علاقة بالطلق .. حتى لو شربتيه .. بس تلاقين الطلق بدا من نفسه بعد الترطيب ,, أنا ما أستعمل لعيالي منتجات جونسون أستعمل موستيلا أو ماركات أجنبية من المواقع أشتريهم .. تعرفين أمي شو قالت لي ببنتي البكر لما بكت أول مرة .. قالت يا بنتي ترا هالطفلة ما تعرف حد في هالعالم غيرج إنتي بس الي تعرفها من صوتها واحساسها وتخاف من كل الدنيا وكل شيء يديد عليها تخاف من ثيابها وتخاف من اللمبة وتخاف من الصوت .. خليها في حضنج وحني عليها لحد ما تتعود شوي .. وفعلا انا اتبع كلام أمي مع بناتي للحين برغم كبروا بس أحس انهم مرتبطين بالدنيا مني أنا ولهالسبب صاروا ما يهونون علي أتركهم لحد في داخلي قناعة بأنهم يخافون بدوني وما أقسى عليها علشان أنا وأبوهم طبعا الحين مصدر الامان لهم وما أريدهم يخافون من الامان ..

ضحكتيني أم شجاع .. زيت الزيتون ماله علاقة بالطلق .. حتى لو شربتيه .. بس تلاقين الطلق بدا من نفسه...